Sunday, March 01, 2015

അബസ്വര സംഹിത - എട്ടാം ഖണ്ഡം


അബസ്വരങ്ങള്‍ എട്ടാം ഖണ്ഡത്തിലേക്ക്......

                                                                     351
                                                                     *****
01.08.2014
"ഗാന്ധിജി രക്തസാക്ഷിത്വം വരിച്ചത് 1948 ഒക്ടോബറിലാണെന്നും രണ്ടാം ലോകമഹായുദ്ധകാലത്ത് അമേരിക്കയില്‍ ജപ്പാന്‍ അണുബോംബ് വര്‍ഷിച്ചെന്നുമുള്ള ചരിത്രാഖ്യാനത്തിന് ശേഷം വിചിത്രമായ കണ്ടുപിടുത്തങ്ങളുമായി ഗുജറാത്ത് വിദ്യാഭ്യാസ വകുപ്പ് വീണ്ടും.

മോട്ടോര്‍ കാര്‍ വേദ കാലഘട്ടം മുതല്‍ ഭാരതത്തില്‍ ഉണ്ടായിരുന്നുവെന്നും കോശങ്ങളെ വളര്‍ത്തിയെടുത്ത് ശരീരഭാഗങ്ങളില്‍ വച്ചു പിടിപ്പിക്കുന്ന ചികിത്സ രീതി കണ്ടുപിടിച്ചത് ഭാരതീയരാണെന്നും പ്രൈമറി വിദ്യാര്‍ത്ഥികള്‍ക്കു വേണ്ടി തയ്യാറാക്കിയ പാഠപുസ്തകത്തില്‍ പറയുന്നു!

ഞെട്ടേണ്ട..! ആര്‍ എസ് എസിന്റെ വിഭ്യാഭ്യാസ വിഭാഗമായ വിദ്യാഭാരതിയുടെ ദേശീയ നിര്‍വാഹക സമിതി അംഗം ദിനനാദ് ബാന്ദ്രയാണ് പാഠപുസ്തകം തയ്യാറാക്കിയത്. ഗുജറാത്ത് സംസ്ഥാന സ്‌കൂള്‍ പാഠപുസ്തക ബോര്‍ഡാണ് ഗുജറാത്തി ഭാഷയിലേക്ക് പുസ്തകം പരിഭാഷപ്പെടുത്തിയത്.

സ്‌കോട്ടലാന്‍ഡിലെ ക്രൈസ്തവ പുരോഹിതനായ ജോണ്‍ ലോഗി ബെയര്‍ഡ് 1926 ല്‍ ടെലിവിഷന്‍ കണ്ടുപിടിച്ചെന്ന് ചരിത്രം പഠിപ്പിക്കുന്നുണ്ടെങ്കിലും ടെലിവിഷന്‍ എന്ന ആശയം പുരാതന ഭാരതത്തിന്റെതാണെന്നും പാഠപുസ്തകം പഠിപ്പിക്കുന്നു. ഹസ്തിനപുരിയിലെ കൊട്ടാരത്തിലിരുന്ന് സജ്ഞയ തന്റെ ദിവ്യദൃഷ്ടി ഉപയോഗിച്ച് കുരുടനായ ധൃതരാഷ്ട്രര്‍ക്ക് മഹാഭാരത യുദ്ധത്തിന്റെ തത്സമയം കാണിച്ചുകൊടുത്തുവെന്ന് പുസ്തകം അവകാശപ്പെടുന്നു." - വാര്‍ത്ത.

അബസ്വരം :
ഇംഗ്ലീഷും അറബിയും കണ്ടുപിടിച്ചതും ഭാരതീയനാണ് എന്ന് പഠിപ്പിക്കാന്‍ വിട്ടു പോയത് എന്തായാലും മോശമായി !!
കോണകം ഒഴികെ ബാക്കി ഒക്കെ കണ്ടുപിടിച്ചത് ഭാരതീയനായിരുന്നു എന്ന് ലളിതമായി പഠിപ്പിച്ചാല്‍ പോരായിരുന്നോ സ്വയം സേവകാ ??

                                                                     352
                                                                     *****
02.08.2014
ഹും. മക്കാവിൽ പോയ അബ്ദുള്ളക്കുട്ടിക്ക്‌ ഇനി കേരളത്തിലും നിശാക്ലബുകളും 'മറ്റേ' കളിപ്പാട്ടവും ഒക്കെ വേണം എന്നാണത്രേ അഭിപ്രായം.

അബസ്വരം :
പൊളിഞ്ഞു വീഴാറായ ചെറ്റകുടിലിനും ഒന്ന് ബുർജ്ജ്‌  ഖലീഫ ആവാൻ മോഹം കാണുമല്ലോ അല്ലേ കോയാ ?

                                                                     353
                                                                     *****
04.08.2014
ആർ എസ്‌ എസ്സുക്കാർ ഇസ്ലാം വിശ്വാസികളോട്‌ സാധാരണയായി ചോദിക്കുന്ന ഒരു ചോദ്യം ആണല്ലോ "ഖുർആൻ നന്മ മാത്രമാണ്‌ പഠിപ്പിക്കുന്നത്‌ എങ്കിൽ ഖുർആൻ പഠിച്ച പലരും തീവ്രവാദികൾ ആയത്‌ എന്തുകൊണ്ടാണ്‌ ?" എന്നത്‌.

ഇവരോട്‌ എനിക്ക്‌ തിരിച്ച്‌ ഒരു ചെറിയ സംശയം ചോദിക്കാൻ ഉണ്ട്‌.

"വേദങ്ങളും, ഭഗവത്‌ ഗീതയും, രാമായണവും എല്ലാം പഠിച്ച ചിലർ ആർ എസ്‌ എസ്‌ തീവ്രവാദികളും, പള്ളി പൊളിയന്മാരും, ബോംബ്‌ സ്ഫോടനങ്ങൾ നടത്തി അതിന്റെ ഉത്തരവാദിത്വം മറ്റു മതസ്ഥരുടെ തലയിൽ വെച്ച്‌ കെട്ടുന്നവരും, അധികാരം നേടാൻ വ്യാജ എറ്റുമുട്ടൽ നടത്തുന്നവരും വർഗ്ഗീയ കലാപം ഉണ്ടാക്കുന്നവരും ആയി മാറിയത്‌ എന്തുകൊണ്ടാണ്‌ ?"

അബസ്വരം :

വ്യക്തമായ ഉത്തരം പറയാന്‍ കഴിയുന്നവര്‍ പറഞ്ഞാല്‍ മതി. ചൊറിയാനും, മറുചോദ്യം ചോദിക്കാനും സമയം പാഴാക്കേണ്ടതില്ല. !

                                                                     354
                                                                     *****
05.08.2014
"മീരാജാസ്മിന്റെ വിവാഹ റെജിസ്ട്രേഷൻ തിരുവനന്തപുരം നഗരസഭ താൽക്കാലികമായി തടഞ്ഞു." - വാർത്ത.

ഇതിനൊന്നും ബേജാറാവേണ്ട മീര മോളേ..

കാരണം "ഉഭയ സമ്മതത്തോടെയുള്ള ലൈംഗിഗ ബന്ധം വിവാഹമായി കണക്കാക്കാം" എന്ന്‌ മദ്രാസ്‌ ഹൈക്കോടതി വിധിച്ചിരുന്നു.

അപ്പോ ആ ഉഭയ സമ്മത പരിപാടിയുടെ സി ഡി ഉണ്ടാക്കി കോടതിയിൽ കാണിച്ചാൽ വിവാഹം അംഗീകരിച്ച സർട്ടിബിസ്ക്കറ്റ്‌ അപ്പൊ കിട്ടൂലേ ??

അബസ്വരം :
വെറും ബുദ്ധി ഉണ്ടായിട്ട്‌ കാര്യമില്ല മക്കളേ, പ്രായോഗിക ബുദ്ധി മാണം !!

                                                                     355
                                                                     *****
13.08.2014
"ഹിന്ദുസ്ഥാനികളെ ഹിന്ദു എന്ന് വിളിക്കണം" - മോഹൻ ഭാഗവത്‌.

അബസ്വരം :
അപ്പൊ വളാഞ്ചേരിക്കാരെ എന്ത്‌ വിളിക്കണം മോഹനേട്ടാ?

                                                                     356
                                                                     *****
14.08.2014
ഇന്ത്യൻ സ്വാതന്ത്ര്യത്തിനായി പൊരുതിയ ഒരോ മനസ്സിനും അഭിവാദ്യം അർപ്പിക്കുന്നതോടൊപ്പം ഇന്ത്യൻ മണ്ണിൽ ജനിച്ച ഒരോ പൗരനും ഇന്ത്യയിൽ ഉള്ളത്‌ തുല്യ അവകാശം ആണെന്നും അല്ലാതെ മോഹൻ ഭാഗവതന്മാർക്കോ, മോഡിമാർക്കോ അവരുടെ ഭക്തർക്കോ സ്ത്രീധനം കിട്ടിയതല്ല ഇന്ത്യ എന്ന് ഓർമ്മപ്പെടുത്തുകയും ചെയ്യുന്നു.

അബസ്വരം :
സ്വാതന്ത്ര്യം എന്നത്‌ ജീവിക്കാനുള്ള സ്വാതന്ത്ര്യം ആണ്‌. അല്ലാതെ രാഷ്ട്രപിതാവിനെ കൊല്ലാനും, അധികാരം നേടിയെടുക്കാൻ വർഗ്ഗീയ കലാപങ്ങളും വ്യാജ എറ്റുമുട്ടലു കളും ഉണ്ടാക്കാനുള്ള സ്വാതന്ത്ര്യം അല്ല.

                                                                     357
                                                                     *****
16.08.2014
ഒരു ആശുപത്രി രോഗികളോട്‌ കാണിക്കേണ്ട മിനിമം ചില മര്യാദകൾ ഉണ്ട്‌. അതിൽ പ്രധാനപ്പെട്ടതാണ്‌ രോഗികളേയും കൂടെ ഉള്ളവരേയും ശല്യപ്പെടുത്തുകയോ, അവർക്ക്‌ അസഹ്യമായ കാര്യങ്ങൾ ചെയ്യുകയോ ചെയ്യാതിരിക്കുക എന്നത്‌.

എറണാകുളം അമൃത ആശുപത്രിയിൽ ഇതിനു കടകവിരുദ്ധമായ ചില പരിപാടികൾ ഉണ്ട്‌. വൈകുന്നേരം ആവുന്നതോടെ ആശുപത്രിയുടെ നടുത്തളത്തിൽ ഇടമണ്ണേൽ സുധാമണിയെ ദൈവവൽക്കരിച്ച്‌ കൊണ്ട്‌ മൈക്കയും സ്പീക്കറും വെച്ചുള്ള കർണ്ണ കഠോരമായ ഭജന എന്ന കലാപരിപാടി. ഇത്തരത്തിലുള്ള ശബ്ദ ബഹളങ്ങൾ രോഗികളിൽ എത്രത്തോളം അസ്വസ്ഥത സൃഷ്ടിക്കുമെന്നും രോഗികളുടെ ആരോഗ്യത്തെ പ്രതികൂലമായി ബാധിക്കും എന്നും സുധാമണിയമ്മക്ക്‌ ത്രികാല ജ്ഞ്യാനത്തിലൂടെ അറിയാൻ കഴിയുന്നില്ലേ ?

"ഇങ്ങനെ ബഹളം ഉണ്ടാക്കുന്നത്‌ രോഗികൾക്ക്‌ ദോഷകരമാണ്‌."എന്ന്‌ ഉത്തരവാദിത്വപ്പെട്ടവരെ ബോധ്യപ്പെടുത്തി കൊടുക്കാൻ ബോധവും വിവേകവും ഉള്ള ഒരു ഡോക്ടർ പോലും അവിടെ ഇല്ലേ ?

ആശുപത്രിയുടെ മലീനികരണം പരിശോധിക്കുന്ന ബന്ധപ്പെട്ട സർക്കാർ ഉദ്യോഗസ്ഥരുടെ ചെവിയിൽ ഈ ശബ്ദ മലിനീകരണം എത്തുന്നില്ലേ ?

ഭജനയോ മറ്റോ അവിടെ കൂടിയേ തീരൂ എങ്കിൽ അതിനായി ആശുപത്രിയിൽ നിന്ന്‌ അകന്ന്‌ പ്രത്യേക കെട്ടിടം ഉണ്ടാക്കുകയും താൽപര്യം ഉള്ളവർക്ക്‌ അവിടെ ഒത്ത്‌ കൂടി എന്ത്‌ കോപ്രായവും ആകാമല്ലോ !

അല്ലാതെ എന്തിന്‌ വെറുതെ രോഗികളെ അലോസരപ്പെടുത്തണം ?

അബസ്വരം :
ആശുപത്രികൾ ചികിൽസാ കേന്ദ്രങ്ങളാണ്‌. അല്ലാതെ മനുഷ്യ ദൈവ പൂജാ കേന്ദ്രങ്ങൾ അല്ല.

                                                                     358
                                                                     *****
17.08.2014
"ഡോക്ടര്‍മാര്‍ സ്വന്തം കീശ വീര്‍പ്പിക്കാനായി പെണ്‍ഭ്രൂണഹത്യ നടത്തരുത്." - നരേന്ദ്ര മോഡി.

അബസ്വരം :
"എന്നാല്‍ സ്വന്തം പാര്‍ട്ടിയെ വിപുലീകരിക്കാനായി ഭ്രൂണത്തിലേക്ക് ശൂലം കയറ്റാവുന്നതാണ് !" എന്ന വരികൂടി പറയാന്‍ മറക്കരുതായിരുന്നു.

                                                                     359
                                                                     *****
25.08.2014
കാട്ടുപോത്ത്‌ പ്രധാനമന്ത്രിയായ ഒരു രാജ്യത്ത്‌ പശു തന്നെയാണ്‌ ദേശീയം മൃഗം ആവേണ്ടത്‌.

അതോടൊപ്പം തന്നെ ദേശീയ ഭക്ഷണമായി ചാണക ദോശയേയും, ദേശീയ പാനീയമായി ഗോമൂത്രത്തേയും, ദേശീയ വസ്ത്രമായി കാക്കി സൗട്ടറിനേയും, ദേശീയ ആയുധമായി കുറുവടിയേയും തിരഞ്ഞെടുക്കണം.

ദേശീയ കായിക വിനോദമായി ശൂലം കുത്തി വയറ്‌ കീറലിനെ പ്രഖ്യാപിക്കണം.

അബസ്വരം :
ഫോട്ടോഷോപ്പിലെ പശു പാല്‍ തരില്ല.

                                                                     360
                                                                     *****
26.08.2014
പശുവിനെ ദേശീയ മൃഗം ആക്കുമ്പോൾ തകരുന്ന സാമുദായിക സന്തുലനാവസ്ഥ പുന:സ്ഥാപിക്കുന്നതിനായി കാക്കയെ ദേശീയ പക്ഷിയും കുരിശിനെ ദേശീയ ചിഹ്നവുമായി തിരഞ്ഞെടുക്കണം.

അബസ്വരം :
ഇമ്മിണി ബല്യ സംഘി പശൂന്‌ സമമാവാൻ മ്മടെ കുഞ്ഞി കാക്ക മതി !!

                                                                     361
                                                                     *****
03.09.2014
നൂറ്‌ ദിവസം കൊണ്ട്‌ മോഡി വിദേശങ്ങളിൽ നിന്നും തിരിച്ചുകൊണ്ട്‌ വന്ന കള്ളപ്പണം കാണാൻ വന്നവർ റിസർവ്വ്‌ ബാങ്കിന്റെ നടുത്തളത്തിൽ വെച്ച മൈക്രോസ്കോപ്പിലൂടെ നോക്കി നെടുവീർപ്പ്‌ ഇടേണ്ടതാണ്‌.

അബസ്വരം :
ഫോട്ടോഷോപ്പല്ലിത്‌ ജീവിതം.

                                                                     362
                                                                     *****
05.09.2014
ഫേസ്ബുക്കിലെ പലർക്കും സ്വയം "ഞാൻ ഒരു മനുഷ്യനാണ്‌" എന്ന ബോധവും വിശ്വാസവും ഇല്ല.

ഉദാഹരണത്തിന്‌ "ഒരു ജീവി ഭക്ഷണം കഴിക്കുന്നു" എന്നോ "തെറ്റിധാരണകൾ ഉള്ള ജീവി" എന്നോ പറഞ്ഞ്‌ പോത്തിന്റെയോ കഴുതയുടേയോ ഫോട്ടോ ഇട്ടാൽ പലർക്കും തന്നെ പോത്ത്‌ എന്നും കഴുത എന്നും വിളിച്ചതായി ഫീൽ ചെയ്യുന്നു. താൻ ഒരു പോത്തോ കഴുതയോ അല്ല എന്ന സ്വയം ബോധം ഉള്ളവർക്ക്‌ ഈ തോന്നൽ ഉണ്ടാവുമോ ?

താൻ ഒരു പോത്തോ കഴുതയോ ആണ്‌ എന്ന് സ്വയം വിശ്വസിക്കുന്നവർക്കല്ലേ ഇത്തരത്തിലുള്ള പോസ്റ്റ്‌ കാണുമ്പോൾ എന്നെയാണ്‌ ഉദ്ദേശിച്ചത്‌ എന്ന തോന്നൽ ഉണ്ടാവൂ ?

അബസ്വരം :
ഒരാൾക്കും മറ്റൊരാളെ പോത്തോ കഴുതയോ ആക്കാൻ കഴിയില്ല. സ്വയം പോത്തെന്നോ കഴുതയെന്നോ വിശ്വസിക്കുന്ന ഒരാളെയും മനുഷ്യനാക്കാനും കഴിയില്ല.

                                                                     363
                                                                     *****
09.09.2014
ഒരു ഓണം കൂടി പിന്നിടുമ്പോള്‍ ഉയരുന്ന ചില ചോദ്യങ്ങള്‍ :

01. വാമനന്റെ ചതി മനസ്സിലാക്കിയ അസുരഗുരു ശുക്രാചാര്യരുടെ വിലക്ക് വകവെക്കാതെയാണല്ലോ മഹാബലി വാമനന് മൂന്നടി മണ്ണ് അളന്നെടുക്കാന്‍ അനുമതി നല്‍കിയത്. അപ്പോള്‍ ഗുരുവിന്റെ വാക്കുകള്‍ മാനിക്കാത്ത മഹാബലി ചെയ്തത് ഗുരുനിന്ദയല്ലേ ? ഗുരുവിനെ അനുസരിക്കാത്ത ഒരു ഭരണാധികാരി മികച്ച ഭരണാധികാരിയാണോ ?

02. ഭിക്ഷയായി ചോദിച്ച മൂന്നടി മണ്ണ്, എന്തുകൊണ്ട് ഒരടി എന്നാല്‍ പന്ത്രണ്ട് ഇഞ്ചാണ് എന്ന് പറഞ്ഞ് മഹാബലിക്ക് 36 ഇഞ്ചില്‍ മണ്ണിന്റെ കണക്ക് ഒതുക്കാന്‍ കഴിഞ്ഞില്ല ?

03. ഇനി വാമനന്റെ കാല്‍ പാദത്തിന്റെ അടി തന്നെയാണ് കാണക്കാക്കേണ്ടത് എങ്കില്‍ എന്തുകൊണ്ട് ഭിക്ഷ ചോദിക്കുന്ന സമയത്തുള്ള കാല്പാദത്തിന്റെ അളവ് വെച്ചാണ് അളക്കേണ്ടത് എന്ന് മഹാബലി പറഞ്ഞില്ല ?

04. അതും കഴിഞ്ഞ് ഭൂമിയും സ്വര്‍ഗ്ഗവും രണ്ടടികൊണ്ട് അളന്നപ്പോള്‍ തന്നെ വാമനന്റെ അളവ് മനസ്സിലാക്കിയ മഹാബലിക്ക് സാമാന്യ ബുദ്ധികൊണ്ട് ചിന്തിച്ചാല്‍ തന്നെ തന്റെ മണ്ട ആ അളവിന്റെ കോടികളില്‍ ഒന്നുപോലും ആവില്ല എന്ന് മനസ്സിലാക്കാമായിരുന്നില്ലേ ?

05. എന്നിട്ടും സ്വന്തം തല, അതും വാമനന്‍ ആദ്യം വാമനന്‍ അളന്നെടുത്ത ഭൂമിയില്‍ നില്‍ക്കുന്ന ഒരു വ്യക്തിയുടെ തല അളക്കാന്‍ നല്‍കുന്നതിലും അത് അളക്കുന്നതിലും പൊരുത്തക്കേടുകള്‍ ഇല്ലേ ?

06. ഇനി ആദ്യ രണ്ടു അടിയില്‍ ഭൂമിയും സ്വര്‍ഗ്ഗവും അളന്നപ്പോള്‍ എന്തുകൊണ്ട് "മൂന്നാമത്തെ അടിക്ക് പാതാളം അളന്നോ" എന്ന് മഹാബലി പറഞ്ഞില്ല ?

07. ഭൂമിക്കും സ്വര്‍ഗ്ഗത്തിനും പുറമേ നരകം ഉണ്ടായിരുന്നില്ലേ ? അങ്ങിനെ നോക്കുമ്പോള്‍ "ഇനി പാതാളം പറ്റില്ല എങ്കില്‍ മൂന്നാമത്തെ അടിക്ക് നരകം അളന്നോ" എന്നെങ്കിലും മഹാബലിക്ക് പറയാമായിരുന്നില്ലേ ?

അബസ്വരം :
ഒരു ഭിക്ഷക്കാരന്റെ മുന്നില്‍ പ്രജകളുടെ താല്പര്യം നോക്കാതെ എല്ലാം തുലക്കുന്നവന്‍ നല്ലൊരു ഭരണകര്‍ത്താവ് ആകുമോ ?

                                                                     364
                                                                     *****
10.09.2014
"മദ്യം നിരോധിക്കരുത്‌." - വി എസ്‌

അബസ്വരം :
കുടിച്ച്‌ ബോധം പോയ കുറച്ചെണ്ണം ഉണ്ടങ്കിലേ മ്മടെ പാർട്ടിയിൽ വെട്ടാനും കുത്താനും ആകാശത്തെ കൈക്കൊണ്ട്‌ ഇടിക്കാനും ആളുണ്ടാവൂ എന്ന് സഖാവിനും മനസ്സിലായോ ??

                                                                     365
                                                                     *****
12.09.2014
വിവാഹധൂര്‍ത്തിനും ആഡംബരത്തിനും എതിരേ പ്രചാരണം നടത്താനുള്ള മുസ്ലിം ലീഗിന്റെ തീരുമാനം സ്വാഗതാര്‍ഹമാണ്.

എന്നാല്‍ അതോടൊപ്പം തന്നെ ലീഗ് മറുപടി പറയേണ്ട ഒരു കാര്യം കൂടിയുണ്ട്.

പല ആഡംബര മുസ്ലിം വിവാഹങ്ങളിലും നിക്കാഹ് നടത്താന്‍ മുസ്ലിംലീഗ് സംസ്ഥാന പ്രസിഡന്റ് ഹൈദരലി ശിഹാബ് തങ്ങളോ, അല്ലെങ്കില്‍ കൊടപ്പനക്കല്‍ തറവാട്ടില്‍ നിന്ന് മറ്റൊരു തങ്ങളോ വന്നാലേ ആഡംബരം പൂര്‍ണ്ണമാവൂ എന്നൊരു തരത്തിലുള്ള വിശ്വാസം പലരുടേയും ഇടയില്‍ ഉണ്ട്. ഇനി മുതല്‍ ആഡംബര വിവാഹങ്ങളിലും, അത്തരത്തിലുള്ള മറ്റു ചടങ്ങുകളിലും ഇവര്‍ കാര്‍മികത്വത്തിന് പോകില്ല എന്ന് പ്രഖ്യാപിക്കാന്‍ ലീഗ് തയ്യാറുണ്ടോ ?

അതോടൊപ്പം തന്നെ ഇത്തരം ആഡംബര വിവാഹങ്ങളിലും, ചടങ്ങുകളിലും ഒന്നും പങ്കെടുക്കില്ല എന്ന് പ്രഖ്യാപിച്ച് അത് സത്യസന്ധമായി പ്രാവര്‍ത്തികമാക്കാന്‍ ലീഗിലെ പഞ്ചായത്ത് മെമ്പര്‍മാര്‍ മുതല്‍ മന്ത്രിമാര്‍ വരെയുള്ളവര്‍ തയ്യാറുണ്ടോ ?

അബസ്വരം :
അണികളെക്കൊണ്ട് മുദ്രാവാക്യം വിളിപ്പിച്ചതുകൊണ്ടായില്ല.
ആദ്യം നേതാക്കള്‍ സ്വയം തിരുത്തട്ടെ !

                                                                     366
                                                                     *****
12.09.2014
അന്ന് ഇറ്റാലിയന്‍ നാവികര്‍ ഇറ്റലിയിലേക്ക് പോയപ്പോള്‍ അത് സോണിയാ ഗാന്ധിയുടെ ഇടപെടലായും, സോണിയാ ഗാന്ധിക്ക് ഇറ്റലിയോടുള്ള ദേശസ്നേഹമായും വ്യാഖ്യാനിച്ച മോഡിയും മൂട് താങ്ങികളും ഇന്ന് സുപ്രീം കോടതി വിധി വന്നപ്പോള്‍ എവിടെ പോയി ?

ഇനി മോഡിയെ ഇറ്റലിക്കാര്‍ക്കായി സോണിയാ ഗാന്ധി വീണ്ടും സ്വാധീനിച്ചോ മോഡിക്കുട്ടന്മാരേ ?

ഇറ്റാലിയന്‍ നാവികരെ നാട്ടില്‍ നിര്‍ത്തിയാല്‍ ഒന്നുമില്ലെങ്കില്‍ രാജ്നാഥ് സിംഗിന്റെ ഷൂ ലൈസ് കെട്ടാന്‍ എങ്കിലും ഉപയോഗപ്പെടുത്താമായിരുന്നില്ലേ ?
ആ പണിയില്‍ നിന്നെങ്കിലും പാവം ഇന്ത്യന്‍ ജവാന്മാര്‍ക്ക് മോചനം നല്‍കാമായിരുന്നില്ലേ രാജ്യസ്നേഹത്തിന്റെ മൊത്ത വിതരണക്കാരേ ?

അബസ്വരം :
എറിഞ്ഞ കല്ല്‌ മടിയില്‍ തന്നെ !

                                                                     367
                                                                     *****
13.09.2014
"ഹനുമാന്റെ പേരിൽ ആധാർ കാർഡ്‌ ലഭിച്ചു." - വാർത്ത.

ഫോട്ടോഷോപ്പ്‌ മോഡി പ്രധാനമന്ത്രി ആയിരിക്കുന്ന രാജ്യത്ത്‌ ഹനുമാന്‌ മാത്രമല്ല പൂച്ചപ്പോലീസിന്‌ വരെ ആധാർ കാർഡ്‌ ലഭിച്ചില്ലെങ്കിലേ അത്ഭുതമുള്ളൂ.

അധികം വൈകാതെ മായാവിക്ക്‌ ഭാരത രത്നയും, ശിക്കാരി ശംഭുവിന്‌ പത്മ വിഭൂഷണും, പട്ടാളം പൈലിക്ക്‌ പരമവീര ചക്രയും ലഭിക്കുന്നതും നമുക്ക്‌ കാണാം.

അബസ്വരം :
കാലിയ കാക്ക ആയത്‌ കൊണ്ട്‌ കാലിയ മാത്രം അവാർഡും കാർഡും ഒന്നും പ്രതീക്ഷിക്കരുത്‌.

                                                                     368
                                                                     *****
14.09.2014
"വ്യാജ സിദ്ധന്മാരുടെയും ആള്‍ദൈവങ്ങളുടെയും നാടായി കേരളം മാറി." - വി.എസ് അച്ചുതാനന്ദന്‍.

അബസ്വരം :
'ഇടക്കിടെ ചര്‍ദ്ദിച്ചത് വിഴുങ്ങുന്ന അവസരവാദ കമ്മ്യൂണിസ്റ്റുകളുടെയും, കുലംകുത്തികളുടെയും, വിഗ്രഹം ചുമക്കുന്ന ജീവികളുടെയും,ബക്കറ്റില്‍ തിരയിളക്കുന്നവരുടെയും, അന്‍പത്തൊന്നു വെട്ടുകള്‍ വെട്ടുന്നവരുടെയും നാടായും കേരളം മാറി' എന്നുകൂടി പ്രസ്താവനയില്‍ ചേര്‍ക്കേണ്ടിയിരുന്നില്ലേ സഖാവേ ?

                                                                     369
                                                                     *****
15.09.2014
നിനക്കത് ഉണ്ട് എന്നറിയാം പാദു കോണകം. പണത്തിനും പ്രശസ്തിക്കും വേണ്ടി പാദം മുതല്‍ കോണകം വരെ കാണിക്കാന്‍ തയ്യാറാണ് എന്നും അറിയാം. അങ്ങിനെ ഓരോ മനുഷ്യര്‍ക്കും, അത് ആണായാലും പെണ്ണായാലും കാണിക്കാന്‍ നാട്ടുകാരെ കാണിക്കാന്‍ കഴിയുന്ന പലതും സ്വന്തമായി ഉണ്ട്.

നാട്ടുകാരെ കാണിക്കാന്‍ പറ്റാത്തത് മൂടി വെക്കുന്നത് സംസ്കാരം ആണ് എന്നും, പണത്തിനും പ്രശസ്തിക്കും വേണ്ടി പാദവും കോണകവും കാണിക്കാതിരിക്കുന്നതും സംസ്കാരത്തിന്റെ ഭാഗമാണെന്നും തിരിച്ചറിയാന്‍ ഉള്ള ബോധം ഇല്ലെങ്കില്‍ ഒരു കാര്യം മനസ്സിലാക്കുക - നിങ്ങടെ കോണകം പ്രദര്‍ശിപ്പിച്ചാല്‍ അതിനെ കുറിച്ചും ആളുകള്‍ പ്രതികരിക്കും. അവരുടെ അഭിപ്രായങ്ങള്‍ പറയും.

നിങ്ങള്‍ക്ക് നിങ്ങളുടെ പാദ കോണകങ്ങള്‍ പ്രദര്‍ശിപ്പിക്കാനുള്ള സ്വാതന്ത്ര്യം പോലെ തന്നെ ബാക്കിയുള്ളവര്‍ക്ക് അവരുടെ കാഴ്ചപ്പാടുകള്‍ പങ്കുവെക്കാനുള്ള സ്വാതന്ത്ര്യവും ഉണ്ട് എന്ന് തിരിച്ചറിയുക.

അബസ്വരം :
പരു കരിഞ്ഞാലും പാട് കിടക്കും !

                                                                     370
                                                                     *****
17.09.2014
ഇന്ന്‌ പൊങ്ങച്ചത്തിന്റെ ഒരു പ്രതീകമായിരിക്കുന്നു ഐ ഫോണ്‍.

പൊങ്ങച്ചത്തിനു വേണ്ടി അൻപതിനായിരവും അറുപതിനായിരവും മുടക്കി ആപ്പിൾ ഐ ഫോൺ വാങ്ങുന്നവർ ഒന്നോർക്കുക. ഇതിനോട്‌ സമാനായ സൗകര്യങ്ങൾ ഉള്ള ഫോണുകൾ തന്നെയാണ്‌ ഇതിന്റെ നാലിലൊന്ന് വിലക്ക്‌ സാംസങ്ങ്‌ ഉൾപ്പെടെയുള്ള മറ്റുകമ്പനികൾ വിപണിയിൽ എത്തിക്കുന്നത്‌. 30000 - 40000 രൂപ ആപ്പിൾ എന്ന ബ്രാൻഡ്‌ പേരിനു വേണ്ടി വലിച്ചെറിയേണ്ടതുണ്ടോ ?

അബസ്വരം :
പേരിലും ലുക്കിലും അല്ല കാര്യം. ഉപയോഗത്തിലാണ്‌.

                                                                     371
                                                                     *****
17.09.2014
"മാധവിക്കുട്ടി മതം മാറിയത് നോബല്‍ സമ്മാനത്തിന് വേണ്ടി." - ടി.പത്മനാഭന്‍.

ഓ പിന്നേയ് പല്‍മനാഭാ ഇതെന്താ നോബല്‍ ജിഹാദോ ??

അബസ്വരം :
മാപ്പളാര്‍ക്ക് മാത്രം കൊടുക്കാനായി, മാപ്പളാര്‍ ഉണ്ടാക്കി, മാപ്പളാര്‍ തിരഞ്ഞെടുത്ത ആള്‍ക്ക് മാപ്പളാരാല്‍ കൊടുക്കുന്ന സാധനം അല്ലേ ഈ നോബല്‍ സമ്മാനം !!

                                                                     372
                                                                     *****
18.09.2014
ലിങ്കുൽ ഉലമാ ബ്ലോഗുനാ ഇരിമ്പിളിയം അബസ്വരൻ ഷേക്ക്‌ ഉസ്താദ്‌ വിദേശ രാജ്യങ്ങളായ യൂറോപ്പിലും കർണ്ണാടകയിലും പര്യടനം നടത്തുന്നു. ലിങ്കിട്ട വെള്ളവും, ലിങ്കൻ ചട്ടിയിൽ കഞ്ഞിയും കുടിച്ച്‌ ലിങ്കാനുഗ്രഹം നേടുവാൻ ആയിരങ്ങളുടെ നോട്ട്‌ കെട്ടുകളുമായി ബരി ബരിയായി നിൽക്കുക.

അബസ്വരം :
പിരിവ്‌ കുലത്തെ മാനിക്കുക.

                                                                     373
                                                                     *****
19.09.2014
"എവിടെ തിരിഞ്ഞൊന്നു നോക്കിയാലും അവിടെല്ലാം പൂത്ത മരങ്ങള്‍ മാത്രം" എന്ന് പണ്ടാരോ പാടിയ പോലെയാണ് ഇന്നത്തെ ചലഞ്ചിന്റെ അവസ്ഥ.

എവിടെ തിരിഞ്ഞാലും പല തരത്തിലും കോലത്തിലും ഉള്ള ചലഞ്ചുകള്‍.

എന്തായാലും ഈ ചലഞ്ച് മാമാങ്കത്തിനിടയില്‍ ഞമ്മളും ഒരു ചലഞ്ച് മുന്നോട്ട് വെക്കുന്നു.

സ്റ്റോപ്പ്‌ സ്മോകിംഗ് ചലഞ്ച്.

അതായത് ഓരോരുത്തരും തങ്ങളുടെ പുകവലിക്കുന്ന രണ്ടു സുഹൃത്തുക്കളെ പുകവലിയുടെ ദോഷങ്ങള്‍ പറഞ്ഞു മനസ്സിലാക്കി അവരുടെ പുകവലി സ്വഭാവം അവസാനിപ്പിക്കാന്‍ ശ്രമിക്കുക എന്ന ചലഞ്ച്.

അതുകൊണ്ട് ഒരുത്തന്‍ എങ്കിലും ബോധം ഉണ്ടായി പുകവലി നിര്‍ത്തിയാല്‍ അതൊരു ഗുണം തന്നെയല്ലേ ?

അബസ്വരം :
ചെമ്മീന്‍ കുഞ്ഞും തന്നാലായത് !

                                                                     374
                                                                     *****
19.09.2014
"ഇന്ത്യൻ മുസ്ലിംങ്ങളുടെ രാജ്യസ്നേഹം ചോദ്യം ചെയ്യാനാവില്ല. അൽ ഖ്വൈദയുടെ താളത്തിന്‌ തുള്ളുന്നവരല്ല ഇന്ത്യൻ മുസ്ലിംങ്ങൾ. ഇന്ത്യൻ മുസ്ലിംങ്ങൾ രാജ്യത്തിന്‌ വേണ്ടി ജീവിക്കുകയും മരിക്കുകയും ചെയ്യും." - ജനാബ്‌ നരേന്ദ്ര മോഡി തങ്ങൾ.

ഇന്ത്യൻ മുസ്ലിംങ്ങളുടെ രാജ്യസ്നേഹം വല്ലവരും ചോദ്യം ചെയ്തിട്ടുണ്ട്‌ എങ്കിൽ ആ പണി ചെയ്തത്‌ താങ്കൾ പ്രതിനിധീകരിക്കുന്ന സംഘടനയായ ആർ എസ്‌ എസ്സും അതിന്റെ മൂട്‌ താങ്ങികളും തന്നെയാണ്‌. ഇന്ത്യൻ മുസ്ലിംങ്ങളെ ഭീകരരായി ചിത്രീകരിച്ച്‌ വർഗ്ഗീയ വിഭജനം ഉണ്ടാക്കി അതിന്റെ നേട്ടം എറ്റവും കൂടുതൽ കൊയ്ത സംഘടനയും വ്യക്തിയും ആരാണ്‌ എന്ന് സ്വയം ഒന്ന്‌ ആത്മവിശകലനം നടത്തുന്നത്‌ നന്നായിരിക്കും.

നിങ്ങളുടെ സ്വന്തം പാർട്ടിയുടെ ആളുകളായ അരുൺ ഷൂറിമാരും സുബ്രമണ്യ സ്വാമിമാരും ഇളക്കി വിടുന്ന വർഗ്ഗീയ താളത്തിനനുസരിച്ച്‌ തുള്ളുന്ന സംഘികളെ പൊലെ ഇന്ത്യൻ മുസ്ലിംങ്ങൾ തുള്ളില്ല എന്ന് വൈകിയെങ്കിലും തിരിച്ചറിഞ്ഞതിൽ സന്തോഷമുണ്ട്‌.

രാജ്യത്തിന്‌ വേണ്ടി മാത്രമല്ല, ചിലർക്ക്‌ അധികാര കസേരയിൽ എത്താൻ വ്യാജ എറ്റുമുട്ടൽ ഇരകളായും മരിക്കാൻ ഇന്ത്യൻ മുസ്ലിംങ്ങൾ തയ്യാറായിട്ടുണ്ട്‌ എന്ന് കൂടി ഓർക്കുമല്ലോ ?

അബസ്വരം :
വർഗ്ഗീയതയുടെ ലിഫ്റ്റ്‌ ഉപയോഗിച്ച്‌ ഉന്നതിയിലെ അധികാരം നേടിയവർ കസേരയിൽ ഇരുന്നാൽ ആദ്യം ചെയ്യേണ്ടത്‌ ആ ലിഫ്റ്റ്‌ അഴിച്ച്‌ വെച്ച്‌ മറ്റാരും അതിലൂടെ മുകളിലേക്ക്‌ തനിക്ക്‌ പാരയായി വരില്ല എന്ന് ഉറപ്പ്‌ വരുത്തുക എന്നത്‌ തന്നെയാണ്‌. അഞ്ചു വർഷങ്ങൾക്ക്‌ ശേഷം, ഇനി ആ ലിഫ്റ്റ്‌ ഉണ്ടെങ്കിൽ മാത്രമേ തനിക്ക്‌ വീണ്ടും ആ അധികാരം നേടാൻ കഴിയൂ എന്ന സാഹചര്യം ഉണ്ടാകുമ്പോൾ വീണ്ടും ആ ലിഫ്റ്റ്‌ പുന:സ്ഥാപിച്ച്‌ നേട്ടം കൊയ്യുകയും ചെയ്യുക.

                                                                     375
                                                                     *****
22.09.2014
"കാശ്മീരിനെ പാക്കിസ്ഥാന്റെ ഭാഗമാക്കും." - ബിലാവൽ ഭൂട്ടോ.

അബസ്വരം :
മ്മടെ വല്യ മൊല്ലാക്ക ആറുമാസം കൊണ്ട്‌ പാക്കിസ്ഥാനെ മൊത്തമായി പെട്ടീൽ കയറ്റാൻ നടക്കുമ്പോഴാ ഭൂട്ടോ ചെക്കൻ കാശ്മീരിൽ കുഴിമന്തി ഉണ്ടാക്കാൻ നോക്കുന്നത്‌.

                                                                     376
                                                                     *****
23.09.2014
വൈകിപ്പോയി മക്കളേ വൈകി. കുഞ്ഞാലി മരക്കാർ സുഡാപ്പിയാണെന്ന്‌ തിരിച്ചറിയാൻ മ്മൾ വൈകി.

അങ്ങിനെ സി പി എം കമ്മ്യൂണിസ്റ്റാക്കിയ യേശുവിനും, ആർ എസ്‌ എസ്‌ സംഘിയാക്കിയ കൃഷ്ണനും ഒപ്പം വെക്കാൻ സുഡാപ്പിക്കും ഒരാളെ കിട്ടി.

അബസ്വരം :
ആനയുടെ കഴുത്തിൽ നുകം വെച്ചാൽ ആന പോത്താവില്ല.

                                                                     377
                                                                     *****
23.09.2014
ഈ മംഗൾ യാൻ ചൊവ്വയിൽ ഇറങ്ങിയാലെങ്കിലും ഇന്ത്യയിൽ ചൊവ്വാദോഷവും പറഞ്ഞു കല്യാണം നടക്കാതെ ഇരിക്കുന്ന ഒരുപാടെണ്ണത്തിന്റെ ചൊവ്വാ ദോഷം തീർന്ന് താലികെട്ടൽ നടക്കുമോ ?

ലോകത്തിലെ എറ്റവും വലിയ കല്യാണം മുടക്കിയെ ഒതുക്കാൻ മംഗൾയാനിനു ആകുമോ ?

അബസ്വരം :
ചൊവ്വയിലിരുന്ന് ഇന്ത്യയിലെ കല്യാണം മുടക്കുന്ന പാറകളേ നിങ്ങൾക്കഭിവാദ്യങ്ങള്‍!!

                                                                     378
                                                                     *****
24.09.2014
മംഗൾയാനിന്റെ വിജയം രണ്ടു തലങ്ങളിൽ നിന്ന് നോക്കിക്കാണേണ്ടതുണ്ട്‌.

അതിൽ ആദ്യത്തേത്‌ ഐ എസ്‌ ആർ ഒ ക്ക്‌ ഈ ദൗത്യം വിജയിപ്പിച്ചെടുക്കാൻ കഴിഞ്ഞു എന്നത്‌ തന്നെയാണ്‌. ഇതിന്റെ പിന്നിൽ പ്രവർത്തിച്ച ആളുകൾ അഭിനന്ദനം അർഹിക്കുകയും ചെയ്യുന്നു.

രണ്ടാമത്തേതും എറ്റവും പ്രധാനപ്പെട്ടതും ആയ കാര്യം പട്ടിണി കിടക്കുന്ന, അപ്പിയിടാൻ കക്കൂസില്ലാതെ വഴികളിൽ ഇരുന്ന് കാര്യം സാധിക്കേണ്ടി വരുന്ന കോടിക്കണക്കിന്‌ ജനങ്ങളുള്ള ഒരു രാജ്യം ചൊവ്വയിലേക്ക്‌ ഉപഗ്രഹം അയക്കുന്നതിനാണോ ആവേശം കാണിക്കേണ്ടത്‌ എന്നതാണ്‌.

ഇന്ന് മംഗൾയാൻ വിജയത്തിന്റെ പശ്ചാത്തലത്തിൽ പലരുടേയും പോസ്റ്റുകൾ കണ്ടു - ഇന്ത്യക്കാരനായതിൽ അഭിമാനിക്കുന്നു - എന്ന്‌ പറഞ്ഞു കൊണ്ട്‌. അപ്പോൾ സ്വാഭാവികമായും ഉയരുന്ന ഒരു ചോദ്യം ഉണ്ട്‌.' മംഗൾയാൻ പരാജയപ്പെട്ടിരുന്നു എങ്കിൽ അപമാനം തോന്നുമായിരുന്നോ ?' എന്ന ചോദ്യം.

ഇന്ത്യക്കാരൻ എന്ന നിലയിലുള്ള അഭിമാനം ഒരോ നിമിഷവും തോന്നേണ്ടതല്ലേ ?

അല്ലാതെ വിജയം വരുമ്പോൾ മാത്രം തോന്നാൻ ഉള്ള ഒന്നാണോ ഇന്ത്യൻ പൗരത്വത്തിൽ ഉള്ള അഭിമാനം ?

പൊതു ഖജനാവിലെ പണം ഉപയോഗിക്കുമ്പോൾ അതിന്‌ തീർച്ചയായും മുൻഗണനാ ക്രമം ആവശ്യമുണ്ട്‌. ആ ലിസ്റ്റിൽ മംഗൾയാനിനേക്കാൾ ആയിരക്കണക്കിന്‌ പടികൾ ഉയരെയല്ലേ ഭക്ഷണം കിട്ടാതെ വിശന്നലയുന്നവന്റെ ആമാശയത്തിന്റെ വിളിക്ക്‌ ഉത്തരം നൽകുന്ന 'പിച്ചച്ചട്ടിയാനിന്റെ' സ്ഥാനം ??

അബസ്വരം :
ഇന്ത്യയിലെ കല്യാണങ്ങൾ എറ്റവും കൂടുതൽ മുടക്കിയ ചൊവ്വയോട്‌ "എന്തിനാ ചൊവ്വക്കുട്ട്യേ ഇന്ത്യക്കാരന്റെ കല്യാണത്തിന്‌ ഇങ്ങിനെ ആപ്പ്‌ വെക്കുന്നത്‌ ? കല്യാണം മുടക്കൽ പരിപാടി ഇനിയെങ്കിലും നിർത്തിക്കൂടേ ?" എന്നെങ്കിലും മംഗൾയാൻ ചോദിച്ചിരുന്നു എങ്കിൽ !

                                                                     379
                                                                     *****
24.09.2014
"രാവും പകലും പണിയെടുത്ത്‌ പ്രതിസന്ധികളെ അതിജീവിച്ച്‌ വിപ്ലവകരമായി മുന്നേറിയ മംഗൾയാൻ കമ്യൂണിസ്റ്റ്‌ ആണ്‌."- സഖാവ്‌ പിണങ്ങറായി.

"ഭാരതാംഭയുടെ മണ്ണിൽ നിന്ന്‌ തേങ്ങ ഉടച്ച പൂജയുടെ ശക്തി ആവാഹിച്ച്‌ കാവി നിറത്തിലുള്ള തീയുടെ അകമ്പടിയോടെ കുതിച്ചുയർന്ന് ചൊവ്വയിലെത്തിയ മംഗൾയാൻ സംഘിയാണ്‌." - സുപ്രമണ്യൻ സ്വാമി.

"ഒരു നായർ ഐ എസ്‌ ആർ ഒയുടെ ചെയർമാൻ ആയിരുന്നത്‌ കൊണ്ട്‌ മംഗൾയാൻ നായരാണ്‌." - ജി. കുസുമാരൻ നായർ.

"മംഗൾയാനെ പൊതിയാൻ ഉപയോഗിച്ചത്‌ മഞ്ഞ നിറമുള്ള പേപ്പർ ആയത്‌ കൊണ്ട്‌ മംഗൾയാൻ എസ്‌ എൻ ഡി പിയാണ്‌."- നള്ളാപ്പിള്ളി വെടേശൻ.

അബസ്വരം :
"എറ്റവും പുതിയ കണക്കനുസരിച്ച്‌ മംഗൾയാനിനേക്കാൾ പത്ത്‌ ലക്ഷം കിലോമീറ്ററുകൾക്ക്‌ മുന്നിലാണ്‌ മനോരമയാൻ." - നുണോരമ.

                                                                     380
                                                                     *****
25.09.2014
ചന്ദ്രയാൻ 2 വിക്ഷേപണത്തിനായി ഐ എസ്‌ ആർ ഒ കേരളത്തിന്റെ റോക്കറ്റ്‌ ഉപയോഗിക്കും. കേരളം തദ്ദേശീയമായി നിർമ്മിച്ച എൻ വി എൽ വി എന്ന റോക്കറ്റ്‌ ആയിരിക്കും ഉപയോഗിക്കുക എന്ന് ഇസ്രോ അറിയിച്ചു.

ടൺ കണക്കിനു ഭാരമുള്ള മനുഷ്യരെ പോലും ജീവനോടെ കൂടുതൽ ഉയരത്തിലേക്ക്‌ വളരെ വേഗത്തിൽ കൃത്യതയോടെ എത്തിക്കാൻ എൻ വി എൽ വി എന്ന റോക്കറ്റിന്‌ കഴിയും. 'നികുതി വർദ്ധന ലോഞ്ച്‌ വെഹിക്കിൾ' എന്ന പൂർണ്ണ നാമം ഉള്ള ഈ റോക്കറ്റിന്‌ നാസയിൽ നിന്ന് പോലും ഓർഡർ ലഭിക്കും എന്ന് പ്രതീക്ഷിക്കുന്നതായി കുഞ്ഞൂഞ്ഞിന്റെ നേതൃത്വത്തിൽ ഉള്ള ശാസ്ത്ര സംഘം അറിയിച്ചു.

അബസ്വരം :
മറ്റു റോക്കറ്റുകളിൽ ഉപയോഗിക്കുന്ന വില കൂടിയ ഇന്ധനവും ഈ റോക്കറ്റിന്റെ പ്രവർത്തനത്തിന്‌ ആവശ്യമില്ലത്രേ. ഇന്ത്യൻ നിർമ്മിതമോ വിദേശ നിർമ്മിതമോ ആയ വിദേശ മദ്യമാണ്‌ ഈ റോക്കറ്റിന്റെ ഇന്ധനം.

                                                                     381
                                                                     *****
26.09.2014
കൈരളി ഇന്റർ നാഷണൽ ബ്രൈക്കിംഗ്‌ :

ചൊവ്വയുടെ നഗ്ന ചിത്രങ്ങളെടുത്ത മംഗൾയാനിനു നേരെ ചൊവ്വാ പോലീസ്‌ കേസെടുത്തു.

കൂടുതൽ വിവരങ്ങൾ അറിയാൻ ഞങ്ങളുടെ പ്രതിനിധി ചൊവ്വയോട്‌ സംസാരിച്ചു കൊണ്ടിരിക്കുകയാണ്‌.

"ചൊവ്വാ ഗ്രഹംജി മേ കേരൾക്കെ ചാനൽ സെ ബോൽത്താ ഹൂ ഹൈം ഹും. ആപ്‌ ക ഉടുതുണി രഹിത ചിത്രോം കെ ഫോട്ടോ എടുത്തോ ഹേ യാ എടുത്തിട്ടില്ല ഹോ ?

ഹലോ.. ഹലോ.. ചൊവ്വാജീ മേം ഭൂമിജിക്ക എക്ക്‌ ബഡാ മാധ്യമ പ്രവർത്തക്‌ ഹെ ഹൂം.

ഹലോ ചൊവ്വാജീ ആപ്പ്‌ കേൾക്കുന്നുണ്ടോ ഹൊ ഹ്രും ??"

അബസ്വരം :
ചൊവ്വയിലെ ലൗവ്‌ ജിഹാദ്‌ വാർത്തകൾക്കായും നമുക്ക്‌ ഇനി കാതോർക്കാം.

                                                                     382
                                                                     *****
26.09.2014
"ഉണരുന്ന മലപ്പുറം" - കേരളത്തിലെ മുസ്ലിം സമുദായത്തിന്‌ ഒരുപാട്‌ ചീത്തപ്പേര്‌ സംഭാവന ചെയ്ത ഒരു സംഘടന നടത്തുന്ന ഒരു പരിപാടിയുടെ പരസ്യവാചകമാണിത്‌.

ഈ പരസ്യവാചകം വായിക്കുമ്പോൾ തോന്നും മലപ്പുറം ഇതുവരെ ഉറങ്ങുകയായിരുന്നു എന്ന്. മലപ്പുറം ജനിച്ചതുമുതൽ ഉണർന്നുകൊണ്ട്‌ തന്നെയാണ്‌ ഇരുന്നത്‌ എന്ന വസ്തുത ഇന്നു വരെ ഉറങ്ങി കിടന്നവർക്കും ഉറക്കം നടിച്ചവർക്കും മനസ്സിലായിട്ടില്ല എങ്കിൽ അതിന്റെ ഉത്തരവാദിത്വം അവർക്ക്‌ തന്നെയാണ്‌.

ഉണർന്ന്‌ ഊർജ്ജസ്വലതയോടെ മുന്നോട്ട്‌ പോയിക്കൊണ്ടിരിക്കുന്ന മലപ്പുറത്തെ വീണ്ടും ഗമണ്ടൻ അടിച്ച്‌ ഉണർത്തി എന്ന്‌ വരുത്തി തീർക്കാൻ ശ്രമിക്കുന്നതിന്‌ മുൻപ്‌ ആദ്യം വിശുദ്ധ ഖുർആനും പ്രവാചകചര്യയും മനസ്സിലാക്കി സ്വയം ഉണരാനാണ്‌ ഇത്തരക്കാർ ശ്രദ്ധിക്കേണ്ടത്‌. എന്നിട്ട്‌ വെട്ടി വീഴ്ത്തിയ കൈയ്യിനു കേരള സമൂഹത്തോട്‌ മാപ്പ്‌ പറഞ്ഞു കൊണ്ടും ആ തെറ്റുകൾ ഇനി ആവർത്തിക്കില്ല എന്ന് പ്രഖ്യാപിച്ചു കൊണ്ടും സ്വയം ഉണർന്നതായി സമൂഹത്തെ ബോധ്യപ്പെടുത്തുകയും ചെയ്യണം.

അബസ്വരം :
ആദ്യം സുഡാപ്പി സ്വയം ഉണരട്ടെ.
എന്നിട്ടാവാം മലപ്പുറത്തുകാരുടെ മുഖത്ത്‌ വെള്ളം തെളിക്കൽ !!

                                                                     383
                                                                     *****
27.09.2014
അമ്മ ഉണവകം

അമ്മ ചപ്പാത്തി

അമ്മ തിയേറ്റർ

അമ്മ ബസ്സ്‌

അമ്മ സിമന്റ്‌

ഇപ്പോൾ
അമ്മ ഗോതമ്പുണ്ടയും.

അബസ്വരം :
കേരളത്തിലെ മാധ്യമങ്ങൾ തമിഴന്മാരെ തീ കൊളുത്തി വടിയാക്കി അത്‌ "ഞങ്ങൾക്ക്‌ മാത്രം ലഭിച്ച വീഡിയോ" ആയി ബ്രൈക്കുമോ ആവോ !!

                                                                     384
                                                                     *****
27.09.2014
പെങ്ങളോട്‌ പെങ്ങളെ മോന്റെ ചോദ്യം : "ഇമ്മാ ഇമ്മ മരിച്ചാൽ ഇക്ക്‌ സങ്കടം ആവൂലേ ?"

പെങ്ങൾ : "സങ്കടം ആവും. അപ്പൊ മോൻ ഇമ്മാക്ക്‌ വേണ്ടി പ്രാർത്ഥിച്ച്‌ നല്ല കുട്ടി ആയാൽ മതി."

മോൻ : "അത്‌ വാണ്ടമ്മാ. ഇക്ക്‌ സങ്കടം ആവുമ്പൊ ഞാൻ ഇമ്മ വടി എടുത്ത്‌ ന്നെ തല്ലാൻ വന്നത്‌ ഓർത്തോളാം. അപ്പൊ ന്റെ സങ്കടം മാറും."

അബസ്വരം :

ന്യൂ ജനറേഷൻ മക്കളുടെ പ്രായോഗിക ചിന്തകൾ !

                                                                     385
                                                                     *****
29.09.2014
മോഹൻലാൽ കരം ചന്ദ്‌ ഗാന്ധിയോ മമ്മൂട്ടി കരം ചന്ദ്‌ ഗാന്ധിയോ അല്ല ഇന്ത്യയുടെ രാഷ്ട്ര പിതാവ്‌ മോഡി ചേട്ടാ, അത്‌ മോഹൻ ദാസ്‌ കരംചന്ദ്‌ ഗാന്ധിയാണ്‌.

അബസ്വരം :
ഫോട്ടോഷോപ്പിൽ കയറ്റിയാൽ മോഹൻ ദാസിനെ മോഹൻ ലാലും മമ്മൂട്ടി ലാലും ഒക്കെ ആക്കാൻ കഴിയും.

                                                                     386
                                                                     *****
30.09.2014
"ഇന്ത്യാ അമേരിക്ക ബന്ധം ഭർത്തൃ ഭാര്യാ ബന്ധം പോലെ." - മോഡി.

ഉഭയ സമ്മതത്തോടെ ഉള്ള ഡിങ്കോൾഡിഫിക്കേഷൻ ബന്ധം വിവാഹമായി കണക്കാക്കം എന്ന വിധി ഉള്ളത്‌ കൊണ്ട്‌ 'പോലെ' എന്ന പ്രയോഗം വേണ്ടിയിരുന്നില്ല. അങ്ങണ്ട്‌ ഉറപ്പിച്ച്‌ പറയാമായിരുന്നു.

അബസ്വരം :
അപ്പൊ പാക്കിസ്ഥാൻ ചക്കൊളത്തിയും, ചൈന നാത്തൂനും, ഇസ്രായേൽ രഹസ്യ കാമുകനും, ബ്രിട്ടൻ അമ്മായിമ്മയും ആവും അല്ലേ ?

                                                                     387
                                                                     *****
01.10.2014
മൂപ്പര്‌ കാലാപാനി മാത്രമേ കണ്ടിട്ടുള്ളൂ. അതുകൊണ്ടാണ്‌ മൂപ്പർ രാഷ്ട്രപിതാവായി ലാലേട്ടന്റെ പേര്‌ പറഞ്ഞത്‌. ഇനി അതിന്റെ പേരിൽ മമ്മൂട്ടി ഫാൻസ്‌ ആരും വിഷമിക്കരുത്‌. എത്രയും പെട്ടന്ന് 1921 എന്ന സിനിമയുടെ സിഡി മൂപ്പർക്ക്‌ എത്തിച്ചു കൊടുക്കുക. എന്നാൽ അടുത്ത തവണ മുതൽ മോഡിഫിക്കേഷൻ വരുത്തി 'മമ്മൂട്ടി കരംചന്ദ്‌ ഗാന്ധി' എന്ന്‌ രാഷ്ട്ര പിതാവിനെ വിളിക്കുന്നതായിരിക്കും.

അബസ്വരം :
മൂപ്പരാക്ക അമേരിക്കയിലേക്ക്‌ പോകുന്നതിന്‌ മുൻപ്‌ ദശാവതാരം കാണാതിരുന്നത്‌ നന്നായി. എങ്കിൽ അമേരിക്കൻ പ്രസിഡന്റിനെ 'ബരാക്ക്‌ കമലാസൻ ഒബാമ' എന്ന്‌ വിളിച്ചേനെ.

                                                                     388
                                                                     *****
02.10.2014
"റംസാൻ പ്രമാണിച്ച്‌ തിങ്കളാഴ്ച സർക്കാർ പൊതു അവധി പ്രഖ്യാപിച്ചു." - കൈരളി (ഇന്റർ നാഷണൽ ബ്രൈക്കിംഗ്‌).

റംസാനും ഹജ്ജും ചെറിയ പെരുന്നാളും ബലി പെരുന്നാളും ഒക്കെ തമ്മിൽ ഉള്ള വ്യത്യാസം അറിയുന്ന ഒരുത്തനും കൈരളിയിൽ ഇല്ലേ സഖാവേ ?

അബസ്വരം :

പരിപ്പ്‌ വട എന്തെന്ന് ഞാനറിയും.
കട്ടൻ ചായയെ പോലെ വെളുത്തിരിക്കും.

                                                                     389
                                                                     *****
03.10.2014
യേശുദാസ്‌ മാത്രമല്ല പല പ്രമുഖരും പെണ്ണുങ്ങൾ പുരുഷ വസ്ത്രം ധരിക്കുന്നതിനെതിരേയും, ഗുൽബോളിഫിക്കേഷനും, കുണാണ്ടിഫിക്കേഷനും പ്രദർശിപ്പിക്കുന്നതിനെതിരെയും സംസാരിച്ചിട്ടുണ്ട്‌.

അങ്ങിനെ സംസാരിച്ചവരെ കരിവാരി തേക്കാൻ ആണത്തം ഇല്ലാത്ത പുരുഷന്മാരും, സ്ത്രീത്വം ഇല്ലാത്ത സ്ത്രീകളും എല്ലാ കാലത്തും മുന്നോട്ട്‌ വരുകയും ചെയ്തിട്ടുണ്ട്‌. ചിലർ ഇത്തരക്കാരുടെ വാക്ക്‌ പീഡനം സഹിക്കവെയ്യാതെ പറഞ്ഞത്‌ പിൻവലിച്ച്‌ തടി തപ്പാനും ശ്രമിച്ചിട്ടുണ്ട്‌.

ശരീരം പ്രദർശിപ്പിച്ച്‌ നടക്കാൻ ഒരു വ്യക്തിക്ക്‌ സ്വാതന്ത്ര്യം ഉള്ള പോലെ തന്നെ ശരീരം പ്രദർശിപ്പിക്കുന്നതിനെതിരെ സംസാരിക്കാനും ഒരു വ്യക്തിക്ക്‌ സ്വാതന്ത്ര്യം ഉണ്ട്‌ എന്ന് യേശുദാസിനെ കടിച്ചുകീറാൻ വരുന്നവർ മനസ്സിലാക്കുന്നത്‌ നന്നായിരിക്കും.

പിന്നെ യേശുദാസിന്റെ മരുമകൾ ജീൻസ്‌ ഇട്ട ഫോട്ടം ഇട്ടുകൊണ്ട്‌ ഇതിനെ പരിഹസിക്കാൻ ശ്രമിക്കുന്നത്‌ പൊട്ടത്തരം ആണ്‌. കാരണം യേശുദാസിന്റെ മരുമകൾ അല്ലല്ലോ യേശുദാസ്‌ !!! അവർ വേറെ വ്യക്തികൾ അല്ലേ ? അവർക്ക്‌ യേശുദാസിന്റെ അതേ കാഴ്ചപ്പാട്‌ ഉണ്ടാവണം എന്ന്‌ പറയുന്നത്‌ ബാലിശമല്ലേ ?

എന്തായാലും ദുരാചാര വാദത്തേക്കാൾ മഹത്തരം സദാചാര വാദം തന്നെയാണല്ലോ !!

അബസ്വരം :
തുറന്നു വെച്ച ഭക്ഷണത്തിൽ ഈച്ചയും പാറ്റയും വരുകയും ഇൻഫെക്ഷൻ ഉണ്ടാവാനുള്ള സാധ്യത കൂടുകയും ചെയ്യും. അത്‌ കൊണ്ട്‌ ആവശ്യ സമയത്ത്‌ മാത്രം ഭക്ഷണപാത്രം തുറക്കുക. വെറുതെ രോഗാണുക്കളെ പ്രലോഭിപ്പിച്ച്‌ വിളിച്ച്‌ വരുത്തി പണി വാങ്ങണോ ?

                                                                     390
                                                                     *****
08.10.2014
കേരള സൈബര്‍ സെല്‍ ഉദ്യോഗസ്ഥരും, ലാലേട്ടന്റെ ബ്ലോഗ്‌ ഹാക്കിയ പാക്കിസ്ഥാനികളും തമ്മില്‍ നടത്തിയ ഫോണ്‍ സംഭാഷണം :

സൈബര്‍ സെല്ലികള്‍ : "ഹലോ. ഇങ്ങള്‍ അല്ലേ ലാലേട്ടന്റെ ബ്ലോഗ്‌ ആക്കിയത് ?"

ഹാക്കികള്‍ : "അതേ. മ്മള്‍ ഹാക്കിയതാ."

സൈബര്‍ സെല്ലികള്‍ : "എന്തിനാ മക്കളേ ആ ബ്ലോഗ്‌ ഹാക്കിയത് ? വേറെ എത്ര നല്ല ബ്ലോഗുകള്‍ ഉണ്ടായിരുന്നു ഹാക്കാന്‍."

ഹാക്കികള്‍ : "ഞങ്ങള്‍ കണ്ണി കണ്ടോരെ ബ്ലോഗ്‌ ഹാക്കുകയില്ല ഹംക്കുകളേ.."

സൈബര്‍ സെല്ലികള്‍ : "പിന്നെ എന്തിനാ മോഹന്‍ ലാലിന്റെ ബ്ലോഗ്‌ ഹാക്കിയത് ? എന്താ അതിനിത്ര പ്രത്യേകത ? മൂപ്പര് പട്ടാള യൂണിഫോമില്‍ നില്‍ക്കുന്നത് കണ്ട് മൂപ്പര് ബല്യ പട്ടാളക്കാരനാണ് എന്ന് ഇങ്ങള്‍ തെറ്റിധരിച്ചോ ?"

ഹാക്കികള്‍ : "ആ കൊട വയറന്‍ പട്ടാള യൂണിഫോമിട്ട് വെടിവെച്ചാല്‍ മ്മടെ മേത്ത് ഉണ്ട കയറൂലാന്ന് ഞമ്മക്കറിയാ. മൂപ്പരുടെ ബ്ലോഗ്‌ അതിനല്ല ഹാക്കിയത്."

സൈബര്‍ സെല്ലികള്‍ : "പിന്നെ എന്തിനാ ഹാക്കിയത്? പെരുച്ചാഴിയെ പുടിക്കാനോ?"

ഹാക്കികള്‍ : "അത് ഞമ്മക്ക് ഒരു അബദ്ധം പറ്റിയതാണ്. ഇങ്ങടെ പ്രധാനന്റെ വാക്ക് ഞമ്മള്‍ വിശ്വസിച്ചു. അതാ ഹാക്കാന്‍ കാരണം. പിന്നെയാണറിഞ്ഞത് മൂപ്പര് പൊട്ടത്തരം വിളമ്പിയതാ ന്ന്."

സൈബര്‍ സെല്ലികള്‍ : "പ്രധാനന്റെ എന്ത് വാക്ക് ?"

ഹാക്കികള്‍ : "പ്രധാനന്‍ അമേരിക്കയില്‍ പോയി പറഞ്ഞില്ലേ ഇങ്ങടെ രാഷ്ട്രപിതാവ്‌ മോഹന്‍ലാല്‍ ആണെന്ന്. അത് കേട്ടപ്പോ മ്മടെ കൂടെ ഉള്ള ഒരുത്തന്‍ പറഞ്ഞ് ഈ ലാലാണ് മൂപ്പര് പറഞ്ഞ ലാല്. ഞമ്മക്ക് ഹാക്കീട്ട് പണി കൊടുക്കാം ന്ന്. ഹാക്കി കഴിഞ്ഞപ്പോഴാ ഞങ്ങക്ക് പറ്റിയ പറ്റ് മനസ്സിലായത്. ഇഞ്ഞ് ഞമ്മള് ഇങ്ങടെ പ്രധാനന്റെ ബഡായി സംഘിക്കുട്ട്യോളെ പോലെ ബോധം ഇല്ലാതെ വിശ്വസിക്കൂല. ഇങ്ങനെത്തെ അബദ്ധോം പറ്റൂല. ഇത്തവണ ഇങ്ങള് സബൂറാക്കിം."

അബസ്വരം :
ആശാന്‍ വീണാല്‍ അതുമൊരടവ്.

                                                                     391
                                                                     *****
10.10.2014
"സമാധാന നോബൽ മലാലക്ക്‌." - വാർത്ത.

ഗാന്ധിജിക്ക്‌ കിട്ടാതിരിക്കുകയും ഒബാമക്ക്‌ കിട്ടുകയും ചെയ്ത ഈ സാധനം അമേരിക്കൻ ഉൽപ്പന്നമായ മലാലക്ക്‌ കിട്ടിയതിൽ ഒരു അത്ഭുതവും ഇല്ല. വരും വർഷങ്ങളിൽ ഈ അവാർഡ്‌ ഗോഡ്സെമാർക്കും മോഡിമാർക്കും അമിത്‌ ഷാമാർക്കും നൽകി ഈ അവാർഡിന്റെ മഹത്വം പല മടങ്ങ്‌ വർദ്ധിപ്പിക്കും എന്ന്‌ നമുക്ക്‌ പ്രത്യാശിക്കാം.

അബസ്വരം :
സാമ്രാജത്വ പാദസേവക്കുള്ള അംഗീകാരങ്ങൾ ആഘോഷിക്കപ്പെടുന്നതിനിടയിൽ നബീലമാരെ നമുക്ക്‌ വിസ്മരിക്കാതിരിക്കാം.

                                                                     392
                                                                     *****
12.10.2014
താലിബാനും സദ്ദാമിനും എതിരെയുള്ള പോരാട്ടം എന്ന് പറഞ്ഞ് നിരവധി കുഞ്ഞുങ്ങളെ കൊന്നൊടുക്കിയ അമേരിക്കക്കും കൂട്ടര്‍ക്കും തങ്ങളുടെ മുഖം മിനുക്കാന്‍ ലഭിച്ച അവസരം ഉപയോഗിക്കുന്നതിന് മലാല കൂട്ട് നിന്നു എന്നതാണ് മലാലക്ക് നോബല്‍ കിട്ടാനുള്ള യോഗ്യത.

ജീവിക്കാനുള്ള അവകാശത്തേക്കാള്‍ വലുതാണ്‌ വിദ്യാഭ്യാസം നേടാനുള്ള അവകാശം എന്ന നിലയിലേക്ക് പ്രചാരണം നടത്താന്‍ അമേരിക്കയെ മലാല സഹായിച്ചു.

വിദ്യാഭാസത്തിന്റെ പേരില്‍ ഉണ്ട കൊണ്ട് രക്ഷപ്പെട്ട് ആര്‍ഭാട സുഖ സൗകര്യങ്ങളില്‍ ജീവിച്ച് അമേരിക്കന്‍ കൂട്ടിക്കൊടുപ്പുക്കാര്‍ എഴുതിക്കൊടുത്ത പ്രസംഗം വായിച്ച് കയ്യടി നേടുന്ന മലാലയെക്കാള്‍, സമാധാനം എന്ന് പറയുമ്പോള്‍ ഓര്‍ക്കേണ്ടത് ആകാശത്തില്‍ നിന്നും വര്‍ഷിക്കപ്പെട്ട ബോംബുകളില്‍ ഒരു മനുഷ്യന്റെ ഏറ്റവും അടിസ്ഥാനപരമായ അവകാശമായ 'ജീവിക്കാനുള്ള അവകാശം' നിഷേധിക്കപ്പെട്ട് എന്താണ് സംഭവിക്കുന്നത് എന്ന് പോലും ചിന്തിക്കാന്‍ സമയം കിട്ടാതെ കൊല്ലപ്പെട്ട ലക്ഷകണക്കിന് കുരുന്നുകളെയാണ്.

നബീലമാരെ വിസ്മരിക്കുമ്പോള്‍ മലാലമാരെ മാര്‍ക്കറ്റ് ചെയ്യുന്നതിന്റെ ഗുട്ടന്‍സ് മനസ്സിലാക്കാന്‍ സ്വന്തം പിതൃത്വത്തെ കുറിച്ച് ഉത്തമബോധ്യമുള്ളവര്‍ക്ക് തീര്‍ച്ചയായും കഴിയും.

അബസ്വരം :
കഴുതയെ അണിയിച്ചൊരുക്കി കുതിരേ എന്ന് വിളിച്ചാല്‍ കഴുത കുതിരയാവില്ല.

                                                                     393
                                                                     *****
13.10.2014
മാനസ സെൽഫീ വരൂ
വാട്ട്‌ സ്‌ അപ്പ്‌ നിറയെ തരൂ
നിൻ അരുമ പൂ വാടിയിൽ നീ പോസ്റ്റുവതാരെ ആരെ
ഒൺലൈനിന്റെ നാട്ടിലെ ഷെയർ ബട്ടൻ പൂത്തല്ലോ
കളിക്കൂട്ടുകാരനെ മറന്നു പോയോ
കടലിലെ ഓളവും കരളിലെ മോഹവും
അടങ്ങുകില്ലോമനേ അടങ്ങുകില്ലാ

അബസ്വരം :
കാനന ഛായയിൽ സെൽഫിയെടുക്കാൻ
ഞാനും വരട്ടെ നിന്റെ കൂടെ
പാടില്ല പാടില്ല നമ്മെ നമ്മൾ
പാടെ മറന്നൊന്നും സെൽഫിക്കൂടാ

                                                                     394
                                                                     *****
17.10.2014
"കള്ളപ്പണക്കാരുടെ പേര്‌ വെളിപ്പെടുത്തില്ല." - മോഡി സർക്കാർ

ഞമ്മൾ അധികാരത്തിൽ വന്നാൽ കള്ളപ്പണക്കാരെ ഒക്കെ പിടിക്കുമെന്നും മറ്റും ഗമണ്ടൻ അടിച്ചതിന്‌ ശേഷം അധികാരം നേടിയ ശേഷം നടത്തുന്ന ഈ ഉരുളലിന്റെ പേരല്ലേ മക്കളേ മോഡി മാജിക്ക്‌ എന്നത്‌ ?

അബസ്വരം :
"ഉളുപ്പില്ലായ്മ" എന്ന പദത്തിന്‌ ഒരു പര്യായം കൂടി ലഭിച്ചു - മോഡി മാജിക്ക്‌ !

                                                                     395
                                                                     *****
24.10.2014
ഭക്ത ജനങ്ങളുടെ പ്രത്യേക ശ്രദ്ധക്ക്‌ :

'പിരിവ്‌ കുലത്തെ മാനിക്കുക' എന്ന മുദ്രാവാക്യം ഉയർത്തിപ്പിടിച്ചുകൊണ്ടും ബക്കറ്റ്‌ വെച്ച കൈ നീട്ടിപ്പിടിച്ചുകൊണ്ടും കർണ്ണാടകയിലെ കല്ലും മുള്ളും നിറഞ്ഞ വഴികളിലൂടെ ആഡംബര വാഹനത്തിൽ സഞ്ചരിച്ച്‌ പുണ്യവും അനുഗ്രഹവും വിതറാനുള്ള ലിങ്കുൽ ഉലമാ ബ്ലോഗുനാ മോന്തപുത്തകപുരം അബസ്വരൻ ഷേക്ക്‌ ഉസ്താദിന്റെ യാത്ര ഉടൻ തുടങ്ങുന്നു.

ബ്ലോഗച്ചട്ടിയിൽ ചോറുണ്ടും ലിങ്കിട്ട വെള്ളം കുടിച്ചും അനുഗ്രഹം നേടാൻ കൊതിക്കുന്നവർ പിരിവ്‌ ബക്കറ്റിൽ ഗാന്ധികൾ സമർപ്പിച്ച്‌ ബരി ബരിയായി നിൽക്കുക.

അബസ്വരൻ ഉസ്താദിനെ നേരിട്ട്‌ കണ്ടു അനുഗ്രഹം വാങ്ങിക്കാൻ കഴിയാത്തവർ സംഭാവന തുക ആപ്പീസിൽ എത്തിച്ച ശേഷം ഉസ്താദിനെ കണ്ടവരുടെ കണ്ണിലേക്ക്‌ നോക്കിയാലും അനുഗ്രഹം ലഭിക്കുന്നതാണ്‌.

അബസ്വരം :
കണ്ടം വെച്ചൊരു പിരിവാണ്‌
പണ്ടേ കിട്ടിയ പണിയാണ്‌
ഉസ്താദ്‌ കാക്കാന്റെ പിരിവാണ്‌
ഇത്‌ നാട്ടിൽ മുഴുവൻ പാട്ടാണ്‌

                                                                     396
                                                                     *****
31.10.2014
താലിബാന്റെ പ്രവർത്തനങ്ങളെ നോക്കി ഇസ്ലാമിനെ വിലയിരുത്തുന്നതും, ആർ എസ്‌ എസ്സിന്റെ പ്രവർത്തനങ്ങളെ നോക്കി സനാതന ധർമ്മത്തെ വിലയിരുത്തുന്നതും, സി പി എമ്മിന്റെ പ്രവർത്തനങ്ങളെ നോക്കി മാർക്കിസത്തെ വിലയിരുത്തുന്നതും, മാങ്ങയണ്ടിയെ നോക്കി കശുവണ്ടിയെ വിലയിരുത്തുന്നതും ഒരേ പോലെ വിഡ്ഢിത്തം ആണ്‌.

അബസ്വരം :
ഉപ്പുമാവെന്നത്‌ ഞാനറിയും
പത്തിരി പോലെ കറുത്തിരിക്കും.

                                                                     397
                                                                     *****
03.11.2014
ഒരു സമരം വിജയിക്കണമെങ്കിൽ / അല്ലെങ്കിൽ ജനകീയമായി എന്ന് പറയണം എങ്കിൽ എറ്റവും കുറഞ്ഞത്‌ സമരത്തിന്‌ നേതൃത്വം കൊടുക്കുന്നവർ ഒഴികെ ഉള്ളവരേയും അതിന്റെ ഭാഗഭാക്കാനും ആ സമരത്തിൽ സജീവമായി പങ്കെടുപ്പിക്കാനും കഴിയണം.

ഇന്നലത്തെ ചുംബന സമരം എടുത്തു നോക്കിയാൽ എകദേശം പതിനഞ്ചു പേർ കിസ്സടിച്ചു എന്നാണ്‌ അറിയാൻ കഴിഞ്ഞത്‌. പക്ഷേ അതിനേക്കാൾ എത്രയോ മടങ്ങ്‌ ആളുകൾ ചുംബന സമരത്തിനു എതിരെ രംഗത്ത്‌ വന്നു.

ചില രാഷ്ട്രീയ പാർട്ടികൾ നാല്‌ ആളുകളെ വെച്ച്‌ പ്രകടനം നടത്തുമ്പോൾ "ലക്ഷം ലക്ഷം പിന്നാലെ" എന്ന് മുദ്രാവാക്യം വിളിച്ച്‌ ആത്മഹർഷം കൊള്ളുന്ന ലൈനിൽ വേണമെങ്കിൽ ചുംബന സമരം മഹാവിജയം ആയിരുന്നു എന്ന് വ്യാഖ്യാനിക്കാം. എന്നാൽ സമരത്തിന്‌ ലഭിച്ച പിന്തുണ കണക്കിലെടുത്താൽ കേരളത്തിലെ മഹാഭൂരിപക്ഷവും ഇത്തരം ആഭാസങ്ങൾക്ക്‌ എതിരായിരുന്നു എന്ന് തന്നെ പറയേണ്ടി വരും.

ഷക്കീലയും രേഷ്മയും എല്ലാം മറൈൻ ഡ്രൈവിൽ വരുന്നുണ്ട്‌ എന്ന് പറഞ്ഞാലും ഒരുപാട്‌ ആളുകൾ കാഴ്ച കാണാൻ അവിടെ എത്തും. കാഴ്ച കാണാൻ എത്തിയവരെല്ലാം ഷക്കീലയുടെ അഭിനയത്തിനു പിന്തുണ നൽകാൻ വന്നതാണ്‌ എന്ന്‌ പറഞ്ഞാൽ അത്‌ വസ്തുതാപരമാവുമോ ? അതുപോലെ ആ ഷക്കീലയേയോ രേഷ്മയേയോ ആ കാഴ്ച കാണാൻ വന്നവരിൽ എത്രപേർ കെട്ടി കൂടെ പൊറുപ്പിക്കാൻ തയ്യാറാവും ?

ഇന്നലെ അവിടെ ക്യാമറക്ക്‌ മുന്നിൽ ആണുങ്ങളുടെ കിസ്സ്‌ വാങ്ങിയ പെൺകുട്ടികളെ കെട്ടാൻ തയ്യാറായ ചുംബന സമരത്തെ പിന്തുണക്കുന്ന യുവ കോമളന്മാർ അത്തരക്കാരെ കെട്ടുന്ന കല്യാണത്തിന്‌ ഈയുള്ളവനെ ക്ഷണിക്കാൻ അഭ്യർത്ഥിക്കുന്നു.

അതുപോലെ തന്നെ വിവാഹം കഴിഞ്ഞ എത്ര സ്ത്രീകൾ അന്യ പുരുഷന്മാരെ ചുംബിച്ച്‌ ഇന്നലെ അവിടെ ചുംബന സമരത്തിൽ പങ്കെടുത്തിട്ടുണ്ട്‌ എന്നതിന്റെ പേരു വിവരങ്ങൾ വെളിപ്പെടുത്താനും ചുംബന സമര സംഘാടകരോട്‌ അഭ്യർത്ഥിക്കുന്നു.

അബസ്വരം :
ഇനി പരസ്യമായി പൂട്ടിൽ താക്കോലിടുന്ന സമരം എന്നാണാവോ ?

                                                                     398
                                                                     *****
05.11.2014
"കാന്തപുരം ബി ജെ പിയുമായി സഹകരിച്ച പ്രഥമ മുസ്ലിം പണ്ഡിതന്‍." - ശ്രീധരന്‍ പിള്ള.

അബസ്വരം :

മൂപ്പര്‍ക്ക് അങ്ങിനെ ബി ജെ പി ആണോ, ആര്‍ എസ് എസ് ആണോ, ഇസ്രായേല്‍ ആണോ, മുസ്ലിംങ്ങളെ തട്ടുന്ന ടീമാണോ എന്നൊന്നും ഇല്ല പിള്ളേച്ചാ.... പോക്കറ്റിലേക്ക് വല്ലതും തടയാന്‍ ഉള്ള സാധ്യത ഉണ്ടെങ്കില്‍ മൂപ്പര് ഏത് പിശാചുമായും സഹകരിക്കും.

മൂപ്പരാരാ മ്യോന്‍ !!

                                                                     399
                                                                     *****
05.11.2014
"ആർത്തവം നിലച്ച സ്ത്രീയെ പീഡനത്തിനിരയാക്കുന്നത്‌ ബലാൽസംഗ കുറ്റം ആവില്ല." - കോടതി.

അപ്പൊ പിന്നെ ആർത്തവം ആണ്‌ പീഡനം ബലാൽസംഗം ആവാനുള്ള മാനദണ്ഡം എങ്കിൽ 'ആർത്തവം തുടങ്ങാത്ത സ്ത്രീകളെ പീഡിപ്പിച്ചാൽ അതും ബലാൽസംഗം ആവില്ല' എന്ന് കൂടി പറയാമായിരുന്നില്ലേ യുവർ ഓണർ ?

പുരുഷന്മാരെ വല്ല സ്ത്രീകളും ബലാൽസംഗിക്കുമ്പോൾ ഈ ആർത്തവ മാനദണ്ഡത്തിനു പകരം എന്താണാവോ വെക്കുക ?

അബസ്വരം :

എന്തായാലും ബലാൽസംഗം വിവാഹമായി കണക്കാക്കണം എന്ന് പറയാതിരുന്നതിന്‌ നമോ വാകം !

                                                                     400
                                                                     *****
07.11.2014
ഇന്ന്‌ രാവിലെ തന്നെ കിട്ടിയ പണി ഇന്നലെ രാത്രി നായക്കൾ കടിച്ചു കൊന്ന പൂച്ചയെ കുഴിച്ചിടുക എന്നതായിരുന്നു. അതുകൊണ്ട്‌ രാവിലെ തന്നെ മനസ്സിനൊരു മടുപ്പ്‌. ജീവനറ്റ ആ പൂച്ചക്കുട്ടിയുടെ മുഖം മനസ്സിൽ നിന്ന്‌ മായുന്നില്ല.

മേനകാ ഗാന്ധിയുടെ കോപ്പിലെ നിയമം കൊണ്ട്‌ നായക്കളും പട്ടികളും അഴിഞ്ഞാടുന്നു. പൂച്ചകളേയും കോഴികളേയും മറ്റു പല ചെറു ജീവികളേയും നായക്കൾ കടിച്ചു കൊല്ലുന്നു. ആളുകളെ, പ്രത്യേകിച്ച്‌ കുട്ടികളെ ശുനകന്മാർ ആക്രമിക്കുന്നു.

പേപ്പട്ടി വിഷബാധയുടെ ഭീഷണിയിൽ ആളുകൾ ജീവിക്കേണ്ടി വരുന്നു.

ഒരു ദിവസമെങ്കിലും മേനകാ ഗാന്ധിയുടെ ആസനത്തിൽ ഒരു തെരുവ്‌ നായ കടിച്ചു പറിച്ച ശുഭ വാർത്ത കേൾക്കാൻ കഴിയും എന്ന പ്രതീക്ഷയോടെ കാത്തിരിക്കുന്നു.

അബസ്വരം :
മീൻ കഷ്ണങ്ങൾക്കായി കുണുങ്ങി നടക്കുകയോ കാത്തിരിക്കുകയോ ചെയ്യേണ്ടാത്ത ലോകത്തിലേക്ക്‌ യാത്രയായ മ്യാവൂസേ നിനക്കാദരാഞ്ജലികൾ !

അബസ്വരസംഹിതയുടെ മുന്‍ഭാഗങ്ങള്‍ക്ക് ഇവിടെ ക്ലിക്കുക

4 comments:

  1. ഹും. മക്കാവിൽ പോയ അബ്ദുള്ളക്കുട്ടിക്ക്‌ ഇനി കേരളത്തിലും നിശാക്ലബുകളും 'മറ്റേ' കളിപ്പാട്ടവും ഒക്കെ വേണം എന്നാണത്രേ അഭിപ്രായം.

    അബസ്വരം :
    പൊളിഞ്ഞു വീഴാറായ ചെറ്റകുടിലിനും ഒന്ന് ബുർജ്ജ്‌ ഖലീഫ ആവാൻ മോഹം കാണുമല്ലോ അല്ലേ കോയാ ?

    ReplyDelete
  2. If you want to know why those read Quran become terrorists, you don't have to ask anyone. Just read Quran once, and you will understand. If any RSS man asks you the question, just tell him to read it once, he won't have any doubt after that.

    ReplyDelete
    Replies
    1. ഖുര്‍ആന്‍ പല തവണ വായിച്ചിട്ടും എന്ത് കൊണ്ട് ഞാന്‍ ടെററിസ്റ്റ് ആയില്ല എന്ന് അങ്ങ് ഒന്ന് ചിന്തിച്ച് നോക്കൂ. ഇത് പറയാന്‍ പോലും അനോണി വേഷം കെട്ടുന്ന നീയൊക്കെ എന്ത് വായിച്ചിട്ട് എന്താണ് കാര്യം അല്ലേ ? ആദ്യം എന്തെങ്കിലും ഒക്കെ വായിച്ച് പറയാനുള്ളത് മുഖത്ത് നോക്കി പറയാനുള്ള ചങ്കൂറ്റം ഉണ്ടാക്കിയെടുക്കൂ.

      Delete

നിങ്ങളുടെ വിമര്‍ശനങ്ങളും അഭിപ്രായങ്ങളും നിര്‍ദ്ദേശങ്ങളും ഇവിടെ പങ്കുവെക്കാന്‍ മറക്കരുതേ....