Tuesday, April 04, 2017

അബസ്വര സംഹിത - ഇരുപത്തിഏഴാം ഖണ്ഡം


അബസ്വരങ്ങള്‍ യാത്ര തുടരുന്നു....

                                                                     1301
                                                                     ******
20.01.2017
കാർന്നോരെ സത്യപ്രതിജ്ഞ്യ ചെയ്യിക്കാതെ ഓരോരുത്തർ പ്രസവിച്ച്‌ കൊണ്ടിരിക്കുകയാണല്ലോ....

അബസ്വരം :
ഒരു ഹാർട്ടറ്റാക്ക്‌ രക്ഷക്കെത്തും എന്ന പ്രതീക്ഷ ഇപ്പോഴും അമേരിക്കക്കാർക്ക്‌ ഉണ്ടോ?
                                                                     1302

                                                                     ******
21.01.2017
പാണക്കാട്‌ കൊടപ്പനക്കൽ കുടുംബം നടത്തുന്ന മാനവമൈത്രി സമ്മേളനത്തിന്റെ നോട്ടീസിൽ, മലയാളി ഹൗസിലെ മാനവമൈത്രൻ സംഘിശ്രീ രാഹുൽ ഈശ്വറും പങ്കെടുക്കുന്നതായി കാണുന്നു.

ജമാഅത്തുകാർ രാഹുലിനെ ആറ്റിങ്ങലിലെ പരിപാടിയിൽ പരിപടിയിൽ പങ്കെടുപ്പിച്ചപ്പോൾ ഒരുപാട്‌ ലീഗുകാർ അതിനെ വിമർശിക്കാൻ ഉണ്ടായിരുന്നു. ആ ലീഗുകാർ ഒക്കെ ഇപ്പോഴും അതേ നിലപാടാണോ പിന്തുടരുന്നത്‌ ?

അതോ കൊടപ്പനക്കൽ തറവാട്ടിൽ നിന്നും തിട്ടൂരം ഇറങ്ങിയാൽ അതിനെതിരെ ശബ്ദിക്കാനുള്ള അണ്ടി ഉറപ്പില്ലായ്‌മയാണോ ലീഗുകാരെ നിശബ്ദരാക്കുന്നത്‌ ?

രാഹുൽ ഈശ്വറിനെ പോലുള്ള സംഘി കൂട്ടിക്കൊടുപ്പുകാരെ സ്റ്റേജിൽ കയറ്റി ഇരുത്തി, മൈക്ക്‌ കെട്ടി കൊടുക്കുന്നത്‌ സമുദായത്തോട്‌ ചെയ്യുന്ന വഞ്ചനയല്ലേ തങ്ങന്മാരേ ? ലീഗുകാരേ ?

മാനവ മൈത്രി എന്നും പറഞ്ഞ്‌ ഫൈസലിന്റെ ഘാതകർക്കും, ഇക്കണക്കിന്‌ നിങ്ങൾ പട്ടു പരവതാനി വിരിച്ച്‌, സ്റ്റേജിൽ കയറ്റി മൈക്കും നൽകില്ലെന്നാരു കണ്ടു ?

അബസ്വരം :
നിർത്തെടോ ഉടായിപ്പ്‌ നാടകങ്ങൾ !!

                                                                     1303

                                                                     ******
23.01.2017
"ഇക്കാ, ഈ ജല്ലിക്കെട്ട്‌ ന്നാ ന്താ ?"

"അതേയ്‌ കുത്താൻ വരുന്ന കാളയെ പിടിച്ച്‌ നിർത്തുന്ന ഒരു കളിയാ.."

"ഇങ്ങൾ അത്‌ കളിച്ച്ട്ട്ണ്ടാ ?"

 "പിന്നെ... മ്മളൊക്കെ എത്ര കളിച്ചതാ..."

"എപ്പളാ കളിച്ചത്‌ ? മ്മൾ കണ്ടിട്ടില്ലല്ലോ"

"ഇജ്ജ്‌ കണ്ട്ക്ക്ണ്‌"

"പൊയ്ക്കോളിം ഇങ്ങള്‌. ബെർതെ ബഡായി അടിക്കാണ്ട്‌"

"അത്‌ അനക്ക്‌ മൻസിലാവാഞ്ഞിട്ടാ... അല്ലങ്കിലും കുത്താൻ വരുന്ന കാളക്ക്‌ മാത്രമേ അത്‌ ജല്ലിക്കെട്ടാണ്‌, കളിയാണ്‌ എന്നൊക്കെ അറിയാണ്ടിരിക്കൂ. അതാ മ്മടെ കല്യാണം കഴിഞ്ഞ അന്ന് മുതൽ മ്മൾ ജല്ലിക്കെട്ട്‌ നടത്തീട്ടും അതനക്ക്‌ മൻസിലാവാഞ്ഞത്‌..."

അബസ്വരം :
ഇപ്പോൾ കിട്ടിയ വാർത്ത,
ജല്ലിക്കെട്ടിനെ കുറിച്ച്‌ ക്ലാസെടുക്കുന്ന കാളക്ക്‌ പരിക്കേറ്റു.
ഇതും ഒരു ജല്ലിക്കെട്ടായിരുന്നു എന്ന തിരിച്ചറിവില്ലാതെയാണ്‌ കാള ക്ലാസ്‌ എടുത്തിരുന്നത്‌ എന്ന് ദൃസാക്ഷികൾ അറിയിച്ചു.

                                                                     1304

                                                                     ******
23.01.2017
ജല്ലിക്കെട്ട്‌ സമരത്തിന്റെ പേരിൽ മറീനാ ബീച്ചിലും മറ്റും തടിച്ചുകൂടിയ ജനങ്ങളെ ഒഴിപ്പിക്കാൻ പോലീസ്‌ ശ്രമിക്കുന്നത്‌ അക്രമത്തിലേക്ക്‌ നയിക്കുന്നു എന്ന വാർത്തകൾ തമിഴ്‌നാട്ടിൽ നിന്ന് വരുന്നുണ്ട്‌.

ഈ സമരക്കാരെ ഒഴിപ്പിക്കാൻ പോലീസ്‌ ഇറങ്ങിയാൽ സംഭവം അക്രമാസക്തമാവുമെന്ന് ഉറപ്പാണ്‌. മാത്രമല്ല ഒരുപാട്‌ പോലീസുകാർക്കും പരിക്കേൽക്കും.

ഇത്‌ ഒഴിവാക്കാനും, സമരക്കാരെ ഓടിക്കാനും ഒരു സൂത്രപ്പണിയുണ്ട്‌.

പോലീസ്‌ മറീന അടക്കമുള്ള സ്ഥലങ്ങളിൽ നല്ല ഉശിരുള്ള കുറച്ച്‌ കാളകളെ കൊണ്ടുവരിക. എന്നിട്ട്‌ അവയുടെ പിന്നാമ്പുറ വാതിലിൽ ചീനമുളക്‌ അരച്ച്‌ പുരട്ടുക. എന്നിട്ട്‌ സമരക്കാർക്കിടയിലേക്ക്‌ വിടുക.

നിമിഷങ്ങൾക്കകം സമരക്കാർ തടി സലാമത്താക്കുന്നത്‌ കാണാം.

അബസ്വരം :
കാള പ്രശ്നം കാളയെക്കോണ്ട്‌ തന്നെ തീരുമാനമാക്കിക്കാവുന്നതേയുള്ളൂ !

                                                                     1305

                                                                     ******
23.01.2017
രാഹുൽ ഈശ്വർ പങ്കെടുത്ത, കൊടപ്പനക്കൽ തറവാടിന്റെ മാനവ മൈത്രി സമ്മേളനത്തിൽ നിന്നും വിട്ടു നിന്ന അലൻസിയറും, കമലും പ്രത്യേകം അഭിനന്ദനം അർഹിക്കുന്നു.

തങ്ങന്മാർക്ക്‌ തിരിയാത്തത്‌ തങ്ങൾക്ക്‌ തിരിയും എന്ന് തെളിയിച്ച, ലീഗിന്റെ വളഞ്ഞ ബുദ്ധിക്ക്‌ തലവെച്ച്‌ കൊടുക്കാതിരുന്ന അലൻസിയറിൽ നിന്നും, കമലിൽ നിന്നും ഫാസിസ്റ്റ്‌ വിരുദ്ധ കേരളത്തിന്‌ പലതും പഠിക്കാനുണ്ട്‌.

അബസ്വരം :
എന്നാലും തങ്ങന്മാരോട്‌ അലൻസിയറും, കമലും കാട്ടിയത്‌ ബല്ലാത്ത ചെയ്ത്തായി! തങ്ങമാരെ തക്കാരം ധിക്കരിച്ചു ന്നൊ ക്കെ പറഞ്ഞാ....!


                                                                     1306

                                                                     ******
24.01.2017
ഇന്നലെ മ്മടെ പോസ്റ്റിൽ ഒരു ചങ്ങായി ഇട്ട കമന്റിന്റെ ഒരു ഭാഗം കണ്ട്‌ ഒരുപാട്‌ ചിരിച്ചു...!

ആ ഭാഗം താഴെ...

"കലാകാരന്മാർക്ക് creativity ഉണ്ടാവാം പക്ഷെ അത് കൊണ്ട് IQ ഉണ്ടെന്നു പറയാൻ പറ്റില്ലല്ലോ ? തങ്ങൾമാർക്കും, നമ്പൂതിരിമാർക്കും ഉള്ള IQ hereditary ആണ്." 

സംഭവം കമന്റ്‌ മൊതലാളി, കൊടപ്പനക്കൽ തറവാടിനേയും, രാഹുൽ ഈശ്വറിനേയും പൊക്കി അടിക്കാൻ നോക്കിയതാണ്‌.

ഇജ്ജാതി മൊയന്തുകൾ അണികളായി വരുന്നത്‌ തന്നെയാണ്‌ ഉടായിപ്പന്മാർക്ക്‌ ശക്തി പകരുന്നതും, സമൂഹ്യാധപതനത്തിന്‌ കാരണമാകുന്നതും !

അബസ്വരം :
എന്തായാലും ഓന്റെ ഐ ക്യു നെ പറ്റി ഒരു ധാരണയായി !

                                                                     1307

                                                                     ******
24.01.2017
ഓടേണ്ട ഓടേണ്ട ഓടി തളരേണ്ട
ഓമന ഇരട്ട ചങ്കുകൾ വാടീടേണ്ട
ഓമന ചങ്കുകൾ വാടാതെ സൂക്ഷിച്ചാൽ
ഓമന ചങ്കുകളിലൊരു കുമ്മനം തരാം

അബസ്വരം :
പകല്‌ മുഴുവൻ വിപ്ലവം പറഞ്ഞ്‌
കിട്ടിയ ചാൻസില്‌ മണ്ടിമറഞ്ഞ്‌
എന്റെ നാട്ടാരെ കഷ്ടത്തിലാക്കല്ലേ പിണറായീ...
എന്റെ നാട്ടാരെ കഷ്ടത്തിലാക്കല്ലേ പിണറായീ.

                                                                     1308

                                                                     ******
25.01.2017
ഏറ്റവും കൂടുതൽ ഓക്സിജൻ സപ്ലൈ ചെയ്തതിനു കുന്നുമ്മേൽ ശാന്തയുടെ പശുവിന്‌ പത്മശ്രീ.

അബസ്വരം :
കടുത്ത മൽസരത്തിൽ വടക്കേതിൽ അമ്മിണിയുടെ പശുവിനെ തോൽപ്പിച്ചാണ്‌ കുന്നുമ്മേൽ ശാന്തയുടെ പശു പത്മശ്രീ കരസ്ഥമാക്കിയത്‌ എന്ന് ഞങ്ങളുടെ ലേഖകൻ റിപ്പോർട്ട്‌ ചെയ്യുന്നു.

                                                                     1309

                                                                     ******

26.01.2017
ബ്രിട്ടീഷുകാരുടെ ചെരിപ്പ്‌ നക്കികളായി, അവർക്ക്‌ മാപ്പപേക്ഷ എഴുതികൊടുത്ത സംഘികളുടെ മുഖത്ത്‌ ചെരിപ്പ്‌ കൊണ്ടടിക്കുന്ന ഫീൽ ലഭിക്കുന്ന ആഘോഷ ദിനമാണ്‌ ഒരോ റിപ്പബ്ലിക്ക്‌ ഡേയും.

ഇന്ത്യയെ ഒറ്റുകൊടുക്കാത്ത, സൈനികരുടെ ശവപ്പെട്ടിയിൽ കുംഭകോണം നടത്താത്ത, വർഗ്ഗീയ കലാപങ്ങൾക്ക്‌ നേതൃത്വം നൽകാത്ത, അക്രമവും ചെറ്റത്തരവും കാണിക്കാത്ത, വർഗ്ഗീയ വാദികൾക്ക്‌ ഓശാന പാടാത്ത, അവരുടെ മൂട്‌ താങ്ങാത്ത എല്ലാവർക്കും റിപ്പബ്ലിക്ക്‌ ദിനാശംസകൾ.

അബസ്വരം :
റിപ്പബ്ലിക്കിനെ "ഗോപ്പബ്ലിക്ക്‌" ആക്കാതിരിക്കാൻ ഇന്ത്യൻ ജനത ജാഗരൂഗമാവട്ടെ !


                                                                     1310

                                                                     ******
27.01.2017
ഇന്നലെ രാത്രി കിടക്കാൻ നേരത്ത്‌ കണ്ട ഒരു വാർത്ത മനസ്സിനെ വല്ലാതെ അസ്വസ്ഥമാക്കി.

നൂറ്‌ ശതമാനം വിജയം നേടാൻ സ്കൂളുകൾ കാണിക്കുന്ന ഉടായിപ്പ്‌ ആയിരുന്നു ജീവൻ ടി വിയുടെ ആ വാർത്തയിൽ !

പഠിക്കാൻ മോശമായ കുട്ടികളെ എസ്‌ എസ്‌ എൽ സി പാസാക്കാനായി, അവരെ മാനസിക വൈകല്യമുള്ളവരായി ചിത്രീകരിക്കുകയും, ഡോക്ടർമാരിൽ നിന്ന് അപ്രകാരം ഉള്ള സർട്ടിഫിക്കറ്റ്‌ വാങ്ങിക്കുകയും, അതുപയോഗിച്ച്‌ ആ കുട്ടിക്ക്‌ പകരം വേറെ ആളെ വെച്ച്‌ പരീക്ഷ എഴുതിക്കുകയും ചെയ്യുന്നതാണത്രേ ടെക്ക്നിക്ക്‌ !

സർട്ടിഫിക്കറ്റിനായി വരുന്ന കുട്ടികൾക്ക്‌ ഡോക്ടർ ഒരു പസിൽ നൽകുകയും, അത്‌ കുട്ടി തെറ്റിച്ച്‌ ചെയ്യുകയും ചെയ്താൽ കുട്ടിക്ക്‌ മനോവൈകല്യമുള്ള സർട്ടിഫിക്കറ്റ്‌ ലഭിക്കുകയും ചെയ്യുമത്രേ ! അധ്യാപകർ കുട്ടികൾക്ക്‌ പസിൽ തെറ്റിച്ച്‌ ചെയ്യണം എന്ന ഉപദേശം കൃത്യമായി നൽകിയാണത്രേ ഡോക്ടറുടെ അടുത്തേക്ക്‌ വിടുന്നത്‌ !

കുട്ടികൾ വൃത്തിയായി പസിൽ തെറ്റിക്കുകയും മനോവൈകല്യ സർട്ടിഫിക്കറ്റ്‌ വിജയകരമായി കരസ്ഥമാക്കുകയും ചെയ്യുന്നു !

എന്തൊരു വിചിത്രമായ വിദ്യാഭ്യാസ രീതിയാണിത്‌ ?

മനോവൈകല്യമുള്ള കുട്ടികൾക്ക്‌ അവരുടെ രീതിയിൽ ഉള്ള വിദ്യാഭ്യാസ സൗകര്യങ്ങളും, പരീക്ഷാ - മൂല്യനിർണ്ണയ രീതികളും ഉണ്ടാക്കുകയല്ലേ ചെയ്യേണ്ടത്‌ ?

അല്ലാതെ ഇത്തരത്തിൽ ഉള്ള ഒരു നിയമം ഉണ്ടാക്കി, അതിലൂടെ മനോവൈകല്യം ഇല്ലാത്ത പഠിക്കാൻ മോശമായ കുട്ടികൾക്ക്‌ തട്ടിപ്പ്‌ നടത്താനുള്ള സൗകര്യം ഒരുക്കുകയാണോ വേണ്ടത്‌ ?

ഈ വിദ്യാഭ്യാസം കൊണ്ട്‌ സമൂഹത്തിന്‌ കോട്ടമല്ലാതെ എന്ത്‌ നേട്ടമാണുള്ളത്‌ ?

അബസ്വരം :
വിദ്യാഭ്യാസത്തെ "വിദ്യകളുടെ ആഭാസം" ആക്കരുത്‌ ഭരണകർത്താക്കളേ !

                                                                     1311

                                                                     ******
27.01.2017
വാട്ട് ഡിഡ് യു സേ? വനവാസീസ്‌? മെയ്ബി വി ആർ പുവർ, കൂലീസ്, ആദിവാസീസ്‌. ബട്ട് വി ആർ നോട്ട് വനവാസീസ്‌ ! യു എൻജോയ് ദിസ് സ്റ്റാറ്റസ് ഇൻ ലൈഫ് ബിക്കോസ് ഓഫ് അവർ സ്വെറ്റ് ആന്റ് ബ്ലഡ്. ലെറ്റ് ഇറ്റ് ബി ദി ലാസ്റ്റ് ടൈം. ഇഫ് യു ഡെയർ ടു സേ ദാറ്റ് വേഡ് വൺസ് മോർ, വി വിൽ പുൾ ഔട്ട് യുവർ ബ്ലഡി ചങ്ക്‌.

അബസ്വരം :
എടോ വനവാസികളേ, ഇവടെ ദഹണ്ണ നായരുടെ താക്കോൽ സ്ഥാനത്തിലൂടെ ഗ്യാസും വണ്ടി ജാത്താഹുമ്പോളാ അന്റെ ഒക്കെ ഒരു സമരം !

                                                                     1312

                                                                     ******
28.01.2017
ഇന്നലെ SSF ന്റെ സ്വലാത്ത്‌ വാർഷിക പരിപാടിക്കിടയിൽ ചെറിയ മഴവരുകയും, ആളുകൾ വേദിക്ക്‌ മുന്നിലുള്ള കസേരകളിൽ നിന്ന് മഴ നനയാതിരിക്കാൻ എഴുന്നേൽക്കുകയും ചെയ്തപ്പോൾ മുസ്ല്യാർ പ്രസംഗിച്ച ഡയലോഗ്‌ ഒരു ഒന്നൊന്നര ഡയലോഗ്‌ ആയിരുന്നു...

"മഴ കൊള്ളുന്നത്‌ സുന്നത്താണ്‌. മഴ കൊണ്ട്‌ ജലദോഷം പിടിക്കുന്നത്‌ സുന്നത്താണ്‌. അങ്ങിനെ പിടിച്ച ജലദോഷത്തിന്‌ മരുന്ന് കഴിക്കുന്നതും സുന്നത്താണ്‌..."

അതോടെ ഒരുപാടെണ്ണം കസേരകളിൽ തന്നെ ഇരുന്ന് സുന്നത്ത്‌ എടുത്തു !!

ഈ സുന്നത്തൊക്കെ ആരാണ്‌ പഠിപ്പിച്ചത്‌ എന്ന്‌ മനസ്സിലായില്ല !

എന്തായാലും സ്പോട്ടിൽ സുന്നത്ത്‌ ഇറക്കി, മഴകൊണ്ട്‌ ആളുകൾ കുറയുന്നത്‌ തടഞ്ഞ ആ മുസ്ല്യാരെ സമ്മതിക്കണം.

അബസ്വരം :
അങ്ങനേയും ഒരു സുന്നത്തുണ്ടെന്ന് കരുതി മഴ കൊണ്ട കൗമീങ്ങളേയും സമ്മയ്ക്കണം!

                                                                     1313

                                                                     ******
29.01.2017
അടുത്തതായി "ഡീബാർ മരുമോൾ വിന്താലു" ഉണ്ടാക്കുന്നത്‌ എങ്ങിനെയെന്ന് നോക്കാം.

ആവശ്യമുള്ള സാധനങ്ങൾ :
01. ലക്ഷ്മി നായർ തൊലികളഞ്ഞത്‌ - 1 എണ്ണം
02. അഹങ്കാരം - 500 gm
03. വിവരക്കേട്‌ - 450 gm
04. തെറിവിളി - 700 gm
05. തന്തക്ക്‌ വിളിച്ചത്‌ - 100 എണ്ണം
06. കണ്ണ്‌ കടി - 254 gm
07. മരുമകൾ - 1 എണ്ണം
08. സെക്സ്‌ - ആവശ്യത്തിന്‌
09. ചെങ്കൊടി - 1 എണ്ണം
10. വിപ്ലവം - 150 gm
11. ഇരട്ടച്ചങ്ക്‌ - 1 എണ്ണം


ഉണ്ടാക്കുന്ന വിധം :
കാമ്പസിലെ തീയ്യ്‌ നന്നായി കത്തുമ്പോൾ അതിലേക്ക്‌ ഒന്നും രണ്ടും ചേരുവകൾ ചേർക്കുക. നന്നായി തിളക്കുമ്പോൾ തെറി വിളി, തന്തക്ക്‌ വിളി എന്നിവ ചേർത്ത്‌ നന്നായി മിക്സ്‌ ചെയ്യുക. ശേഷം കണ്ണുകടി പൊടിച്ചതും, മരുമകൾ പുഴുങ്ങിയതും ചേർത്ത്‌ ഇളക്കൽ തുടരുക. കരിഞ്ഞ മണം വരുമ്പോൾ തീ കെടുത്തി സെക്സ്‌ ഒഴിക്കുക. ചൂട്‌ ആറിവരുമ്പോൾ ചെങ്കൊടി ചെറുതായി അരിഞ്ഞതും, വിപ്ലവം പൊടിച്ചതും ചേർക്കുക.

തണുത്ത്‌ കഴിഞ്ഞാൽ ഇരട്ടചങ്ക്‌ ഒരു കഷ്ണം അരച്ചത്‌ ചേർത്ത്‌, എ കെ ജി ഇലയിൽ വിളമ്പുക.

സ്വാദിഷ്ഠമായ "ഡീബാർ മരുമോൾ വിന്താലു" റെഡി.

അബസ്വരം :
തിന്നുമ്പോൾ "ന്യായീകരിക്കാൻ ഞാൻ കൊങ്ങിയല്ല" എന്ന മന്ത്രം ഉരുവിട്ടാൽ രുചി കൂടും.

                                                                     1314

                                                                     ******
30.01.2017
"ആർഭാട വിവാഹങ്ങൾ ഒഴിവാക്കണം" എന്ന് ഫത്‌വ നൽകിയവർ, കുടിയിരിക്കൽ നല്ല ആർഭാടമായി തന്നെ നടത്തിയല്ലോ ല്ലേ ?

അതോ "കല്യാണത്തിനു മാത്രം ആർഭാടം ഒഴിവാക്യാ മതി, കുടിയിരിക്കലിന്‌ ആർഭാടം ഹറാമായ സുന്നത്താണ്‌" എന്നതാണോ നിലപാട്‌ ?

എന്തായാലും ഉപദേശം അണികൾക്ക്‌ മാത്രം ഇരിക്കട്ടെ...

അബസ്വരം :
"ഓല്‌ തങ്ങമാരല്ലേ ? ഒരുപാടാള്‌ വരാണ്ടാവൂലേ ? വന്നാ വയറ്‌ നെറച്ച്‌ തിന്നാൻ കൊടുക്കേണ്ടേ ?" എന്നൊക്കെ ചോദിച്ച്‌ ചീറി പാഞ്ഞ്‌ വരുന്ന പാണക്കാടൻ പട്ടാളത്തിന്‌ നല്ല നമസ്ക്കാരം !

                                                                     1315

                                                                     ******
30.01.2017
L - ലാൽ സലാം മുഴക്കി
E - ഇരിക്കുന്ന
K - കൈരളി
S - സഖാക്കളുടെ
H - ഹൃദയത്തിൻ അന്തരാളങ്ങളിൽ
M - മാണിക്യമായി
I - ഇടിച്ചിറങ്ങിയ
N - നാരീ രത്നത്തെ
A - അങ്ങനെയൊന്നും
I - ഇരട്ട ചങ്കൻ
R - രാജിയാക്കില്ല മക്കളേ


അബസ്വരം :
ലക്ഷ്മിയുണ്ടോ സഖാവേ ?
വിന്താലു ഒന്നുണ്ടാക്കാൻ !

                                                                     1316

                                                                     ******
31.01.2017
സൗമ്യ അനുസ്മരണ പ്രസംഗത്തിനായി വേദിയിലെത്തിയ ഗോവിന്ദ ചാമിയെ സഹർഷം സ്വാഗതം ചെയ്യുന്നു.

അബസ്വരം :
അതിനു ശേഷം സദ്ദാമിനെ തൂക്കിക്കൊന്നതിനെതിരെ മുൻ അമേരിക്കൻ പ്രസിഡന്റും, ലോക പ്രശസ്ത സദ്ദാമിയനും ആയ ജോർജ്ജ്‌ ബുഷിന്റെ നേതൃത്വത്തിൽ പന്തംകൊളുത്തി പ്രതിഷേധ പ്രകടനവും ഉണ്ടായിരിക്കുന്നതാണ്‌.

                                                                     1317

                                                                     ******
31.01.2017
ലക്ഷ്മി നായർക്ക്‌ ക്ഷുരക പണി ചെയ്തുകൊടുത്ത "Shaving Federation of India" യിലെ വിപ്ലവ പോരാളികൾക്ക്‌ അഭിവാദ്യങ്ങൾ !

അബസ്വരം :
രോമമുണ്ടോ സഖാവേ, ഒന്ന് ചെരക്കാൻ !

                                                                     1318

                                                                     ******
01.02.2017
ഇ.അഹമ്മദ്‌ സാഹിബിനേയും നമ്മേയും നാഥൻ സ്വർഗ്ഗത്തിൽ ഒരുമിപ്പിച്ച്‌ കൂട്ടട്ടെ !

അബസ്വരം :
ഒരു പാർലിമെന്റേറിയൻ മരിച്ച്‌ കിടക്കുമ്പോൾ, ബജറ്റവതിരിപ്പിക്കാനായി മരണം പുറത്ത്‌ വിടുന്നത്‌ തടയാൻ ശ്രമിച്ച എല്ലാ സംഘിമക്കളും ഒന്നോർക്കുക...
നിങ്ങളും ഒരു നാൾ മരിക്കും !

                                                                     1319

                                                                     ******
02.02.2017
ഓർത്തിരിക്കുക !

ഇന്ന് ഒരുവന്റെ മരണം കൊണ്ട്‌ കളിക്കുന്നവൻ സ്വന്തം മരണത്തിൽ അനുഭവിക്കുക തന്നെ ചെയ്യും.

ബാബ്‌റി മസ്ജിദ്‌ തകർക്കുന്നതിന്‌ എല്ലാ ഒത്താശയും ചെയ്തിരുന്ന വാജ്‌പേയിയുടെ ഇന്നത്തെ അവസ്ഥ എന്താണ്‌ ?

കാർഗിൽ യുദ്ധസമയത്ത്‌ ശവപ്പെട്ടിയിൽ കുംഭകോണം നടത്തിയ ജോർജ്ജ്‌ ഫെർണാണ്ടസ്സിന്റെ ഇന്നത്തെ അവസ്ഥ എന്താണ്‌ ?

അദ്ധ്വാനിയേയും, മോഡിയേയും കാത്തിരിക്കുന്ന വിധിയും ഇതുപോലെ ഒക്കെ തന്നെ ആയിരിക്കും...

അബസ്വരം :
നമുക്ക്‌ കാത്തിരിക്കാം...
കാലം അതിന്റെ കാവ്യനീതി നടപ്പിലാക്കുന്നത്‌ കാണാൻ....!

                                                                     1320

                                                                     ******
02.02.2017
"നിരാഹാര സമരം നടത്തുമ്പോൾ, രാത്രി വീട്ടിൽ പോയി ഭക്ഷണം കഴിച്ചാൽ നിരാഹാരസമരം മുറിയുന്നതല്ല." - ചാണക്യൻ

"രാത്രി ഭക്ഷണം നിരാഹാര സമരത്തിൽ അനുവദനീയമാണ്‌." - ഷെർലോക്‌ ഹോംസ്‌

"നിരാഹാര സമരം കിടക്കുമ്പോൾ വിശപ്പ്‌ തോന്നിയ ശേഷം ഭക്ഷണം കഴിച്ചാലെ കുഴപ്പമുള്ളൂ. വിശപ്പ്‌ തോന്നാതിരിക്കുമ്പോൾ കഴിക്കുന്ന ഭക്ഷണം നിരാഹാര സമരത്തിനു ഭംഗം വരുത്തില്ല." - ഐസക്‌ ന്യൂട്ടൻ

"സ്വന്തം വീട്ടിൽ വെച്ച ഭക്ഷണം പാഴാക്കി കളയാതിരിക്കുക എന്ന ഉദ്ദേശ്യത്തോടെ നിരാഹാരം കിടക്കുന്ന വ്യക്തി ഭക്ഷണം കഴിച്ചാൽ അത്‌ നിരാഹാര സമരത്തിന്‌ വിഘ്‌നമാവുന്നില്ല." - എബ്രഹാം ലിങ്കൺ

"സംഘികൾക്ക്‌ നിരാഹാര സമരത്തിൽ ഒരു നേരത്തെ ഭക്ഷണം അനുവദനീയമാണ്‌." - ഡോ.അബ്സാർ മുഹമ്മദ്‌

അബസ്വരം :
നിരാഹാര സമരത്തിലെ ഒരു നേര ഭക്ഷണത്തെ കുറിച്ച്‌ മഹാന്മാർ ഇത്രയും വ്യക്തമായി പറഞ്ഞിട്ടുള്ളപ്പോൾ, നിരാഹാര സമരത്തിനിടയിൽ രാത്രി വീട്ടിൽ പോയി ഭക്ഷണം കഴിച്ച വി.മുരളീധരനെ എന്തിനാണ്‌ പരിഹസിക്കുന്നത്‌ മക്കളേ ?

                                                                     1321

                                                                     ******
03.02.2017
അപ്പൊ എങ്ങിനേയാ ലീഗുകാരേ കാര്യങ്ങൾ ?

ശ്രീധരൻ പിള്ളയേയും, രാഹുൽ ഈശ്വറിനേയും സ്റ്റേജിൽ ഇരുത്തി അഹമ്മദ്‌ സാഹിബിന്റെ ഒരു അനുസ്മരണം നടത്തേണ്ടേ ?

മോഡിയേയും, ജെറ്റ്‌ലിയേയും കൂടി ഒന്ന് കിട്ടുമോ ന്ന് നോക്കൂ !

അബസ്വരം :
സംഘികൾ എന്നും സംഘികൾ തന്നെയാണെന്നും, അവർ അകറ്റി നിർത്തേപ്പെടേണ്ടവരാണെന്നും ഇനിയെന്നാണ്‌ നിങ്ങളൊക്കെ ഒന്ന് പഠിക്കുക ?

                                                                     1322

                                                                     ******
03.02.2017
"കൊല്ലപ്പെട്ട ജിഷയുടെ പേരിൽ ലഭിച്ച നഷ്ടപരിഹാര തുക പങ്കുവയ്ക്കുന്നതിനെ ചൊല്ലി അമ്മയും സഹോദരിയും തമ്മിൽ തല്ലി. കസേര കൊണ്ട് രാജേശ്വരിയെ തല്ലിയ ദീപയെ തടഞ്ഞ വനിതാ പൊലീസുകാരിക്ക് പരിക്ക്. ആഴ്ചയിൽ 24,000 രൂപ വീതം പിൻവലിച്ച് അടിപൊളി ജീവിതം നയിക്കുന്ന അമ്മ മകൾക്ക് ഒന്നും കൊടുക്കുന്നില്ലെന്ന് പരാതി. ദീപയ്ക്ക് സർക്കാർ ജോലി വാഗ്ദാനം ചെയ്തപ്പോൾ ആ ജോലി തനിക്ക് വേണമെന്ന വാശിയിലായിരുന്നു രാജേശ്വരി. തനിക്ക് ജോലി കിട്ടിയില്ലെങ്കിൽ ദീപയ്ക്കും ജോലി വേണ്ടെന്നായിരുന്നു അന്ന് രാജേശ്വരിയുടെ നിലപാട്." - വാർത്ത

അബസ്വരം :
സ്വന്തം മകളുടേയും, കൂടെപ്പിറപ്പിന്റേയും മാംസം കൊത്തിവലിച്ച്‌ തിന്നുന്ന രാക്ഷസികൾ. ഇവർക്ക്‌ സർക്കാർ നൽകിയ പണമെല്ലാം തിരിച്ച്‌ പിടിക്കുകയാണ്‌ വേണ്ടത്‌.

                                                                     1323

                                                                     ******
04.02.2017
മലപ്പുറം ലോക്‌സഭാ മണ്ഡലത്തിൽ നടക്കാനിരിക്കുന്ന ഉപതിരഞ്ഞെടുപ്പിൽ യു ഡി എഫും, എൽ ഡി എഫും ആരെ മത്സരിപ്പിച്ചാലും, എൻ ഡി എ ബാദുഷാ തങ്ങളെ തന്നെ മത്സരിപ്പിക്കണം എന്ന് ബി ജെ പി നേതൃത്വത്തോട്‌ അഭ്യർത്ഥിക്കുന്നു.

അബസ്വരം :
തിരഞ്ഞെടുപ്പിൽ ഇജ്ജാതി സാധനങ്ങൾ ഉണ്ടാക്കുന്ന എന്റർടൈൻമെന്റ്‌ വളരെ വലുതാണ്‌.

                                                                     1324
                                                                     ******
04.02.2017
കബറിന്റെ അടുത്ത്‌ ഒറ്റക്ക്‌ നിന്നുള്ള മയ്യത്ത്‌ നിസ്കാരം ഫോട്ടോ പിടിച്ച്‌ ഫേസ്ബുക്കിലിട്ടാൽ പുണ്യം കൂടുമോ ജലീലുസ്താദേ ?

അബസ്വരം :
വല്ലാത്തോരോ ജാതി ജന്മങ്ങൾ !
എന്തിന്‌ മോഡിയെ മാത്രം പറയുന്നു ?!

                                                                     1325
                                                                     ******
05.02.2017
ശശികല തമിഴ്‌നാട്ടിൽ മുഖ്യമന്ത്രി സ്ഥാനത്തിനു വേണ്ടി നടത്തിയ കരുനീക്കങ്ങൾ കാണുമ്പോൾ ജയലളിതയുടെ മരണത്തിലെ ദുരൂഹത വർദ്ധിക്കുന്നു.

അബസ്വരം :
ചിന്നമ്മക്ക്‌ കട്ടിൽ കിട്ടാൻ, അമ്മയെ കട്ടിലിൽ നിന്ന് പെട്ടിയിലേക്കാക്കിയതോ ?

                                                                     1326

                                                                     ******
06.02.2017
ശശികലക്ക്‌ ഒരു തോഴനെ ആവശ്യമുണ്ടെങ്കിൽ മ്മളോട്‌ ബന്ധപ്പെടാൻ മടിക്കേണ്ട എന്ന് ഇതിനാൽ അറിയിക്കുന്നു.

അബസ്വരം :
ശശികല മുക്കിലായാൽ പിന്നെ തോഴ സർട്ടിഫിക്കറ്റും കാട്ടി മ്മക്ക്‌ തമിഴന്മാരുടെ മുഖ്യനാവാലോ....!

                                                                     1327

                                                                     ******
07.02.2017
ഓരോ തുളയെങ്കിലും വേണം
മാറാതോരോ നടുവിലും
ഉഴുന്നുനിർമ്മിത സംയുക്തം
എൽ എൽ ബി ലക്ഷ്മി മിശ്രണാനന്തരം
തിളച്ച പിണറായിയിൽ പൊരിച്ചെടുത്താൽ
പേരിടാം നമുക്കതിനു
മാർക്കിസ്റ്റ്‌ വട !


അബസ്വരം :
നിങ്ങൾ പൊരിച്ചെടുക്കാത്ത ഓരോ വടകളുടേയും ചരിത്രം നിങ്ങൾക്ക്‌ കെട്ടുകഥകൾ മാത്രമാണ്‌.

                                                                     1328

                                                                     ******
07.02.2017 
സി.കെ.ജാനുവിന്‌ ഇപ്പോഴാണത്രേ ബി ജെ പിയുടെ പറ്റിപ്പ്‌ മനസ്സിലായത്‌ !

ഈ പറ്റിപ്പ്‌ പോലും മുൻകൂട്ടി മനസ്സിലാക്കാൻ കഴിവില്ലാത്ത ജാനു ഒക്കെ ആണല്ലോ ആദിവാസികളുടെ നേതാവ്‌ എന്നറിയുമ്പോൾ ആദിവാസികളോട്‌ ശരിക്കും സഹതാപം തോന്നുന്നു !

അബസ്വരം :
"ബി ജെ പിയുടെ പറ്റിപ്പ്‌ ഇപ്പോഴാണ്‌ മനസ്സിലായത്‌" എന്ന് പറഞ്ഞ്‌ ജാനു ആദിവാസികളെ പറ്റിക്കാൻ ശ്രമിക്കുന്നത്‌ തിരിച്ചറിയാൻ ആദിവാസികൾക്ക്‌ കഴിയട്ടെ!


                                                                     1329

                                                                     ******
07.02.2017
ഇ.അഹമ്മദ്‌ സാഹിബിന്‌ അവസാനം സംസം വെള്ളം കൊടുക്കാൻ സംഘി ഭരണകൂടം സമ്മതിച്ചില്ലെങ്കിലും, നിരാഹാരം കിടക്കുന്ന സംഘി രാജേഷിനെ സന്ദർശിച്ച്‌ കയ്യും കൊടുത്ത്‌ മാതൃകയായ പാണക്കാട്ടെ തങ്ങളും, കുഞ്ഞാലിക്കുട്ടിയും പ്രത്യേകം അഭിനന്ദനം അർഹിക്കുന്നു. 

രാജേഷ്‌ നിരാഹാരം അവസാനിപ്പിക്കുമ്പോൾ കുടിക്കാനുള്ള സംസം വെള്ളവും, തിന്നാനുള്ള കോഴി ബിരിയാണിയും, ലീഗാപ്പീസിൽ നിന്ന് തന്നെ എത്തിച്ച്‌ കൊടുക്കുമല്ലോ അല്ലേ ?

ലീഗുകാരൊക്കെ ഇതിനും സിന്ദാവാ വിളിക്കുന്നുണ്ടല്ലോ ല്ലേ ?

അബസ്വരം :
ഇന്ത്യൻ യൂണിയൻ മന്തൻ ലീഗ്‌ !

                                                                     1330

                                                                     ******

08.02.2017
"ജയലളിതയുടെ മരണം അന്വേഷിക്കേണ്ടതില്ല. അത്‌ അമ്മക്ക്‌ അപമാനകരം." - ശശികല

ഉവ്വ ഉവ്വ !
ജയലളിതയുടെ മരണം അന്വേഷിച്ചാൽ അത്‌ അമ്മക്ക്‌ അപമാനകരം തന്നെയാവും. 

ജയലളിത എന്ന അമ്മക്കല്ല, മറിച്ച്‌ ശശികലയെ പെറ്റ അമ്മക്ക്‌ !

അബസ്വരം :
അന്വേഷണത്തെ എതിർക്കുന്നതിൽ തന്നെ പലതും ചീഞ്ഞ്‌ നാറുന്നുണ്ടല്ലോ ചിന്നമ്മോയ്‌ !

                                                                     1331

                                                                     ******
09.02.2017 
അങ്ങനെ എട്ട്‌ വർഷത്തോളം ഉപയോഗിച്ച വിൻഡോസ്‌ XP യെ ലാപ്പിൽ നിന്ന് തട്ടി 7 കയറ്റി.

ചില സോഫ്റ്റ്‌വെയറുകളുടെ ഫുൾ വേർഷൻ എടുത്ത്‌ ഇൻസ്റ്റാൾ ചെയ്യാൻ നോക്കിയപ്പൊ സെവനൂട്ടി പറയുകയാ "എടാ ഹംക്കേ, എന്നെ ഇജ്ജ്‌ ഫുൾ വേർഷൻ കായി കൊടുത്ത്‌ വാങ്ങീട്ടില്ലല്ലോ... പിന്നെ എന്തിനാ എന്റെ അണ്ണാക്കിലോട്ട്‌ തിരുകുന്ന കിണ്ണാങ്കൃതി ഫുൾ വേർഷൻ വാങ്ങ്ണത്‌ ? വല്ല ക്രാക്കോ, ഡ്യൂപ്ലിക്കേറ്റ്‌ കീയോ വെച്ചുള്ള സാധനം കൊണ്ട്‌ വാടാ ന്ന്..."

അപ്പൊ പിന്നെ അതാണ്‌ അതിന്റെ ഒരു അത്‌ ന്ന് മ്മക്കും തോന്നി.

അബസ്വരം :
എന്നോട്‌ ക്ഷമിച്ചാലും ന്റെ ബിൽഗേറ്റ്‌സങ്കിളേ...

                                                                     1332
                                                                     ******
09.02.2017
"മരുന്നുകളും കുറിപ്പടികളും മലയാളത്തിലാക്കണം." - മനുഷ്യാവകാശ കമ്മീഷൻ.

അബസ്വരം :
രോഗി : "ഡോക്റ്ററേ കാലിൽ തുരുമ്പുള്ള ആണി കയറി മുറിവായി. എന്ത്‌ ചെയ്യണം?"

ഡോക്ടർ : "നിതംബത്തിൽ ദ്വാരമുണ്ടാക്കി അതിൽ കീടാണുവിനെ പ്രതിരോധിക്കാനുള്ള മരുന്നുകൾ നിക്ഷേപിച്ച്‌ പഞ്ഞി കൊണ്ട്‌ ഉരതണം."

                                                                     1333

                                                                     ******
11.02.2017
"കൊടിഞ്ഞി ഫൈസൽ വധക്കേസിലെ ആർ എസ്‌ എസ്സുകാരായ പ്രതികൾക്ക്‌ ജാമ്യം." - വാർത്ത.

അബസ്വരം :
ഹും... ജാമ്യമല്ലേ കൊടുത്തുള്ളൂ...
കേന്ദ്രത്തിലെ പോലെ പിടിച്ച്‌ പ്രധാനമന്ത്രി ഒന്നും ആക്കിയിട്ടില്ലല്ലോ എന്നതാണൊരാശ്വാസം !

                                                                     1334
                                                                     ******
11.02.2017
"പാകിസ്ഥാന് വേണ്ടി ചാരപ്പണി നടത്തിയ 11 അംഗ ആർഎസ്എസ് - ബിജെപി സംഘത്തെ പിടികൂടി. മധ്യപ്രദേശിൽ ഐഎസ്‌ഐക്കുവേണ്ടി ചാരവൃത്തിക്കിടെ പിടിയിലായവരുടെ കൂട്ടത്തിൽ ബിജെപി യുടെ കൗൺസിലറടക്കം 11 പേരെയാണ് പാകിസ്ഥാന് വേണ്ടി ചാരപ്പണി നടത്തിയതിനു പിടിയിലായത്." - വാർത്ത

അബസ്വരം :
ഓ പാക്കിസ്ഥാനിലേക്ക്‌ ഭാരത മാതാവിന്റെ ഇത്തിരി ചാരം കയറ്റി അയക്കുന്നതിനൊക്കെ അറസ്റ്റ്‌ ചെയ്യാൻ പാടുണ്ടോ ? മ്മടെ ചാരം തള്ളാനുള്ള സ്ഥലമായി പാക്കിസ്ഥാനെ മാറ്റിയതിൽ ഇവരെ ഒക്കെ ഒരു പത്മശ്രീ എങ്കിലും കൊടുത്ത്‌ ആദരിക്കുകയല്ലേ വേണ്ടത്‌ ?

                                                                     1335
                                                                     ******
12.02.2017
"സോഷ്യൽ മീഡിയകളിലെ എഴുത്ത് വലിയ സംഭവമായി എനിക്ക് തോന്നിയിട്ടില്ല. അത് സാഹിത്യമായി വായിക്കുന്നവരെ സമ്മതിക്കണം. അവരെന്തിനാണ് പുസ്തകമിറക്കുന്നത്? അതിൽ തന്നെ എഴുതിയാൽ പോരേ? ആത്മരതിയുടെ ഇടമാണ് സോഷ്യൽ മീഡിയ. ഗൗരവമുള്ള ചർച്ച നടക്കുമ്പോൾ ഏത് മണ്ടനും വന്ന് അവിടെ അഭിപ്രായം പറയാം. ആ അഭിപ്രായവും ഇതിന്റെ ഭാഗമായിട്ട് മാറുകയാണ്." - സന്തോഷ് ഏച്ചിക്കാനം.

"പുസ്തകം അച്ചടിക്കുന്നത്‌ വലിയ സംഭവമായി എനിക്ക്‌ തോന്നിയിട്ടില്ല. പുസ്തക രൂപത്തിൽ അച്ചടിച്ചതെല്ലാം സാഹിത്യമായി വായിക്കുന്നവരെ സമ്മതിക്കണം. അവരെന്തിനാണ്‌ സോഷ്യൽ മീഡിയയിൽ കയറി നോക്കുന്നത്‌ ? അച്ചടിച്ച പുസ്തകം മാത്രം നോക്കിക്കൊണ്ടിരുന്നാൽ പോരേ ? ആത്മരതി ക്രിമിനലോ സിവിലോ ആയ കുറ്റമാണോ ? പുസ്തകം അടിച്ചിറക്കുന്നവർക്ക്‌ മാത്രം അനുഭവിക്കാൻ അവകാശമുള്ളതാണോ ആത്മരതി ? നാലു മുക്കാലും, ഒരു പ്രസാധകനും കയ്യിലുള്ള ഏത്‌ മണ്ടൻ എച്ചിക്കും പുസ്തകം ഇറക്കാം, അഭിപ്രായം പറയാം. ആ അഭിപ്രായവും ഇതിന്റെ ഭാഗമായിട്ട്‌ മാറുകയാണ്‌." - അബ്‌സാർ മുഹമ്മദ്‌

അബസ്വരം :
"മലരേ നിന്നെ കാണാതിരുന്നാൽ" എന്ന ഗാനം സന്തോഷ്‌ എച്ചിക്കാനത്തിനായി ഡെഡിക്കേറ്റ്‌ ചെയ്യുന്നത്‌ ഫേസ്‌ ബുക്കിൽ നിന്നും കുട്ടപ്പൻ, വാട്ട്‌സാപ്പിൽ നിന്നും വീരാൻ, ജി പ്ലസ്സിൽ നിന്നും തോമാച്ചൻ.....

                                                                     1336
                                                                     ******
13.02.2017
കാര്യം
മാന്യമായി ആര്‌ പറഞ്ഞാലും
അംഗീകരിക്കേണ്ടത്‌ അംഗീകരിക്കും.
അവഗണിക്കേണ്ടത്‌ അവഗണിക്കും.
മാന്യമായി തന്നെ.

എന്നാൽ,
കാര്യമാണ്‌ പറയുന്നത്‌
എന്ന വ്യാജേന
നെഞ്ചത്തോട്ട്‌ കയറാൻ വന്നാൽ
അംഗീകരിക്കില്ല...
ഒരിക്കലും അംഗീകരിക്കില്ല...

മാത്രമല്ല തിരിച്ചും
നെഞ്ചത്തോട്ട്‌ കയറൽ പ്രതീക്ഷിക്കാം...

ആരായാലും...
ആരായാലും...
ആരായാലും...

അബസ്വരം :
എന്റെ വ്യക്തിത്വം ഒരു പണയവസ്തുവല്ല.

                                                                     1337
                                                                     ******
14.02.2017
വാലിന്റെ ഡേല്‍ കുടുങ്ങി യുവ കാമുകീ കാമുകന്മാരുടെ കിണ്ണാങ്കൃതിടെ കണ്ടന്‍സര്‍ പോവാതിരിക്കട്ടെ എന്നാശംസിക്കുന്നു.

വാലിന്റെ ഡേ ഇനിയും വരും, കിണ്ണാങ്കൃതി പോയാ പോയതാ !!

അബസ്വരം :
നഷ്ടപ്പെട്ട കിണ്ണാങ്കൃതി തിരിച്ചു പിടിച്ച ചരിത്രമില്ല മക്കളേ...


                                                                     1338
                                                                     ******
14.02.2017
ശശികല ഇനിയും ഡമ്മിയെ വെച്ചുകൊണ്ട്‌ തമിഴ്‌നാട്‌ ഭരിക്കാൻ ശ്രമിച്ചാൽ അത്‌ ചെന്നെത്തുക AIADMK യുടെ പിളർപ്പിലേക്കും, സംഘികൾക്ക്‌ തമിഴ്‌ രാഷ്ട്രീയത്തിൽ സാന്നിധ്യം ഉറപ്പിക്കാനുള്ള സാഹചര്യങ്ങളിലേക്കും ആയിരിക്കും.

ശശികല ജയിലിൽ ആയി കഴിഞ്ഞ ശേഷമാണ്‌ തമിഴ്‌നാട്‌ നിയമസഭയിൽ പനീർസെൽവം വിശ്വാസ വോട്ട്‌ നേടേണ്ടി വരുന്നത്‌ എങ്കിൽ അത്‌ പനീരിന്‌ കൂടുതൽ സാധ്യതകൾ നൽകും. എത്രയും വേഗം ശശികലയെ ജയിലിൽ എത്തിക്കാനുള്ള നീക്കമാണ്‌ ഒ പി എസ്‌ ക്യാമ്പിൽ നിന്ന് ഇനി ഉണ്ടാവേണ്ടത്‌.

എന്തൊക്കെയായാലും ഒ പി എസ്‌ പക്ഷത്തേക്ക്‌ എം എൽ എ മാർ ഒന്നടങ്കം കൂറു മാറിയില്ലെങ്കിൽ അധികം വൈകാതെ തമിഴ്‌നാട്‌ നിയമസഭാ തിരഞ്ഞെടുപ്പിലേക്ക്‌ നീങ്ങേണ്ടി വരും. അത്‌ ആത്യന്തികമായി ഗുണം ചെയ്യുക ഡി എം കെക്ക്‌ ആയിരിക്കും എന്ന തിരിച്ചറിവ്‌ ഉള്ള എം എൽ എ മാരുടെ എണ്ണം ആയിരിക്കും ഒ പി എസിന്റെ ഭാവി നിശ്ചയിക്കുന്നത്‌. 

ഒ പി എസ്‌ അല്ലാത്ത മറ്റൊരു മുഖ്യനും ഈ സാഹചര്യത്തിൽ പാർട്ടിയിലെ പിളർപ്പും, അതുവഴിയുള്ള തിരഞ്ഞെടുപ്പും തടയാൻ കഴിയില്ല.

"അമ്മയുടെ ഭരണം തുടരും" എന്ന് ഒ പി എസ്‌ പ്രഖ്യാപിക്കുമ്പോൾ, അമ്മ ചെയ്ത അഴിമതിയുടെ ഭാഗമായാണ്‌ ശശികല ജയിലിലേക്ക്‌ പോകുന്നതും എന്നും, അമ്മ ഉണ്ടെങ്കിൽ അമ്മയും കൂടെ പോകേണ്ടിയിരുന്നു എന്നും, ആ അഴിമതി ഭരണം ആണ്‌ ഒ പി എസ്‌ തുടരും എന്ന് പറയുന്നത്‌ എന്നും തമിഴന്മാർ ചിന്തിച്ചിരുന്നു എങ്കിൽ എന്ന് ഒന്നാഗ്രഹിച്ചു പോകുകയാണ്‌ !

അബസ്വരം :
ഇത്തരം ചില വിധികൾ കാണുമ്പോൾ സുപ്രീം കോടതിയോട്‌ ബഹുമാനവും തോന്നാറുണ്ട്‌.

                                                                     1339
                                                                     ******
15.02.2017
"ശശികലയുടെ ജയിൽ 10711 ആം നമ്പർ തടവുകാരി. ശശികലക്ക്‌ ജയിലിൽ പണി മെഴുകുതിരി നിർമ്മാണം. മെഴുകുതിരി നിർമ്മാണത്തിന്‌ ദിവസവും കൂലി 50 രൂപ. ഞായറാഴ്ചയും ജോലി ചെയ്യണം. " - വാർത്ത

അബസ്വരം :
ഛെ ! ലവളുടെ തടവ്‌ നമ്പർ ഫാൻസി നമ്പർ ആയില്ലല്ലോ !
വല്ല ഉണ്ണികൃഷ്ണ പണിക്കന്മാരേയും കണ്ട്‌ ബർക്കത്തുള്ള ഫാൻസി നമ്പർ കുറിച്ച്‌ വാങ്ങാമായിരുന്നില്ലേ ? ലേലം വിളിച്ചെങ്കിലും ആ നമ്പർ സ്വന്തമാക്കുകയും ചെയ്യാമായിരുന്നില്ലേ ?

എന്തായാലും ഇനി മെഴുകുതിരിയിലും വ്യാജൻ പ്രതീക്ഷിക്കാം !

                                                                     1340
                                                                     ******
16.02.2017
ജയലളിതയുടെ സമാധിയിൽ ഇന്നലെ ജയിലിലേക്ക്‌ പോകുന്നതിനു മുൻപ്‌ ശശികല ആഞ്ഞടിച്ചത്‌ എന്തിനായിരിക്കും ?

"എന്നെ ജയിലിലേക്ക്‌ അയച്ചിട്ട്‌ നീ ഇവിടെ ഇങ്ങനെ നീണ്ട്‌ നിവർന്ന് സുഖിച്ച്‌ കെടന്നോ" - എന്ന് പറഞ്ഞിട്ടായിരിക്കുമോ ?

അബസ്വരം :
എന്തായാലും അധികം വൈകാതെ ശശികല ജയിലിൽ കുഴഞ്ഞു വീണു എന്നും, ചികിത്സക്കായി പഞ്ച നക്ഷത്ര ആശുപത്രിയിലേക്ക്‌ മാറ്റി എന്നും ഉള്ള വാർത്തകൾ കർണ്ണാടകത്തിൽ നിന്ന് പ്രതീക്ഷിക്കാം.


                                                                     1341
                                                                     ******
16.02.2017
"ഇ.പളനി സാമി തമിഴ്‌നാട്‌ മുഖ്യമന്ത്രി. 30 പേർ മന്ത്രിമാരാവും. ആഭ്യന്തരം, ജലം തുടങ്ങി 18 വകുപ്പുകൾ മുഖ്യമന്ത്രി കൈവശം വെക്കും." - വാർത്ത.

18 വകുപ്പുകൾ മുഖ്യൻ തന്നെ കൈവശം വെക്കുന്നുണ്ടെങ്കിൽ പിന്നെ എന്തിനാണ്‌ 30 മന്ത്രിമാർ വേറെ വരുന്നത്‌ എന്ന് മനസ്സിലാകുന്നില്ല. ഇത്രയും വകുപ്പുകൾ ഒക്കെ മന്ത്രിമാരേയും കാത്തിരിക്കുന്നുണ്ടോ ?

അബസ്വരം :
ഇപ്പോഴാണ്‌ നേരാം വണ്ണം ഒരു വകുപ്പ്‌ പോലും കയ്യിലില്ലാതെ അഞ്ച്‌ കൊല്ലം കേരളം ഭരിച്ച അച്ചുതാനന്ദനെ ഓർക്കുമ്പോൾ കണ്ണിൽ നിന്നും ഒരിറ്റ്‌ ചുടുചോര വീഴുന്നത്‌ !


                                                                     1342
                                                                     ******
17.02.2017
"പോപ്പുലർ ഫ്രണ്ട്‌ ദിനം" എന്ന് വെച്ചാ കൈ വെട്ട്‌ പാർട്ടിക്കാർ പഴയ വീഞ്ഞ്‌ പുതിയ കുപ്പിയിൽ ആക്കിയ ദിനം എന്നല്ലേ അർത്ഥമുള്ളൂ ?

ഓലെ തള്ളലും പോസ്റ്റോളും കണ്ടാ തോന്നും പടച്ചോൻ ഭൂമി സൃഷ്ടിച്ചതിന്റെ വാർഷികം ആണെന്ന് !

അബസ്വരം :
ഞമ്മള്‌ വെട്ടും കജ്ജെല്ലാം !
അസഹിഷ്ണുതക്കെതിരാണെന്നൊർക്കേണേ !!
സ്വാതന്ത്ര്യം ജനാധിപത്യം അഭിപ്രായ സ്വാതന്ത്ര്യം സിന്ദാവാ !!!


                                                                     1343
                                                                     ******
17.02.2017
"റിസര്‍വ്വ് ബാങ്ക് ഗവര്‍ണ്ണറാകുന്നതിന് മുന്‍പുതന്നെ നോട്ടുകളില്‍ ഊര്‍ജിത് പട്ടേലിന്റെ കയ്യൊപ്പ് ഉപയോഗിച്ചതിന് തെളിവ്. പുതിയ രണ്ടായിരം രൂപ നോട്ടുകളുടെ ആദ്യഘട്ട അച്ചടി 2016 ആഗസ്റ്റ് 22നാണ് ആരംഭിച്ചത്. ഇത് രഘുറാം രാജന്‍ റിസര്‍വ്വ് ബാങ്ക് ഗവര്‍ണ്ണറായി പ്രവര്‍ത്തിക്കുന്ന സമയത്തായിരുന്നു, സെപ്റ്റംബര്‍ നാലിനാണ് ഊര്‍ജിത് പട്ടേലിനെ രഘുറാം രാജന്റെ പിന്തുടര്‍ച്ചയായി പ്രഖ്യാപിക്കുന്നത് ഇതിന് മുന്‍പ് തന്നെ ഊര്‍ജിത് പട്ടേലിന്റെ കയ്യൊപ്പ് ഉപയോഗിക്കാന്‍ ആരംഭിച്ച നടപടിയാണ് വിവാദങ്ങള്‍ക്ക് വഴിവെക്കുന്നത്." - വാർത്ത

അബസ്വരം :
കല്യാണം ഒറപ്പിച്ചാ തന്നെ ചില മണവാളൻന്മാരും മണവാട്ടിമാരും കിന്നരിച്ചും, തൊട്ടും തോണ്ടിയും ഇരിക്കൂലേ... ചെലോർ കല്യാണം കഴിക്കാതെ ഗർഭം വരെ ധരിക്കും. അപ്പൊ അതൊന്നും വല്യ ഇഷ്യൂ ആക്കേണ്ട കോയാ !
വെറും ഒരു ഒപ്പ്‌ മാറ്ററല്ലേ...!

                                                                     1344
                                                                     ******
18.02.2017
"തമിഴ്‌നാട്‌ നിയമസഭയിൽ അടിയുടെ പൊടിപൂരം. സ്പീക്കറുടെ കസേരയും, മേശയും, മൈക്കും തല്ലിപ്പൊളിച്ചു." - വാർത്ത

അബസ്വരം :
സ്പീക്കറുടെ മേശയും കസേരയും തല്ലിപ്പൊളിക്കാനുള്ള നൂതന സാങ്കേതികവിദ്യകൾക്കായി ഡി എം കെ - ഒ പി എസ്‌ എം എൽ എ മാർ കേരളത്തിലെ സി പി എം നേതൃത്വവുമായി ബന്ധപ്പെടുകയും, ശ്രീരാമകൃഷ്ണൻ, കെ.ടി.ജലീൽ, ജയരാജൻ എന്നിവരുടെ സഹായം അഭ്യർത്ഥിക്കുകയും ചെയ്തത്രേ!

                                                                     1345
                                                                     ******
18.02.2017
മഞ്ജു വാര്യർ നായിക ആകുമോ ഇല്ലയോ എന്ന ചർച്ച സജീവമാകുമ്പോൾ, സമദാനിയുടെ റോൾ ആര്‌ ചെയ്യും എന്ന സംശയത്തിലാണ്‌ ഞാൻ !

എല്ലാവർക്കും സമ്മതമാണെങ്കിൽ ആ റോൾ മ്മൾ ഏറ്റെടുക്കാൻ തയ്യാറാണെന്ന് ഇതിനാൽ കമലിനെ അറിയിക്കുന്നു.

അബസ്വരം :
അഥവാ ബിരിയാണി കിട്ട്യാലോ ?


                                                                     1346
                                                                     ******
18.02.2017
ഹറം പള്ളിയാണ്‌ ലോക പോപ്പുലർ ഫ്രണ്ടിന്റെ ആസ്ഥാനം എന്ന് കൂടി പ്രഖ്യാപിക്കാമായിരുന്നില്ലേ ഹറം പള്ളിയിൽ അപ്പിക്കൊടി പ്രദർശിപ്പിച്ച പോപ്പുലർ ഫ്രണ്ട്‌ ഊളകളേ ?

അബസ്വരം :
സ്വന്തം കോണകം പ്രദർശിപ്പിക്കാനുള്ള സ്ഥലമല്ല മസ്ജിദുൽ ഹറം എന്ന് തിരിച്ചറിയാനുള്ള വിവേകം പോലും ഇല്ലാത്ത പരനാറികളായല്ലോ ഈ കോപ്പുലർ ഫ്രണ്ടുകാർ !

                                                                     1347
                                                                     ******
19.02.2017
ഒന്ന് തിരിക്കുമ്പോഴേക്കും പൊട്ടി പോകുന്ന അടപ്പുള്ള ട്യൂബുകളിൽ ആണ്‌ ഇന്ന് കമ്പനികൾ ഷേവിംഗ്‌ ക്രീമുകൾ ഇറക്കുന്നത്‌ എന്നതാണ്‌ അഭിനവ പുരുഷന്മാർ നേരിടുന്ന വെല്ലുവിളികളിൽ ഒന്ന് !

അബസ്വരം :
കുറച്ച്‌ ഉറപ്പുള്ള അടപ്പ്‌ ഉണ്ടാക്കിക്കൂടേ പഹയന്മാരേ ?

                                                                     1348
                                                                     ******
20.02.2017
"ഫത്തേഹ്പൂർ: മതത്തിന്റെയോ ജാതിയുടെയോ അടിസ്ഥാനത്തിൽ ഒരു സർക്കാരും ജനങ്ങളെ വേർതിരിക്കരുതെന്ന് പ്രധാനമന്ത്രി നരേന്ദ്ര മോദി. റംസാന് വൈദ്യുതി ഉണ്ടെങ്കിൽ ദീപാവലിക്കും വൈദ്യുതി ലഭ്യമാക്കണം അതിൽ വിവേചനം പാടില്ല." - വാർത്ത

അബസ്വരം :
അതെന്നെ ! ദീപാവലി ആകുമ്പോൾ പോയി ഇലക്ട്രിക്ക്‌ പോസ്റ്റിൽ നിന്ന് ഫ്യൂസ്‌ ഊരി കറന്റ്‌ കളയുകയും, റംസാൻ ആയാൽ ഫ്യൂസ്‌ ഇട്ട്‌ കറന്റ്‌ വരുത്തുകയും ചെയ്യുന്ന എല്ലാ കോയമാർക്കും ഈ താക്കീത്‌ ഒരു പാഠമവട്ടെ !

അതുപോലെ മതത്തിന്റേയും ജാതിയുടേയും പേരിൽ ജനങ്ങളെ വേർത്തിരിച്ച്‌ ഫ്യൂസ്‌ ഊരാനും, ഇടാനും നടക്കുന്ന തെണ്ടി കോയ സർക്കാറുകൾ തുലയട്ടെ !!

                                                                     1349
                                                                     ******
20.02.2017
ഒറ്റപ്പെട്ട പത്ത്‌ ഇഡ്‌ലികൾ തിന്നിട്ടും നിറയാത്ത എന്റെ വയർ മാതൃകയായി !

അബസ്വരം :
ഇഡ്‌ലികൾ ഒറ്റപ്പെട്ട്‌ തിന്നാൻ വകുപ്പുണ്ടാക്കി തന്ന കൊടിയേരി ബാലസ്‌ണൻ സഖാവിന്‌ നന്ദി. പത്ത്‌ ഇഡ്‌ലികൾ ഒറ്റപ്പെടുത്താതെയായിരുന്നു തിന്നിരുന്നത്‌ എങ്കിൽ ദഹനക്കേട്‌ പിടിച്ച്‌ പണ്ടാറടങ്ങിയേനേ !

                                                                     1350
                                                                     ******
21.02.2017
"പ്രമുഖ നടിയെ തട്ടിക്കൊണ്ട്‌ പോയി, ആക്രമിച്ചു, തടവിലാക്കി" എന്നൊക്കെ എന്ത്‌ വേണമെങ്കിലും പറയുകയോ, അച്ച്‌ നിരത്തുകയോ ചെയ്തോളൂ...

പക്ഷേ....
"അർദ്ധ നഗ്നമായ ചിത്രങ്ങൾ എടുത്ത്‌ മാനഭംഗപ്പെടുത്തി" എന്ന് പറയരുത്‌ !

കാരണം...
പണം വാങ്ങി അർദ്ധ നഗ്നത പ്രദർശിപ്പിച്ചാൽ നഷ്ടപ്പെടാത്ത മാനം, ഇതുകൊണ്ടും നഷ്ടപ്പെടില്ല !

അബസ്വരം :
പണം വാങ്ങി ചെയ്യുമ്പോൾ സംരക്ഷിക്കപ്പെടുകയും, പണം വാങ്ങാത്തപ്പോൾ ഭംഗപ്പെടുകയും ചെയ്യുന്ന മാനത്തിൽ മ്മക്ക്‌ വിശ്വാസമില്ലച്ചോ !

അബസ്വരസംഹിതയുടെ മുന്‍ഭാഗങ്ങള്‍ക്ക് ഇവിടെ ക്ലിക്കുക

1 comment:

  1. ഏറ്റവും കൂടുതൽ ഓക്സിജൻ സപ്ലൈ ചെയ്തതിനു കുന്നുമ്മേൽ ശാന്തയുടെ പശുവിന്‌ പത്മശ്രീ.

    അബസ്വരം :
    കടുത്ത മൽസരത്തിൽ വടക്കേതിൽ അമ്മിണിയുടെ പശുവിനെ തോൽപ്പിച്ചാണ്‌ കുന്നുമ്മേൽ ശാന്തയുടെ പശു പത്മശ്രീ കരസ്ഥമാക്കിയത്‌ എന്ന് ഞങ്ങളുടെ ലേഖകൻ റിപ്പോർട്ട്‌ ചെയ്യുന്നു.

    ReplyDelete

നിങ്ങളുടെ വിമര്‍ശനങ്ങളും അഭിപ്രായങ്ങളും നിര്‍ദ്ദേശങ്ങളും ഇവിടെ പങ്കുവെക്കാന്‍ മറക്കരുതേ....