Sunday, August 17, 2014

അബസ്വര സംഹിത - അഞ്ചാം ഖണ്ഡം


അബസ്വരസംഹിത അഞ്ചാം ഖണ്ഡത്തിലേക്ക്....

                                                                     201
                                                                     *****
27.11.2013
ഇന്ന് ഫേസ്ബുക്കില്‍ ഒരു പോസ്റ്റ്‌ പാറി നടക്കുന്നത് കണ്ടു.
അതിന്റെ തലക്കെട്ട് ഇങ്ങനെ - "മാലാഖയുടെ സ്വരമാധുര്യമുള്ള കുട്ടി."

ഇത് കേട്ടപ്പോള്‍ ചിരിക്കാതിരിക്കാന്‍ കഴിഞ്ഞില്ല. കാരണം മാലാഖയുടെ സ്വരമാധുര്യം ഇവിടെ എത്ര പേര്‍ കേട്ടിട്ടുണ്ട് ? അല്ലെങ്കില്‍ ഈ പോസ്റ്റുമായി നടക്കുന്നവര്‍ എങ്കിലും കേട്ടിട്ടുണ്ടോ ?

പറച്ചില്‍ കേട്ടാല്‍ തോന്നും മാലാഖമാര്‍ ഇവിടെ നാട്ടുകാരെ കേള്‍പ്പിക്കാന്‍ പാട്ടും പാടി നടക്കുകയാണ് എന്ന്.

അബസ്വരം :
പൊക്കി അടിക്കുന്നതിനും ഒരു പരിധിയൊക്കെ ഇല്ലേ കോയാ !!
                                                                     202
                                                                     *****
28.11.2013
"വിവാഹം കഴിക്കാതെ സ്ത്രീയും പുരുഷനും ഒരുമിച്ച് താമസിക്കുന്നത് പാപമോ കുറ്റകരമോ അല്ലെന്ന് സുപ്രീം കോടതി." - വാര്‍ത്ത

അപ്പൊ വിവാഹം കഴിക്കാതെ ഹോട്ടല്‍ മുറികളിലും മറ്റും മുറിയെടുത്ത് ഡിങ്കോള്‍ഡിഫിക്കേഷന്‍ നടത്തുന്നതും പാപമോ കുറ്റകരമോ ആയി കാണരുത്. കാരണം അന്യ സ്ത്രീയും പുരുഷനും ഫ്രീ ആയി ഒരുമിച്ച് കിടക്കുന്നതും, കാശ് കൊടുത്ത് കിടക്കുന്നതും എല്ലാം ഒരേ കണ്ണിലൂടെ കാണാന്‍ കഴിയണമല്ലോ !!!

കാശില്ലാത്ത വ്യഭിചാരവും, കാശുള്ള വ്യഭിചാരവും രണ്ടും വ്യഭിചാരം ആണല്ലോ !! പാപവും കുറ്റകരവും ആണെങ്കില്‍ രണ്ടും പാപവും കുറ്റകരവും തന്നെ. അല്ലെങ്കില്‍ രണ്ടും മഹത്തായ പുണ്യ പ്രവര്‍ത്തി !!!!

ഇനി ഈ താമസത്തിന് പതിനാറോ പതിനെട്ടോ എന്ന നിബന്ധന കൂടി ഉണ്ടോ എന്നുകൂടി പറഞ്ഞാല്‍ നന്നായിരുന്നു !!

അബസ്വരം :

ലൈസന്‍സ് എടുക്കാതെ വണ്ടി ഓടിക്കുന്നത് തെറ്റല്ലത്രേ മക്കളേ !!!

                                                                     203
                                                                     *****
02.12.2013
എന്താണ് ന്യൂ ജനറേഷന്‍ ??

സംസ്ക്കാരം നഷ്ടപ്പെടുത്തി അവിഹിത സ്ത്രീ - പുരുഷ ബന്ധങ്ങളേയും ലൈംഗികതയേയും പുകഴ്ത്തിപ്പാടുന്നതും, പച്ച തെറികള്‍ പറയുന്നതും, ശരീര പ്രദര്‍ശനം നടത്തുന്നതും, കാശിനായി കോണകം വരെ അഴിച്ച് കാണിക്കുന്നതും, അമേദ്യക്കുഴിയിലേക്കുള്ള വാതില്‍ വരെ പ്രദര്‍ശിപ്പിക്കുന്ന രീതിലുള്ള കോലം കെട്ടുന്നതും മഹത്വവല്‍ക്കരിക്കാനുള്ള പദമല്ലേ ന്യൂ ജനറേഷന്‍ എന്നത് ???

അബസ്വരം :
പറ ഇടങ്ങഴിയില്‍ പോകുമോ ?


                                                                     204
                                                                     *****
03.12.2013
ഓ.. എലിസബത്ത് രാഞ്ജിയൊക്കെ മ്മടെ രാഞ്ജിയുടെ മുന്നില്‍ വെറും പിച്ചക്കാരി...

സാധാരണക്കാരന്റെ കൈയ്യില്‍ ഇതുതന്നെയല്ലേ വേണ്ടത് ??

അല്ല മിസ്റ്റര്‍ തിരഞ്ഞെടുപ്പ് കമ്മീഷന്‍, മ്മടെ സോണിയാജി തന്ന സത്യവാങ്ങ് മൂലത്തില്‍ വെറും നക്കാപിച്ച 1.38 കോടി മണീസ് അല്ലേ ഉണ്ടായിരുന്നുള്ളൂ. ഇപ്പൊ അത് 90,000 കോടി മണീസ് ഉണ്ട് എന്ന് പറയുമ്പോള്‍ അതില്‍ അന്വേഷണം നടത്തി, നിങ്ങള്‍ക്ക് നല്‍കിയത് നുണവാങ്ങ് മൂലമാണോ എന്ന് കണ്ടെത്താന്‍ ഉള്ള ബാധ്യതയും, അങ്ങനെ കണ്ടെത്തിയാല്‍ നിയമ നടപടി സ്വീകരിക്കാനുള്ള ഉത്തരവാദിത്വവും നിങ്ങള്‍ക്കില്ലേ ?

അതുപോലെ ഈ മണീസ് എങ്ങനെ പൊട്ടിമുളച്ച് ഉണ്ടായി എന്നും, നികുതി ഒക്കെ കൃത്യമായി നല്‍കുന്നുണ്ടോ എന്നും അന്യേഷിക്കാന്‍ ഇന്‍കംടാക്സ് വിഭാഗത്തിനും ഉത്തരവാദിത്വം ഇല്ലേ ??

അബസ്വരം :
ഇങ്ങനത്തെ മരുമകളെ കിട്ടാനും ഒരു ഭാഗ്യം വേണം കോയാ !!!


                                                                     205
                                                                     *****
06.12.2013
അബസ്വരങ്ങള്‍ ബൂലോകത്തേക്ക് കടന്നു വന്നിട്ട് ഇന്നേക്ക് മൂന്ന് വര്‍ഷം തികയുന്നു.

2010 ഡിസംബര്‍ ആറിന് ആയിരുന്നു ബ്ലോഗ്ഗര്‍ എന്ന നിലയില്‍ ആദ്യ പോസ്റ്റ്‌ ഇട്ടത്. യുക്തിവാദം എന്ന വാതരോഗം എന്ന ആദ്യ പോസ്റ്റ്‌ പബ്ലിഷ് ചെയ്യുമ്പോള്‍ അബസ്വരങ്ങളുടെ ഫോളോവര്‍ വിഡ്ജെറ്റും, സന്ദര്‍ശകരുടെ എണ്ണവും ശൂന്യമായിരുന്നു.

വലിയ പ്രതീക്ഷകള്‍ ഒന്നുമില്ലാതെ തുടങ്ങിയ അബസ്വരങ്ങള്‍ ബ്ലോഗ്‌ തുടര്‍ന്നുള്ള മൂന്ന് വര്‍ഷങ്ങള്‍ കൊണ്ട് മലയാളം പേഴ്സനല്‍ ബ്ലോഗുകളില്‍ ഏറ്റവും കൂടുതല്‍ സന്ദര്‍ശകര്‍ എത്തിയ മൂന്നാമത്തെ ബ്ലോഗ്‌ ആയി മാറിയതില്‍ വളരെയധികം സന്തോഷമുണ്ട്.

ആയിരക്കണക്കിന് പോസ്റ്റുകളുടെ പിന്‍ബലം ഈ അബസ്വരങ്ങള്‍ക്കില്ല. ആകെ 158 പോസ്റ്റുകള്‍ ആണ് ഉള്ളത്.

കൂടുതല്‍ പോസ്റ്റുകള്‍ എഴുതുന്നതിനേക്കാള്‍, എഴുതിയ പോസ്റ്റുകള്‍ ആളുകളിലേക്ക് എത്തിക്കാന്‍ പരമാവധി ശ്രമിക്കുക എന്നതിനായിരുന്നു അബസ്വരന്‍ പ്രഥമ പരിഗണന നല്‍കിയത്. ആ ശ്രമം ഒരുപരിധി വരെ വിജയിച്ചു എന്നറിയുന്നതില്‍ സന്തോഷം തോന്നുക സ്വാഭാവികമാണല്ലോ.

സ്വന്തം നിലപാടുകളില്‍ ഉറച്ചു നിന്നു കൊണ്ട്, കൊണ്ടും കൊടുത്തും അബസ്വരന്‍ യാത്ര തുടരട്ടെ...

അബസ്വരം :
എല്ലാ പ്രിയ വായനക്കാര്‍ക്കും ഒരായിരം നന്ദി.

                                                                     206
                                                                     *****
07.12.2013
തിരഞ്ഞെടുപ്പ് അടുക്കുമ്പോള്‍ നികൃഷ്ട ജീവികളെല്ലാം ഉത്കൃഷ്ട ജീവികളായി മാറുന്നു !!

വോട്ടെന്ന മൂലധനം ഇല്ലെങ്കില്‍ പിന്നെ എന്തോന്ന് മാര്‍ക്ക്‌സിയന്‍ മൂലധനം അല്ലേ ??

അബസ്വരം :
'ലാല്‍ സലാ'മിന് പകരം 'ഇശോ സലാ'മാക്കിയാലും കുഴപ്പമില്ല വീഴണം വോട്ടുകളെല്ലാം പെട്ടിയില്‍ !!


                                                                     207
                                                                     *****
08.12.2013
ഹ ഹ.. ഫേസ് ബുക്കിലെ സി പി എമ്മുകാരുടെ പോസ്റ്റുകള്‍ കാണുമ്പോള്‍ ചിരിക്കാതിരിക്കാന്‍ കഴിയുന്നില്ല. സി പി എമ്മുക്കാര്‍ ഒന്നിച്ച് ആം ആദ്മിക്ക് ജയ്‌ വിളിക്കുന്നു. ഒപ്പം മൂന്നാം മുന്നണിയെ കുറിച്ചും പരാമര്‍ശിക്കുന്നു.

അതായത് ആം ആദ്മിയുടെ ഇമേജില്‍ ഒരു മൂന്നാം മുന്നണി ഉണ്ടാക്കി എട്ടുകാലി മമ്മൂഞ്ഞിസം കളിക്കുക എന്നതാണ് സി പി എമ്മുകാരുടെ സ്വപ്നം.

ആം ആദ്മി സി പി എമ്മിനെ എന്ന് കൂടെ കൂട്ടുന്നുവോ അന്ന് മുതല്‍ ആം 
ആദ്മിയുടെ പ്രസക്തിയും, അവര്‍ മുന്നോട്ട് വെച്ച ആശയങ്ങളും അട്ടിമറിക്കപ്പെടും.

ആം
ആദ്മി പാര്‍ട്ടി ഒറ്റക്ക് തന്നെയാണ് മുന്നേറി വല്ലതും ചെയ്യാന്‍ കഴിയുമെങ്കില്‍ ചെയ്യേണ്ടത്. അല്ലാതെ സി പി എമ്മിനെ പോലെ അസഹിഷ്ണുത കാട്ടി കൊലപാതകവും മറ്റും നടത്തുന്നവരെ കൂടെ കൂട്ടിയാല്‍ പിന്നെ എന്തൂട്ട് ആം ആദ്മി ???

ബൈ ദ ബൈ, മ്മടെ സഖാക്കള്‍ക്ക് ഈ തിരഞ്ഞെടുപ്പില്‍ ആകെ മൊത്തം ടോട്ടല്‍ എത്ര സീറ്റ് കിട്ടി കോയാ ?

അബസ്വരം :
ഇക്കും ന്റെ മൊതലാളിക്കും കൂടി ഒരു ലക്ഷം ശമ്പളം !!!


                                                                     208
                                                                     *****
14.12.2013
കൊച്ചൌസേപ്പ് ചിറ്റിലപ്പള്ളി സി പി എം ഉപരോധത്തെ ചോദ്യം ചെയ്ത വീട്ടമ്മക്ക് അഞ്ചു ലക്ഷം കൊടുത്തതിനെ ചോദ്യം ചെയ്ത് നിരവധി പേര്‍ സോഷ്യല്‍ മീഡിയകളില്‍ ഉറഞ്ഞു തുള്ളുകയാണല്ലോ...

അവരോട് ഒരു ചോദ്യം :
കൊച്ചൌസേപ്പച്ചായന്റെ കായി മൂപ്പര്‍ക്ക് തോന്നിയോര്‍ക്ക് കോടുത്താല്‍ ഇങ്ങള്‍ക്കെന്താ കോയാ നഷ്ടം ?? പൊതുഖജനാവിലെ പണം ഒന്നും അല്ലല്ലോ ???

അബസ്വരം :
പ്രിയമില്ലാത്ത ചോറ് പിണ്ടച്ചോറ് !!


                                                                     209
                                                                     *****
15.12.2013
സമരത്തിനു എതിരേ വായ തുറന്നാല്‍ വാഴ മാത്രമേ വെട്ടൂ ?
അതോ പൊന്തയും കാടും ഒക്കെ വെട്ടിത്തരുമോ ആവോ ?

പണിക്കാര്‍ക്ക് ഒക്കെ ഭയങ്കര കൂലിയാ കോയാ അതോണ്ടാ !!

അബസ്വരം :
സമരത്തില്‍ തോറ്റാല്‍ വാഴയോട് !!


                                                                     210
                                                                     *****
16.12.2013
"നഷ്ടപ്പെടാന്‍ പത്ത് രൂപയും, കുറേ അപ്രതീക്ഷിത സ്വപ്നങ്ങളും മാത്രം.
നേടാന്‍ കഴിഞ്ഞാല്‍ മഹത്തായൊരു ചരിത്രം.
ഇന്ത്യക്ക് ലഭിക്കുക ഒരു പുതിയ മുഖം."

അതാണ്‌ ആം ആദ്മിയിലേക്ക് സാധാരണക്കാരെ അടുപ്പിക്കുന്നത്.

തന്നാലായത് ചെയ്യാന്‍ ഓരോ അണ്ണാന്‍ കുഞ്ഞും തയ്യാറാവണം.

അബസ്വരം :
ആവശ്യകതയാണ് പരിവര്‍ത്തനങ്ങളുടെ മാതാവ്.


                                                                     211
                                                                     *****
16.12.2013
ബി ജെ പി എന്ന വര്‍ഗ്ഗീയ പാര്‍ട്ടിയുടെ മൂട് താങ്ങാന്‍ പോയ പി സി ജോര്‍ജിനെ ഇനിയെങ്കിലും ചീഫ് വിപ്പ് സ്ഥാനത്ത് നിന്ന് പുറത്താക്കാനുള്ള നട്ടെല്ല് കോണ്‍ഗ്രസ് കാണിച്ചില്ല എങ്കില്‍ അടുത്ത തിരഞ്ഞെടുപ്പില്‍ മോഡിക്ക് വേണ്ടി പ്രചാരണം നടത്തുകയാണ് ചാണ്ടിച്ചനും കോണ്‍ഗ്രസ്സും അവരുടെ മൂട് താങ്ങികളും ചെയ്യേണ്ടത്.

യു ഡി എഫും - ബി ജെ പിയും ചേര്‍ന്ന് ഒരു ഐക്യമുന്നണി ഉണ്ടാക്കുന്നതിനെ കുറിച്ചും ചിന്തിക്കാവുന്നതാണ്.

അബസ്വരം :
ദുര്‍ബുദ്ധിയെ കണ്ടാല്‍ ദൂരെ ഓടണം !!

                                                                     212
                                                                     *****
18.12.2013
ലോക്പാലില്‍ ചേര്‍ക്കാന്‍ വെള്ളം ധാരാളം ഉപയോഗിച്ചത് കൊണ്ട് രാജ്യത്ത് രൂക്ഷമായ ജലക്ഷാമം ഉണ്ടാവുമത്രേ !!!

ഇനി മുതല്‍ ശശിയായി എന്നതിന് പകരം ഹസാരെയായി എന്ന് പറയാം !!

അബസ്വരം :
ഇത് ലോക് പാല്‍ അല്ല മക്കളേ, ലോക് കട്ടന്‍ചായയാണ് !!


                                                                     213
                                                                     *****
20.12.2013
രണ്ടു ദിവസമായി, ഏറ്റവും കൃത്യമായി പറഞ്ഞാല്‍ ദേവയാനി വിഷയം തുടങ്ങിയത് മുതല്‍ ഫേസ് ബുക്കില്‍ ഒരു കഥ പ്രചരിക്കുന്നു.
അത് ഇപ്രകാരമാണ് :

"പണ്ട് സ്വതന്ത്ര കിട്ടുന്നതിനും മുന്‍പ് നമ്മുടെ ഒരു നിസാം (രാജാവ്) ഒരിക്കല്‍ ജര്‍മ്മനി സന്ദര്‍ശിച്ചപ്പോള്‍, കക്ഷിക്കൊരു മോഹം ഒറ്റക്കൊന്നു നാടുകാണാന്‍, ആരെയും അറിയിക്കാതെ ഒരു സധാരണക്കാരന്‍റെ വേഷത്തില്‍ പുറത്തിറങ്ങിയ രാജാവ് നടന്നെത്തിയത്‌ മെഴ്സിഡസ് ബെന്‍സിന്‍റെ ഷോറുമില്‍.

വാഹനങ്ങള്‍ കാണാന്‍ ആഗ്രഹം പ്രകടിപ്പിച്ച ആള്‍ ഇന്ത്യക്കാരനാണെന്ന് അറിഞ്ഞപ്പോള്‍, പുച്ഛത്തോടെയും പരിഹാസത്തോടെയും അവിടെനിന്നും അപമാനിച്ചു വിട്ടു , തിരിച്ചു ഹോട്ടലില്‍ എത്തിയ നിസാം, തന്‍റെ സെക്രട്ടറിയെ വിളിച്ചു ബെന്‍സിന്റെ ഷോറും സന്ദര്‍ശിക്കാന്‍ നാളെ ഏര്‍പ്പാടാക്കാന്‍ പറഞ്ഞു.

ആലവട്ടവും വെഞ്ചമരവുമായി എഴുന്നുള്ളിയ മഹാരാജാവിനെ ചുവന്ന പരവതാനി വിളിച്ചു ഷോറും അലങ്കരിച്ചു സ്വീകരിച്ചു.

അവിടെത്തെ ഏറ്റവും വിലയുള്ള ആറു കാറുകള്‍ വാങ്ങി ഇന്ത്യയില്‍ എത്തിച്ചു.

നാട്ടില്‍ തിരിച്ചെത്തിയ നിസാം ആ കാറുകളില്‍ ബോംബെയിലേ മുനിസിപ്പാലിറ്റിയിലേ വേസ്റ്റ് കൊണ്ടുപോകുന്ന വണ്ടിയാക്കി പ്രതിഷേധിച്ചപ്പോള്‍ , ലോകം മുഴുവന്‍ ബെന്‍സ് കാറുകളുടെ വില്‍പ്പന നിര്‍ത്തേണ്ട അവസ്ഥ വരെ ഉണ്ടായി , ജര്‍മ്മന്‍കാര്‍ ഇവിടെവന്നു നിസാമിന്റെ കാലുപിടിക്കുക മാത്രമല്ല മൊത്തം ഇന്ത്യക്കാരോടും പരസ്യമായി മാപ്പ് പറയണ്ട വന്നു."

ഇതാണ് ആ ഗദ !!

എന്നാല്‍ പലയിടത്തും പല കഥകള്‍ ആണ് ഇതേ ഉള്ളടക്കം വെച്ച് പ്രചരിക്കുന്നത്. ഓരോ കഥകളിലും രാജാവിന്റെ പേര് പല തരത്തില്‍ കൊടുത്തിരിക്കുന്നു. ചിലതില്‍ ജര്‍മ്മനിയില്‍ പോയി എന്ന് പറയുമ്പോള്‍ ചിലതില്‍ ബ്രിട്ടനില്‍ പോയി എന്ന് പറയുന്നു, മറ്റു ചിലതില്‍ ഫ്രാന്‍സ് എന്നും. ചിലതില്‍ റോള്‍സ് റോയിസ് കാര്‍ എന്ന് പറയുമ്പോള്‍ ചിലതില്‍ അത് ബെന്‍സ് ആവുന്നു. മാത്രമല്ല ഇതേ കഥ ബോംബെ അധോലോക നേതാവ് ഹാജി മസ്താനെ നായകനാക്കിയും ഞാന്‍ പറഞ്ഞു കേട്ടിട്ടിട്ടുണ്ട്.

ചരിത്രപരമായി കൃത്യതയുള്ള വല്ല തെളിവും ഇതിനു ആര്‍ക്കെങ്കിലും തരാനുണ്ടോ ? അതോ ഇത് വെറും ഒരു കെട്ടുകഥ മാത്രമാണോ ?
ഇതൊക്കെ കൂടി കേട്ട ഒരാള്‍ ഇതില്‍ ഏതു വിശ്വസിക്കണം ? ഇങ്ങള്‍ തന്നെ തീരുമാനം ആക്കിം മക്കളേ !!

അബസ്വരം :
അണ്ടിപ്പരിപ്പ് തമിഴ്നാട്ടില്‍ എത്തിയാല്‍ മുന്തിരിയായി !!


                                                                     214
                                                                     *****
22.12.2013
കൊച്ചൌസേപ്പ് ചിറ്റിലപ്പള്ളി ഇനി ആര്‍ക്കെങ്കിലും എന്തെങ്കിലും കൊടുക്കുന്നതിനു മുന്‍പ് ഫേസ് ബുക്ക് പുണ്യാളന്മാരായ ഞങ്ങളുടേയും, എ കെ ജി സെന്‍ററിന്റേയും അനുമതി പത്രം വാങ്ങിയിരിക്കണം എന്ന് ഇതിനാല്‍ ഉത്തരവിടുന്നു.
എന്ന്,
ഏതാനും ചില ശുംഭന്മാര്‍.
ഒപ്പ്.

അബസ്വരം :

സ്വന്തമായി തിന്നാന്‍ കൊടുക്കുകയും ഇല്ല, മറ്റുള്ളവര്‍ കൊടുത്താല്‍ ചൊറിഞ്ഞു ചൊറിഞ്ഞു വ്രണമാക്കുകയും ചെയ്യും. അതാണ്‌ ഞമ്മള്‍ !!

                                                                     215
                                                                     *****
23.12.2013
"നരേന്ദ്ര മോഡിയുടെ റണ്‍ ഫോര്‍ യൂണിറ്റി ക്യാംപെയ്‌നില്‍ പങ്കെടുക്കാത്ത കോളേജ് വിദ്യാര്‍ത്ഥികള്‍ക്ക് പിഴ ശിക്ഷ. ഗുജറാത്തിലെ ജാംനഗര്‍ ജില്ലയിലെ കോളജിലെ വിദ്യാര്‍ത്ഥികള്‍ക്കാണ് ക്യാംപെയ്‌ന്റെ ഭാഗമായുള്ള രണ്ടു കിലോമീറ്റര്‍ കൂട്ടയോട്ടത്തില്‍ പങ്കെടുക്കാത്തതിന് നൂറു രൂപ വീതം പിഴ ശിക്ഷ ചുമത്തി നോട്ടീസ് നല്‍കിയിരിക്കുന്നത്." - വാര്‍ത്ത.

ഇതാണ് മക്കളേ ഗുജറാത്ത് മോഡല്‍ !!

അബസ്വരം :
ശുനകന്‍ നടുക്കടലില്‍ ചെന്നാലും നക്കീട്ടേ കുടിക്കൂ.

                                                                     216
                                                                     *****
24.12.2013
പക്ഷികള്‍ക്ക് അപ്പിയിടാനായി പൊതുഖജനാവില്‍ നിന്നും ലക്ഷങ്ങള്‍ ചിലവിട്ട് നിര്‍മ്മിച്ച കക്കൂസിന് കരുണാകരന്റെ മുഖച്ഛായയാണത്രേ !!

അബസ്വരം :
നാട്ടുകാരുടെ കായി, കരുണാകരന്റെ കോലം !!
അപ്പിയിട്ട് അര്‍മ്മാദിക്കിം കിളികളേ !!

                                                                     217
                                                                     *****
27.12.2013

മനുഷ്യന്‍ ഉയര്‍ന്ന വിദ്യാഭ്യാസം നേടും തോറും അഥവാ പുതിയ അറിവുകള്‍ നേടും തോറും അവന്റെ അജ്ഞ്യതയെ കുറിച്ച് അവന് കൂടുതല്‍ ബോധവാനാകുവാന്‍ കഴിയുന്നില്ല എങ്കില്‍ അഥവാ അവന്റെ അജ്ഞതയുടെ ആഴവും പരപ്പും തിരിച്ചറിയുവാന്‍ അവന് കഴിയുന്നില്ല എങ്കില്‍ അവന്‍ നേടുന്ന അറിവുകള്‍ വെറും നീര്‍കുമിളകള്‍ മാത്രമാണ്.

അബസ്വരം :
മനുഷ്യാ നീയെത്ര നിസ്സാരന്‍.


                                                                     218
                                                                     *****
28.12.2013

"മൂന്നാം വട്ടവും പ്രധാനമന്ത്രിയാകാനില്ലെന്നു മന്‍മോഹന്‍ സിംഗ്. പകരം രാഹുല്‍ ഗാന്ധിയുടെ മാര്‍ഗദര്‍ശിയായി പ്രവര്‍ത്തിക്കാന്‍ സന്നദ്ധത പ്രകടിപ്പിച്ചു." - വാര്‍ത്ത.

രണ്ടു വട്ടം തന്നെ സഹിച്ചതിന്റെ ഇടങ്ങേറ് ഞങ്ങള്‍ക്കേ അറിയൂ കോയാ. ഇനി ഭരണത്തിന്റെ നാലയലത്ത് കണ്ടു പോകരുത്.

രാഹുലിനെ ഉപദേശിച്ച് ഉപദേശിച്ച് ലവന്റെ കഞ്ഞികുടി കൂടി മുട്ടിക്കുന്നതിനു പകരം മ്മടെ നിത്യാനന്ദ സ്വാമിയാരുടെ ഒപ്പം കൂടി ദീക്ഷ സ്വീകരിച്ച് 'പാ ആനന്ദമയി' എന്ന പേര് സ്വീകരിച്ചോളൂ. മാ ആനന്ദമയി ഒക്കെ അവിടെയുള്ളത് കൊണ്ട് ആകെ ആനന്ദത്തില്‍ ആറാടാം.

അബസ്വരം :
പത്ത് കൊല്ലം ഇന്ത്യക്കാരെ മുഴുവന്‍ ആ മൌനത്തില്‍ ആറാടിച്ച് ആനന്ദിപ്പിച്ച് കുളിപ്പിച്ച് കിടത്തിയതിന് ഒരു കൈ കുലുക്കല്‍ ഇരിക്കട്ടെ !!

                                                                     219
                                                                     *****
02.01.2014
"മന്ത്രിസഭയില്‍ മാറ്റം വരുത്തി യുഡിഎഫിലേയും കോണ്‍ഗ്രസ്സിലേയും പ്രശ്നങ്ങള്‍ പരിഹരിക്കാമെന്നു കരുതുന്നവര്‍ വിഡ്ഢികളുടെ സ്വര്‍ഗ്ഗത്തിലാണ്." - പിണറായി വിജയന്‍.

അത് ശരിയാവും. കാരണം സെക്രട്ടറിയേറ്റ് സമരവും, ക്ലിഫ് ഹൌസ് സമരവും നടത്തി ഇപ്പോള്‍ വിഡ്ഢികളുടെ സ്വര്‍ഗത്തിലെ രാജാവായത് പിണറായി വിജയന്‍ ആണല്ലോ. അപ്പോള്‍ തന്റെ പ്രജകള്‍ ആരൊക്കെയാണ് എന്ന വ്യക്തമായ ധാരണ വിജയേട്ടന് തന്നെയായിരിക്കും.

അബസ്വരം :
ബുദ്ധിമാന്മാരുടെ സ്വര്‍ഗ്ഗത്തില്‍ ആവാന്‍ മിനിമം 51 വെട്ടെങ്കിലും വെട്ടിക്കണം എന്ന് ലവന്മാരൊക്കെ എന്നാ പഠിക്കുക !!!

                                                                     220
                                                                     *****
03.01.2014
"ലൈംഗികാരോപണ കേസില്‍ ജോസ് തെറ്റയില്‍ എംഎല്‍എക്കെതിരായ ഹര്‍ജി സുപ്രീംകോടതി തള്ളി. ബലാത്സംഗമല്ല കെണിയാണ് നടന്നതെന്ന് കോടതി നിരീക്ഷിച്ചു." - വാര്‍ത്ത.

കെണി ആയാലും, ബലാല്‍സംഘം ആയാലും അവിഹിത ഇടപാട് നടത്തിയതിന്റെ പേരില്‍ രണ്ടു പേര്‍ക്കും ശിക്ഷയൊന്നും ഇല്ലേ ?
അതോ പരസ്പര സമ്മതം ഉള്ള ഡിങ്കോള്‍ഡിഫിക്കേഷന്‍ വിവാഹമായി കണക്കാം മദ്രാസ് ഹൈക്കോടതി എന്ന വിധി പ്രകാരം രണ്ടാളും ഫാര്യാ ഫര്‍ത്താക്കന്മാരായോ ആവോ?

അബസ്വരം :
കാശ് ഉള്ളോന്‍ ചെയ്താല്‍ ഡേറ്റിംഗ്, പട്ടിണിക്കാരന്‍ ചെയ്‌താല്‍ പൊലാട്ട് !!
ഒരേ കര്‍മ്മം, വ്യത്യസ്ത വീക്ഷണ കോണകം !!

                                                                     221
                                                                     *****
10.01.2014
കേരളത്തിലെ ഇസ്ലാം മത വിശ്വാസികളുടെ ഇടയില്‍ മുന്‍പ് ഇല്ലാതിരുന്നതും, എന്നാല്‍ ഇപ്പോള്‍ വ്യാപകമായി കൊണ്ടിരിക്കുന്നതും ആയ കര്‍മ്മമാണ് "കാല്‍ നാട്ടല്‍ കര്‍മ്മം".

ഏതൊരു സംഘടനയും മീറ്റിങ്ങുകളോ മറ്റോ നടത്താന്‍ പരിപാടി ഇടുമ്പോള്‍ പന്തലിന്റെ കാല്‍ നാട്ടല്‍ കര്‍മ്മം വലിയ ആഘോഷത്തോടെ നടത്തുന്നു. ഇത്തരം കാല്‍ നാട്ടല്‍ കൊണ്ടുള്ള പുണ്യം എന്താണ് എന്ന് ഇതുവരെ ഈയുള്ളവന് മനസ്സിലാക്കാന്‍ കഴിഞ്ഞിട്ടില്ല.

'മുസ്ലിങ്ങള്‍ക്ക് ഇടയിലുള്ള അന്ധവിശ്വാസങ്ങള്‍ക്കും അനാചാരങ്ങള്‍ക്കും എതിരേ പ്രവര്‍ത്തിക്കുന്നു' എന്ന് അവകാശപ്പെടുന്ന സംഘടനകള്‍ കൂടി ഇത്തരത്തിലുള്ള കാല്‍നാട്ടല്‍ ചടങ്ങ് ആഘോഷിക്കുന്നു.

കാല്‍ നാട്ടല്‍ ചടങ്ങ് വലിയൊരു സംഭവം ആക്കി ആഘോഷിക്കുന്നതിന്റെ പുണ്യത്തെ കുറിച്ച് വിശുദ്ധ ഖുര്‍ആനിലോ, ഹദീസുകളിലോ പറഞ്ഞിട്ടുണ്ട് എങ്കില്‍ അതൊന്നു പങ്കുവെക്കാന്‍ കാല്‍നാട്ടല്‍ ആഘോഷിക്കുന്നവരോട് അഭ്യര്‍ത്ഥിക്കുന്നു.

അബസ്വരം :
കോപ്രായം - ഇന്ന് ചുമ്മാ, നാളെ ആചാരം, മറ്റന്നാള്‍ തര്‍ക്ക വിഷയം.

                                                                     222
                                                                     *****
12.01.2014"ഷാരോണ്‍ ചത്തു, പട്ടി ചത്തു" എന്നൊക്കെ പറഞ്ഞ് ഏരിയല്‍ ഷാറോണിന്റെ മരണം ആഘോഷിക്കുന്നവരോട് സഹതാപാണ് തോന്നുന്നത്.

ഏരിയല്‍ ഷാറോണ്‍ പല ദ്രോഹങ്ങളും ചെയ്തിട്ടുണ്ടാവും. അത് പടച്ചോനും മൂപ്പരും തമ്മില്‍ ആയിക്കൊള്ളും.

ജാബിര്‍ (റ) നിവേദനം: ഞങ്ങളുടെ അരികിലൂടെ ഒരു മയ്യിത്ത് കടന്നുപോയപ്പോള്‍ നബി(സ) എഴുന്നേറ്റു നിന്നു. നബി(സ) യോടൊപ്പം ഞങ്ങളും എഴുന്നേറ്റു. ഇതൊരു യഹൂദിയുടെ മയ്യിത്താണെന്ന് ഞങ്ങള്‍ പറഞ്ഞപ്പോള്‍ നബി(സ) അരുളി: നിങ്ങള്‍ ഏത് മയ്യിത്ത് കണ്ടാലും എഴുന്നേല്‍ക്കുവീന്‍. (ബുഖാരി. 2. 23. 398)

ഇതിലൂടെ മ്മളോട് നബി പറഞ്ഞിട്ടുള്ളത് മയ്യത്തിനെ ബഹുമാനിക്കാന്‍ അല്ലേ മക്കളേ ?

അബസ്വരം :
ആയിശ(റ) നിവേദനം: നിങ്ങള്‍ മരിച്ചവരെ ശകാരിക്കരുത്. മുമ്പ് എന്തു പ്രവര്‍ത്തിച്ചിരുന്നുവോ അതിലേക്കവര്‍ എത്തിച്ചേര്‍ന്ന് കഴിഞ്ഞിരിക്കുന്നു. (ബുഖാരി. 2. 23. 476)

                                                                     223
                                                                     *****
13.01.2014
ഇസ്ലാമില്‍ രണ്ടു ആഘോഷങ്ങള്‍ ആണ് ഉള്ളത്. വലിയ പെരുന്നാളും, ചെറിയ പെരുന്നാളും. അത് എങ്ങനെയാണ് ആചരിക്കേണ്ടത് / ആഘോഷിക്കേണ്ടത് എന്ന് വ്യക്തമായി പ്രവാചകന്‍ പഠിപ്പിച്ച് തന്നിട്ടും ഉണ്ട്.

പ്രവാചകന്റെ മഹത്തായ ഹിജ്‌റ കഴിഞ്ഞ് മുന്നൂറ് വര്‍ഷങ്ങള്‍ക്ക് ശേഷം ഈജി‌പ്ത് ഭരിച്ചിരുന്ന രാജാവായ മുളഫ്ഫര്‍ എന്ന വ്യക്തിയാണ് ആദ്യമായി നൂറ് പോത്തുകളെ അറുത്ത് ഭക്ഷണം വിളമ്പി നബിയുടെ ജന്മദിനം ആഘോഷിച്ചത് എന്ന് ചരിത്രം നമ്മോട് പറയുന്നു. അതിന് അദ്ദേഹത്തിന് പ്രചോദനമായതാവട്ടെ ക്രിസ്‌തുമസ്സും.

"നിങ്ങളെ സ്വര്‍ഗ്ഗത്തിലേക്കടുപ്പിക്കുന്ന നരകത്തില്‍ നിന്നകറ്റുന്ന എല്ലാകാര്യങ്ങളും ഞാന്‍ നിങ്ങള്‍ക്ക് പഠിപ്പിച്ചിരിക്കുന്നു" എന്ന് പറഞ്ഞ പ്രവാചകന്‍ തന്റെ ജന്മദിനം ആഘോഷിക്കേണ്ടതുണ്ട് എങ്കില്‍ അതും ആഘോഷിച്ച് കാണിച്ചു തരുമായിരുന്നില്ലേ ? ഇസ്ലാമിലെ ആഘോഷം രണ്ടല്ല, തന്റെ ജന്മദിനം ഉള്‍പ്പെടെ മൂന്നാണ് എന്നും പ്രവാചകന്‍ പഠിപ്പിച്ച് തരുമായിരുന്നില്ലേ ?

പ്രവാചകനോടുള്ള സ്നേഹം പഠിപ്പിക്കേണ്ടത് പ്രവാചകന്റെ ജീവിതം പിന്തുടര്‍ന്ന് കൊണ്ടാണ്. അല്ലാതെ പ്രവാചകന്‍ ജനിച്ച ദിനത്തില്‍ കുട്ടികളെ നട്ടുച്ച വെയിലില്‍ റോഡിലൂടെ തുള്ളി ചാടെടാ കുഞ്ഞിരാമാ കളിയും കളിപ്പിച്ച് ഗതാഗത തടസ്സം സൃഷ്ടിച്ചുകൊണ്ടല്ല നബിയോടുള്ള സ്നേഹം വെളിവാക്കേണ്ടത്. കൊടി തോരണ ധൂര്‍ത്ത് നടത്തിയല്ല "അയല്‍വാസി പട്ടിണി കിടക്കുമ്പോള്‍ വയര്‍ നിറച്ച് ആഹാരം കഴിക്കുന്നവന്‍ നമ്മില്‍ പെട്ടവന്നല്ല" എന്ന് പ്രഖ്യാപിച്ച പ്രവാചകനോടുള്ള സ്നേഹം പ്രകടിപ്പിക്കേണ്ടത്.

അബസ്വരം :
നബിയേക്കാള്‍ വലിയ മുസ്ലിം ആകാന്‍ നമുക്ക് കഴിയുമോ മക്കളേ ??


                                                                     224
                                                                     *****
15.01.2014

"അധികാരം വിഷമാണ്." - രാഹുല്‍ ഗാന്ധി.

ആ വിഷം കൈക്കലാക്കാന്‍ അങ്ങ് അനുഭവിക്കുന്ന വിഷമങ്ങള്‍ കാണുമ്പോള്‍ മ്മടെ മനസ്സാകെ വിഷമിക്കുന്നു.

അബസ്വരം :
താങ്കള്‍ കുറച്ച് വിഷത്തിനാണ് ഇങ്ങനെ കഷ്ടപ്പെടുന്നത് എങ്കില്‍ അരളി കായയോ, പൊട്ടാസ്യം സയനൈഡോ കൊണ്ട് അഡ്ജസ്റ്റ് ചെയ്യാവുന്നതാണ്.

                                                                     225
                                                                     *****
15.01.2014
"സുരക്ഷാ സംവിധാനത്തിന്‍റെ ഭാഗമായാണ് രാഹുല്‍ ഗാന്ധി പോലീസ് ജീപ്പിനു മുകളില്‍ കയറിയത്." - രമേശ്‌ ചെന്നിത്തല

ഇന്ത്യയില്‍ ഏറ്റവും കൂടുതല്‍ സുരക്ഷയുള്ള വ്യക്തികളില്‍ ഒരാളാണ് രാഹുല്‍.

ആ രാഹുലിന് ഏറ്റവും കൂടുതല്‍ സുരക്ഷ കിട്ടുക ജീപ്പിനു മുകളില്‍ കയറിയാല്‍ ആണ് എന്ന് കണ്ടെത്തിയ താക്കോല്‍ സ്ഥാനത്ത് സന്തുലിത നിലനിര്‍ത്തുന്ന ചെന്നിത്തല പ്രത്യേക അഭിനന്ദനം അര്‍ഹിക്കുന്നു. മാത്രമല്ല സെഡ് കാറ്റഗറിയില്‍ ഉള്ള എല്ലാവരേയും ഇനി മുതല്‍ ജീപ്പിനു മുകളില്‍ ഇരുത്തി യാത്ര ചെയ്യിച്ച് പരമാവധി സുരക്ഷ ഉറപ്പാക്കാന്‍ നവ ആഭ്യന്തരന്‍ ശ്രദ്ധിക്കണം.

ഈ പുതിയ സുരക്ഷാ രീതിക്ക് കൂടുതല്‍ പ്രചാരണം കിട്ടാനായി ഇനി മുതല്‍ അഭ്യന്തരന്‍ ചെന്നിത്തല ജീപ്പിനു മുകളില്‍ ഇരുന്ന് യാത്ര ചെയ്ത് മാതൃകാ പുരുഷോത്തമന്‍ ആകണം എന്നും വിനീത കൂഷ്മാണ്ട വിലോചകുലോചനനായി അഭ്യര്‍ത്ഥിക്കുന്നു.

അബസ്വരം :

ഗാന്ധി കുടുംബത്തില്‍ ജനിച്ചാല്‍ അടുപ്പിലും ആവാം കോയാ.
                                                                     226
                                                                     *****
16.01.2014
"ഇമ്മാ ഏതാണ് ഈ ഗാന്ധി കുടുംബം ? മ്മടെ രാഷ്ട്രപിതാവ്‌ മഹാത്മാഗാന്ധിയുടെ കുടുംബം ആണോ ?"

"അല്ല മോനേ. മ്മടെ രാഷ്ട്രപിതാവ്‌ ഗാന്ധിയുടെ പോട്ടം വെച്ച് റിസര്‍വ് ബാങ്ക് ഇറക്കുന്ന കടലാസ് കൂടുതല്‍ സ്വന്തമാക്കി സ്വന്തം കുടീല്‍ എത്തിക്കുകയും, പാവപ്പെട്ടവന്റെ കയ്യില് വല്ലപ്പോഴും കിട്ടുന്ന ഈ കടലാസ് പെട്ടന്ന് തന്നെ ബല്യ മൊതലാളിമാരുടെ കുടീല്‍ എത്തിക്കാനുള്ള സൌകര്യം ഉണ്ടാക്കി കൊടുക്കുകയും ചെയ്യുന്ന കുടുംബത്തെയാണ്‌ മോനേ ഗാന്ധി കുടുംബം, ഗാന്ധി കുടുംബം എന്ന് വിളിക്കുന്നത്."

അബസ്വരം :

കുലമഹിമ കുരുത്തക്കേടിന് അല്ലേ കോയാ.

                                                                     227
                                                                     *****
17.01.2014
കിരണ്‍ ബേദിയുടെ ബിജെപി ജയ്‌ വിളിയില്‍ ഒട്ടും അത്ഭുതപ്പെടേണ്ടതില്ല.

കിരണ്‍ബേദി, ഹസാരെ തുടങ്ങിയവര്‍ ബി ജെ പിയുടെ ബി ടീം ആയിരുന്നു. രാംദേവിനെ പോലെ ഉള്ളവര്‍ ഉപവാസത്തിന് എത്തിയതും അതുകൊണ്ട് തന്നെ. ആ കളിയിലൂടെ അവര്‍ ബി ജെപിക്ക് മൈലേജ് ഉണ്ടാക്കി കൊടുക്കാന്‍ ശ്രമിക്കുകയായിരുന്നു. ഭരണപക്ഷത്തെ പ്രതിക്കൂട്ടില്‍ മുന്നില്‍ നിര്‍ത്തി സമരം ചെയ്യുമ്പോള്‍ സ്വാഭാവികമായും അതിന്റെ മുഖ്യ ഗുണഫലം അനുഭവിക്കുക പ്രതിപക്ഷവും അതില്‍ ഏറ്റവും നേട്ടം കൊയ്യാന്‍ കഴിയുക പ്രതിപക്ഷത്തെ മുന്‍പനും തന്നെ ആയിരിക്കുമല്ലോ.

പുതിയ രാഷ്ട്രീയപാര്‍ട്ടി എന്ന ആശയം കേജരിവാള്‍ മുന്നോട്ട് വെച്ചപ്പോള്‍ ബി ജെപിക്ക് പണി കിട്ടും എന്ന തിരിച്ചറിവ് തന്നെയാണ് ഹസാരെ പക്ഷത്തെ രാഷ്ട്രീയ പാര്‍ട്ടി ഉണ്ടാക്കുന്നതിനെ എതിര്‍ക്കാന്‍ പ്രേരിപ്പിച്ചിട്ടുണ്ടാവുക. ഡല്‍ഹിയില്‍ മുന്നേറ്റം ഉണ്ടാക്കി കേജരിവാള്‍ ആ നിരീക്ഷണം ശരിയാണ് എന്ന് തെളിയിക്കുകയും ചെയ്തു.

ഹസാരെയുടെ കൂടെ ഉണ്ടായിരുന്ന ബിജെപി ആരാധകരില്‍ ചിലരെങ്കിലും വല്ല ചക്കരമുട്ടായിയും കിട്ടുമോ എന്ന് നോക്കാന്‍ കേജരിവാള്‍ ക്യാമ്പില്‍ എത്തിയിട്ടുണ്ട് എന്നതും വാസ്തവമാണ്. അത്തരക്കാരുടെ മുഖംമൂടി അഴിഞ്ഞു വീഴുന്നതിന്റെ ലക്ഷണമാണ് ബെന്നിമാരുടെ ചെയ്തികള്‍. അതുകൊണ്ട് തന്നെ ഇനി ഹസാരെ ബിജെപ്പിക്ക് ജയ്‌ വിളിക്കുന്നത് കണ്ടാലും ആരും ഞെട്ടേണ്ടതില്ല.

താല്‍കാലിക പ്രതിസന്ധികളെ അതിജീവിച്ച് ബെന്നിമാരെ പുറംതള്ളി ആപ്പിന് മുന്നോട്ട് പോകാന്‍ കഴിയും എന്ന ശുഭപ്രതീക്ഷ തന്നെയാണ് ഇപ്പോഴും ഉള്ളത്.

അബസ്വരം :
എല്ലാ പാര്‍ട്ടികളെക്കൊണ്ടും 'തങ്ങളാണ് ആം ആദ്മി' എന്ന് പറയിക്കാന്‍ പ്രേരിപ്പിക്കുന്ന കേജരിവാള്‍ തന്നെയാണ് ഇന്ത്യയുടെ ഇന്നിന്റെ രാഷ്ട്രീയ ശരി.

                                                                     228
                                                                     *****
18.01.2014
സുനന്ദയുടെ മരണത്തിന്റെ അന്യേഷണത്തില്‍ ഒന്നാം സാക്ഷി ആകേണ്ടത് ജോണ്‍ ബ്രിട്ടാസ് ആണ്.

സുനന്ദയുടെ അന്ത്യ നിമിഷങ്ങള്‍ എല്ലാം നേരിട്ട് കണ്ടപോലെ ആണല്ലോ കൈരളിയുടേയും ബ്രിട്ടാസിന്റേയും വര്‍ണ്ണന. തരൂര്‍ തെറ്റ് ചെയ്തിട്ടുണ്ട് എങ്കില്‍ അത് പുറത്ത് വരണം എന്നതില്‍ ഒരു സംശയവും ഇല്ല. എന്നാല്‍ സുനന്ദയുടെ മരണത്തില്‍ അസ്വാഭാവികതയുണ്ടോ എന്നറിയാന്‍ ആദ്യം പൂര്‍ത്തിയാകേണ്ടത് പോസ്റ്റ്‌ മോര്‍ട്ടം ആണ് എന്നുപോലും അറിയാത്ത നപുംസകങ്ങള്‍ ആണോ കൈരളിയില്‍ ഇരിക്കുന്നത് ??

പോസ്റ്റ്‌മോര്‍ട്ടം കഴിയുന്നതിനു മുന്‍പ് തന്നെ ആ മരണം അസ്വാഭാവികമാണ് എന്നും അതില്‍ കൊലപാതകത്തിനുള്ള സാധ്യതകള്‍ വരെയുണ്ട് എന്നും പൊടിപ്പും തൊങ്ങലും വെച്ച് പ്രേക്ഷകനിലേക്ക് എത്തിക്കാന്‍ ശ്രമിക്കുന്ന മാധ്യമ ധര്‍മ്മത്തെ ചെറ്റത്തരം എന്നല്ലാതെ എന്താണ് വിശേഷിപ്പിക്കുക ?

ജോണ്‍ ബ്രിട്ടാസിന്റെ സാക്ഷി മൊഴികള്‍ ശരിയാണോ എന്ന് പരിശോധിക്കുകയും അത് അക്ഷരം പ്രതി ശരിയല്ല എന്ന് ബോധ്യപ്പെട്ടാല്‍ ബ്രിട്ടാസിനും കൈരളിക്കും എതിരേ വ്യാജ വാര്‍ത്ത ചമച്ചതിന് കേസ് എടുക്കുകയും ചെയ്യുകയാണ് നട്ടെല്ലുള്ള ഭരണകര്‍ത്താക്കളും, ചങ്കൂറ്റം ഉള്ള നിയമപാലകരും ഉണ്ടെങ്കില്‍ ചെയ്യേണ്ടത്.

ഇനി ഈ പോസ്റ്റ്‌ കാണുമ്പോഴേക്കും ചകാക്കള്‍ മ്മളെ തരൂരിന്റെ ആള്‍ എന്ന് മുദ്രകുത്തും എന്ന് നന്നായി അറിയാം. അങ്ങനെ എതിര്‍ക്കുന്നവരെ മറ്റവന്റെ ആള്‍ ആക്കി ആത്മസംതൃപ്തി നേടാണല്ലോ പാര്‍ട്ടിക്ലാസുകള്‍ അവരെ പഠിപ്പിച്ചിട്ടുള്ളത്‌.

അബസ്വരം :
ബ്രിട്ടാസേ ഇതിലും നല്ലത് ഷക്കീലയുടെ നായകനായി അഭിനയിക്കുകയാണ്.



                                                                     229
                                                                     *****
18.01.2014

ഭക്ഷ്യവിഷബാധയേല്‍ക്കാതെ നിരാഹാര സമരം നടത്താന്‍ കഴിയുന്നവര്‍ എ കെ ജി സെന്ററുമായി ബന്ധപ്പെടുക.

ഒപ്പം പരാജയപ്പെടുന്ന സമരങ്ങള്‍ നടത്താന്‍ പറ്റിയ വിഷയങ്ങളും, അവക്ക് പറ്റിയ പുത്തന്‍ പേരുകളും നിര്‍ദ്ദേശിക്കാന്‍ അഭ്യര്‍ത്ഥിക്കുന്നു.

അബസ്വരം :
ഭക്ഷ്യവിഷബാധയുണ്ടായ ആദ്യ നിരാഹാര സമരം നടത്തി ലോക നിരാഹാര സമര ചരിത്രത്തില്‍ ഇടം നേടിയ സഖാക്കള്‍ക്ക് നൂറ് ചുവപ്പന്‍ അഭിവാദ്യങ്ങള്‍.

                                                                     230
                                                                     *****
19.01.2014
സി പി എം സമരങ്ങള്‍ ഓരോ തവണ പരാജയപ്പെടുമ്പോഴും പാര്‍ട്ടി ആരാധകര്‍ അടിക്കുന്ന ചില ഗമണ്ടനുകള്‍ ഉണ്ട് - "ഇങ്ങനെയുള്ള ജനകീയ സമരം മറ്റാര്‍ക്കെങ്കിലും നടത്താന്‍ കഴിയുമോ ? സമരം പരാജയപ്പെടുന്നതിനെ കൂവിയാര്‍ക്കുന്നവര്‍ നിങ്ങളെ തന്നെയാണ് കൂവിയാര്‍ക്കുന്നത് " തുടങ്ങിയവ.

ഇക്കൂട്ടര്‍ ആദ്യം മനസ്സിലാക്കേണ്ടത് പാര്‍ട്ടി സമരങ്ങള്‍ ജനകീയ സമരം ആയി മാറാത്തത് കൊണ്ടാണ് സമരങ്ങള്‍ പരാജയപ്പെടുന്നത് എന്നതാണ്.
ജനകീയമല്ലാത്ത സമരങ്ങളെ ജനകീയ സമരം എന്ന് വിശേഷിപ്പിക്കുന്ന പാര്‍ട്ടിക്കാരുടെ മൂട്ടില്‍ ആണ് ആദ്യം പടക്കം പൊട്ടിക്കേണ്ടത്.

പാര്‍ട്ടികള്‍ നടത്തുന്ന പൊറാട്ട് നാടകങ്ങള്‍ ജനങ്ങള്‍ക്ക് തിരിച്ചറിയാന്‍ ഉള്ള വിവേകം ഉള്ളത് കൊണ്ടാണ് ഇത്തരം സമരങ്ങള്‍ ജനകീയമായി മാറത്തതിന്റെ അടിസ്ഥാന കാരണം. ഇത്തരം സമരങ്ങളില്‍ മുന്നോട്ട് വെക്കുന്ന ആവശ്യങ്ങള്‍ നടത്തിയെടുക്കുക എന്നതല്ല, മറിച്ച് വെറുതേ എതിര്‍ പാര്‍ട്ടിക്കാര്‍ക്ക് പണി കൊടുക്കുക എന്നതും, സ്വന്തം പാര്‍ട്ടിക്ക് കുറച്ച് മൈലേജ് ഉണ്ടാക്കി കൊടുക്കുക എന്നതും ആണ് സമര കൊഞ്ഞ്യാണന്മാരുടെ ഉദ്ദേശ്യം എന്ന് പൊതുജനങ്ങള്‍ക്ക് നന്നായി അറിയാം.

പൊതുജനങ്ങള്‍ കഴുതകള്‍ ആണ് എന്ന് വിശ്വസിക്കുന്നവര്‍ നേതൃത്വം കൊടുക്കുന്ന സമരങ്ങളുടെ ഗതി ഇത് തന്നെയായിരിക്കും. അതുകൊണ്ട് തന്നെ സമരം പരാജയപ്പെടുമ്പോള്‍ കൂവിയാര്‍ക്കപ്പെടുന്നത് പൊറാട്ട് നാടക സമരം നടത്തുന്നവര്‍ തന്നെയാണ് എന്ന തിരിച്ചറിവ് ആദ്യം ഇത്തരക്കാര്‍ക്ക് ഉണ്ടാവട്ടെ.

പാര്‍ട്ടി സമരങ്ങള്‍ പാര്‍ട്ടി സമരങ്ങള്‍ മാത്രമാണ്. അല്ലാതെ ജനകീയ സമരങ്ങള്‍ അല്ല. കക്ഷി രാഷ്ട്രീയ ഭേദമേന്യേ ഉണ്ടാവുന്ന സമരങ്ങള്‍ ആണ് ജനകീയ സമരങ്ങള്‍. അല്ലാതെ ഒരു കക്ഷിക്ക് മാത്രം മുതലെടുപ്പ് നടത്താനുള്ള സമരം ഒരിക്കലും ജനകീയ സമരം ആവില്ല.

അബസ്വരം :
ആത്മാര്‍ത്ഥയില്ലാത്ത ഒരു സമരവും വിജയിക്കില്ല.


                                                                     231
                                                                     *****
20.01.2014
വിവരമില്ലായ്മ ചൂഷണം ചെയ്ത് കോടികള്‍ ലാഭം കൊയ്ത "മുടി കച്ചവടം"
എന്ന നാടകത്തിനു ശേഷം കാന്തപുരം തിയേറ്റേഴ്സ് അവതരിപ്പിക്കുന്ന പുത്തന്‍ പുതിയ നാടകം - "വെള്ളം കുടിച്ച ചീനച്ചട്ടി".

പ്രദര്‍ശനത്തിനും ദര്‍ശനത്തിനും മുന്‍‌കൂര്‍ ആയി പണമടച്ച് കാന്തപുരം തിയേറ്റേഴ്സില്‍ ബുക്കിംഗ് നടത്തുക.

അബസ്വരം :
എന്താ ന്റെ അബ്വോക്കരാക്കാ നന്നാവാത്തേ ?


                                                                     232
                                                                     *****
21.01.2014 
ഇന്ത്യയുടേയും പ്രത്യേകിച്ച് കോണ്‍ഗ്രസ്സിന്റേയും ചരിത്രത്തിലെ ഒരു വഴിത്തിരിവായിരുന്നു രാജീവ് ഗാന്ധിയുടെ ദാരുണമായ കൊലപാതകം.

നരസിംഹ റാവുവിന്റെ മൌന സമ്മതം ഉണ്ടായിരുന്നില്ല എങ്കില്‍ ഇന്നും ബാബറി മസ്ജിദ് തകര്‍ക്കപ്പെടുമായിരുന്നില്ല. രാജീവ് ആയിരുന്നു പ്രധാനമന്ത്രി എങ്കില്‍ ഇന്നും ബാബറി മസ്ജിദ് നിലനില്‍ക്കുമായിരുന്നു. ഒരുപാട് വര്‍ഗീയ കലാപങ്ങളും, രക്ത ചൊരിച്ചിലുകളും ഒഴിവാകുമായിരുന്നു. ഇത്തരം ഒരു സാഹചര്യത്തിലേക്ക് നീങ്ങിയതില്‍ രാജീവ് ഗാന്ധിയുടെ അഭാവം ഒരു പരിധിവരെ കാരണം ആയിട്ടുണ്ട് എന്നത് വസ്തുത തന്നെയാണ്.

ആ രാജീവ് ഗാന്ധിയെ കൊലപ്പെടുത്തിയവര്‍ അര്‍ഹിക്കുന്നത് മരണ ശിക്ഷ തന്നെയാണ്. തൊണ്ടി ന്യായങ്ങള്‍ ഉന്നയിച്ച് ഇത്തരം കൊലപാതകികളെ മോചിപ്പിക്കുമ്പോള്‍ സമൂഹത്തിനു നല്‍കുന്നത് തെറ്റായ സന്ദേശം ആണ്. അത് കൊല്ലപ്പെട്ട നിരപരാധികളോട് ചെയ്യുന്ന അനീതിയാണ്.

വിചാരണ വൈകിപ്പിച്ച്, നിയമങ്ങളില്‍ പഴുതുകള്‍ ഉണ്ടാക്കി കൊലയാളികളുടെ കഴുത്തിലെ കയറുകള്‍ ഊരികൊടുക്കുമ്പോള്‍ അത് പുതിയ പല സംശയങ്ങളും ഉയര്‍ത്തുന്നു. ഇവര്‍ക്കൊക്കെ വേണ്ടി തന്നെ ആയിരുന്നുവോ തനു അന്ന് മനുഷ്യ ബോംബായി പൊട്ടിത്തെറിച്ചത്‌ ??

അബസ്വരം :
കൊല്ലപ്പെട്ടവന് ലഭിക്കാത്ത എന്ത് നീതിയാണ് കൊലയാളി അര്‍ഹിക്കുന്നത് ?


                                                                     233
                                                                     *****
23.01.2014
ആദ്യം പുറത്തുവിട്ട പ്രതികള്‍ക്കൊപ്പം തന്റെ പേരില്ലാത്തതിനാല്‍ കുറ്റവാളിയായി പ്രഖ്യാപിച്ചു എന്ന് തെറ്റിദ്ധരിച്ച് മോഹനന്‍ കുഴഞ്ഞു വീഴുകയായിരുന്നു. - വാര്‍ത്ത

ചെയ്യാത്ത കുറ്റത്തിന് എന്തിനാ സഖാവേ ഇങ്ങനെ ടെന്‍ഷന്‍ അടിച്ചത് ? മാത്രമല്ല കേവലം ഒരു ബൂര്‍ഷാ കോടതിയുടെ വിധി പ്രസ്താവനം കേട്ടാല്‍ കുഴഞ്ഞു പോവുന്നതാണോ ഒരു സഖാവിന്റെ ആത്മധൈര്യവും വിപ്ലവവീര്യവും ?
കയ്യ് ചുരുട്ടി ആകാശത്തിനെ ഇടിക്കാന്‍ കാണിക്കുന്ന ഉസറ് ഒരു കോടതിയില്‍ നില്‍ക്കുമ്പോള്‍ കിട്ടുന്നില്ല അല്ലേ ?

ഇനി മുതല്‍ എല്ലാ സഖാക്കള്‍ക്കും അന്‍പത്തൊന്നു വട്ടം ജപിച്ച് ശക്തിപ്പെടുത്തിയ ധൈര്യ വര്‍ദ്ധിനീ യന്ത്രം പാര്‍ട്ടി ചെലവില്‍ വിതരണം ചെയ്യാനുള്ള ഉത്തരവ് എ കെ ജി സെന്ററില്‍ നിന്നും ഉണ്ടാവണം.

അബസ്വരം :
വെറും ഭീരുവായ ലവനെ പേടിത്തൊണ്ടന്‍ എന്ന് വിളിക്കരുതേ !

                                                                     234
                                                                     *****
23.01.2014
മലപ്പുറത്ത് ജനിച്ചവരെല്ലാം തീവ്രവാദികള്‍ അല്ല.
തീവ്രവാദികള്‍ ജനിക്കുന്നത് മലപ്പുറത്ത് മാത്രമല്ല.

മുസ്ലിം നാമധാരികള്‍ എല്ലാവരും തീവ്രവാദികള്‍ അല്ല.
എല്ലാ തീവ്രവാദികളും മുസ്ലിം നാമധാരികളും അല്ല.

എല്ലാ പോലീസുകാരും ചെറ്റകള്‍ അല്ല.
എല്ലാ ചെറ്റകളും പോലീസുകാരുമല്ല.

അബസ്വരം :
മലപ്പുറത്തുക്കാരനായ മുസ്ലിം ആയതിലുള്ള അഭിമാനം.

                                                                     235
                                                                     *****
25.01.2014
മാണിച്ചായന്റെ ബജറ്റില്‍ 'ഇന്ത്യന്‍ നിര്‍മ്മിത വിദേശ മദ്യത്തിനു വിലകൂടി' എന്ന് കണ്ടത് മുതല്‍ ഒരു സംശയം.

ഇന്ത്യയില്‍ നിര്‍മ്മിച്ച മദ്യം എങ്ങിനെയാണ് വിദേശ മദ്യം ആവുക ? വിദേശ മദ്യം വിദേശത്ത് നിര്‍മ്മിച്ചാല്‍ അല്ലേ വിദേശ മദ്യം ആവുകയുള്ളൂ ?

ഇന്ത്യയില്‍ നിര്‍മ്മിക്കുന്ന എല്ലാ മദ്യങ്ങളും ഇന്ത്യന്‍ മദ്യം അല്ലേ ??

അബസ്വരം :
കോഴിയിട്ട ഒട്ടകപ്പക്ഷി മുട്ടയും ഇനി കാണേണ്ടി വരുമല്ലോ മക്കളേ !!


                                                                     236
                                                                     *****
26.01.2014
പ്രവാചകന്റെ യഥാര്‍ത്ഥ തിരുശേഷിപ്പ് ചട്ടിയോ കലമോ അല്ല, മറിച്ച് പ്രവാചകന്റെ ജീവിതചര്യയാണ് എന്ന് എങ്ങിനെയാണ് ഈ കൌമിനെ ഒന്ന് പറഞ്ഞു മനസിലാക്കുക പടച്ചവനേ !!!

"ഞാനിതാ കാര്യങ്ങളെല്ലാം നിങ്ങളിലേക്ക്‌ എത്തിച്ചു തന്നിരിക്കുന്നു. രണ്ട്‌ കാര്യങ്ങള്‍ ഞാനിതാ നിങ്ങളെ ഏല്‍പ്പിക്കുന്നു. അത്‌ രണ്ടും മുറുകെ പിടിക്കുന്ന കാലത്തോളം നിങ്ങള്‍ പിഴച്ചുപോകുകയില്ല; അത്‌ അല്ലാഹുവിന്റെ ഗ്രന്ഥവും അവന്റെ പ്രവാചകന്റെ ചര്യയുമാണ്‌. ജനങ്ങളേ, ഇവിടെ ഹാജറുള്ളവര്‍ ഹാജരില്ലാത്തവര്‍ക്ക്‌ ഇത്‌ എത്തിച്ചുകൊടുക്കുക. എത്തിക്കപ്പെടുന്നവര്‍ എത്തിച്ചവരേക്കാള്‍ കാര്യം ഗ്രഹിച്ചേക്കാം."- എന്നാണ് നബി അവസാനത്തെ പ്രസംഗത്തില്‍ പറഞ്ഞത്.

അല്ലാതെ "ജനങ്ങളേ, ഞാന്‍ നിങ്ങള്‍ക്ക് കുറേ ചട്ടീം കലോം മുടീം വിട്ടേച്ച് പോകുന്നു. ഇതു മുറുകെ പിടിക്കുന്ന കാലത്തോളം നിങ്ങള്‍ക്ക് തെറ്റിപ്പോവൂല. ഇവിടെയുള്ളവര്‍, ഇല്ലാത്തവര്‍ക്ക് എത്തിച്ചുകൊടുക്കുക." എന്നതല്ല എന്ന് ഇനിയെന്നാണാവോ ഈ അബ്വോക്കരാക്കമാരുടെ അനുയായികള്‍ തിരിച്ചറിയുക.

അബസ്വരം :
പിന്‍പറ്റേണ്ടത് പ്രവാചകചര്യയാണ്, അല്ലാതെ അബ്വാക്കരാക്കമാരുടെ ചര്യകള്‍ അല്ല.

                                                                     237
                                                                     *****
28.01.2014
സി പി എം എന്ന രാഷ്ട്രീയ കക്ഷിയെ പിന്താങ്ങുന്നവരില്‍ വിവിധ മതങ്ങളില്‍ പെട്ടവരും, മതമില്ലാത്ത ജീവന്മാരും ഉണ്ടല്ലോ. അതിലെ മതവിശ്വാസികളോടായി ഒരു ചോദ്യം.

"ടി പി യെ കൊന്നതിലും അതിന്റെ ഗൂഡാലോചനയിലും സി പി എം എന്ന പാര്‍ട്ടിക്ക് ഒരു പങ്കുമില്ല" എന്ന് ആത്മാര്‍ഥമായി നിങ്ങള്‍ വിശ്വസിക്കുന്ന ദൈവത്തിന്റെ നാമത്തില്‍ സത്യം ചെയ്യാന്‍ തയ്യാറുണ്ടോ ?

സി പി എമ്മിനെ പിന്താങ്ങുന്ന എത്ര മുസ്ലിങ്ങള്‍ ടി പി യെ കൊന്നതില്‍ സി പി എമ്മിന് ഒരു പങ്കും ഇല്ല എന്ന് അല്ലാഹുവിന്റെ നാമത്തില്‍, ഖുര്‍ആനെ സാക്ഷിയാക്കി സത്യം ചെയ്യാന്‍ തയ്യാറുണ്ട് ?

അതുപോലെ തങ്ങള്‍ വിശ്വസിക്കുന്ന ദൈവത്തെ സാക്ഷി നിര്‍ത്തി ഇങ്ങനെ സത്യം ചെയ്യാന്‍ എത്ര മതവിശ്വാസികള്‍ തയ്യാറുണ്ട് ?

അബസ്വരം :
എന്ത് ? എന്താ യുക്തിവാദികളെക്കൊണ്ട് സത്യം ചെയ്യിക്കാത്തത് എന്നോ ?
പൂര്‍വ്വപിതാവ് കുരങ്ങനാണ് എന്ന് വിശ്വസിക്കുന്നവരോട് എന്ത് സത്യം ചെയ്യിച്ചിട്ടെ ന്താ കോയാ ?

                                                                     238
                                                                     *****
29.01.2014
ഒരു ചാക്ക് ഉപ്പുണ്ടോ സഖാവേ ഒരുത്തനെ പരലോകം പൂകിക്കാന്‍ !!!

ഇതാണ് മക്കളേ കേരളത്തെ ബംഗാള്‍ ആക്കും എന്ന് പറഞ്ഞിരുന്നതിന്റെ ഗുട്ടന്‍സ് അല്ലേ ??!!

ഇതിനുള്ള ചാക്കുകള്‍ക്ക് വേണ്ടിയാണോ മറ്റേ ചാക്ക് രാധേട്ടനെ കൂടെ കൂട്ടിയത് ??

അബസ്വരം :
അപ്പൊ ഇനി ഉപ്പില്ലാത്ത കഞ്ഞി എന്നതിന് പകരം ഉപ്പില്ലാത്ത ബംഗാള്‍ എന്നാക്കാം അല്ലേ !!


                                                                     239
                                                                     *****
30.01.2014

വെട്ടുന്നത്‌ എൻ ഡി എഫ്‌ ആയാലും സി പി എം ആയാലും സംഭവം ചെറ്റത്തരം തന്നെ.

സ്വന്തം പാർട്ടിയിലെ മനുഷ്യന്റെ മേൽ ആയുധം മുറിവേൽപ്പിക്കപ്പെടുമ്പോൾ ഉണ്ടാവുന്ന അതേ വേദനയും രക്തധാരയും ജീവനഷ്ടവും ആണു എതിർ പാർട്ടിയിലെ മനുഷ്യൻ അക്രമിക്കപ്പെടുമ്പോളും ഉണ്ടാവുന്നത്‌ എന്ന് ഇനിയെങ്കിലും തിരിച്ചറിയുക.

പാർട്ടിക്ക്‌ വേണ്ടി അക്രമം നടത്തി ചത്താൽ ചത്തവനും അവന്റെ കുടുംബത്തിനും മാത്രമാണു നഷ്ടം. സ്വന്തം ജീവിതം ആരാന്റെ രക്തം ചൊരിയാനും സ്വന്ത്ം രക്തം ചില പന്ന നേതാക്കൾക്ക്‌ അധികാരത്തിൽ എത്താനുമായി ഒഴുക്കാനുള്ളതല്ല എന്ന തിരിച്ചറിവ്‌ ഈ കഴുതകൾക്ക്‌ ഇനി എന്നാണാവോ ഉണ്ടാവുക ??

അബസ്വരം :
ഇനി ഒരിക്കലും ഒരു കാരണവശാലും അക്രമം നടത്തില്ല എന്ന് പറയാൻ ചങ്കൂറ്റവും തന്റേടവും ഉള്ള എതെങ്കിലും രാഷ്ട്രീയ പർട്ടികൾ ഉണ്ടോ ?
താൻ പിന്താങ്ങുന്ന പാർട്ടി എന്ത്‌ അക്രമം നടത്തിയാലും അത്‌ തെറ്റാണു എന്ന് പറയാൻ മനസാക്ഷി ഉള്ള എത്ര പേർ ഉണ്ട്‌ ?

                                                                     240
                                                                     *****
30.01.2014
തിരൂര്‍ ഇരയുടെ ആ ദീനരോദനം ചെവികളില്‍ നിന്നും പോകുന്നില്ല.

ജീവന് വേണ്ടിയുള്ള ആ യാചന കേള്‍ക്കുമ്പോള്‍ അവന്റെ പാര്‍ട്ടിയുടേയോ കൊടിയുടേയോ നിറം ഏതാണ് എന്ന് അന്യേഷിക്കുവാനും തോന്നുന്നില്ല. മനുഷ്യനെ തിരിച്ചറിയാന്‍ കഴിയില്ലാത്തവര്‍ എന്ത് രാഷ്ട്രീയ സംഘടനാ പ്രവര്‍ത്തനം നടത്തിയിട്ട് എന്ത് ഗുണം ?

ഗാന്ധിജി മുതല്‍ എത്രയോ പേര്‍ ജീവന് വേണ്ടി അവരുടെ ആ അന്ത്യ നിമിഷത്തില്‍ കൊതിച്ചിട്ടുണ്ടാവും ?

വിവിധ പേരുകളില്‍ സംഘടിച്ച് കൊലയും അക്രമവും നടത്തിയവര്‍ എന്താണ് ബാക്കി വെച്ചത് ? ഹിറ്റ് ലര്‍ മുതല്‍ ഷാരോണ്‍ വരെ എന്ത് നേടി ?

രാഷ്ടീയപാര്‍ട്ടികളുടെ ആഹ്വാനവും കേട്ട് അക്രമത്തിനു ആയുധം എടുത്ത് ഇറങ്ങി തിരിക്കുന്ന മരക്കഴുതകളേ നിങ്ങള്‍ ചിന്തിക്കുന്നില്ലേ ?

അബസ്വരം :
എന്തിനു വേണ്ടി ? ആര്‍ക്കു വേണ്ടി ? എന്ത് നേടി ?


                                                                     241
                                                                     *****
01.02.2014
ടി പി യെ കൊന്നതിൽ ഞങ്ങൾക്ക്‌ പങ്കില്ല എന്നു മുഴക്ക്‌ മുഴം പ്രസംഗിക്കുന്ന സി പി എം നേതാക്കാൾ ഇടക്കിടെ ടി പി ക്ക്‌ കിട്ടിയ വെട്ടിന്റെ എണ്ണം ഇടക്കിടെ കുറച്ചു പറയാൻ നടക്കുന്നതിന്റെ ഗുട്ടൻസ്‌ മാത്രം മനസ്സിലാവുന്നില്ല.

അവർ വെട്ടിയിട്ടില്ല എങ്കിൽ വെട്ടു എത്ര എണ്ണം ആയാലെന്താ മക്കളേ ???

അബസ്വരം :
വാപ്പ പത്തായത്തിലും ഇല്ല അല്ലേ ?

                                                                     242
                                                                     *****
01.02.2014
കാന്തപുരം അനുയായികളും പിണറായി അനുയായികളും തമ്മില്‍ വളരെയധികം സാമ്യമുണ്ട്.

അതിലെ ഏറ്റവും പ്രധാനപ്പെട്ടത് ഈ രണ്ടു നേതൃത്വവും എന്ത് വിടുവായിത്തം പറഞ്ഞാലും, നുണ പ്രചരിപ്പിച്ചാലും അത് കണ്ണടച്ച് വിശ്വസിക്കാന്‍ ഇവരുടെ അനുയായികള്‍ തയ്യാറാവുന്നു എന്നതാണ്. മാത്രമല്ല ഇവര്‍ പറയുന്നത് തെറ്റാണ് എന്ന് ബോധ്യമുള്ള അനുയായികള്‍ കൂടി അവരെ മഹത്വവല്‍ക്കരിക്കാന്‍ സ്വന്തം മന:സാക്ഷിയെ പണയം വെച്ച് ശ്രമിച്ചുകൊണ്ടേയിരിക്കുന്നു.

നേതാക്കളുടെ തെറ്റുകളെ ന്യായീകരിക്കാനായി മാത്രം രണ്ടു കൂട്ടരുടേയും ജീവിതം ഉഴിഞ്ഞു വെച്ചിരിക്കുന്നു.

അബസ്വരം :
പാടിപ്പാടി കുത്തിയാലും പതിരില്‍ അരിയില്ല.



                                                                     243
                                                                     *****
05.02.2014
ബിജെപിയുടെ ബാനറുകളുണ്ടോ സഖാവേ കീറി മദ്രസ്സയില്‍ ഇടാന്‍.....

അബസ്വരം :
രണ്ടു കൂട്ടരെ തമ്മില്‍ അടിപ്പിച്ച് അതില്‍ നിന്നും വരുന്ന ചോരകൊണ്ട് ഉണ്ടാക്കുന്ന ചെങ്കൊടിയേക്കാള്‍ കോണകം കൊടിയാക്കുന്നതല്ലേ സഖാവേ നല്ലത് ?


                                                                     244
                                                                     *****
06.02.2014
രമയുടെ സമരത്തില്‍ അപഹാസ്യത കണ്ടെത്തുന്ന സഖാക്കള്‍ ഓര്‍ക്കേണ്ട ഒരു വസ്തുതയുണ്ട്.

ഒരു കൊലക്കേസില്‍ ശിക്ഷിക്കപ്പെട്ട പ്രതികളെ പോലീസ്‌ ഒന്നു തോണ്ടിയപ്പൊഴേക്കും ജയിലിൽ അവരെ പിന്തുണക്കാൻ മുന്‍ ആഭ്യന്തരന്‍ അടക്കം ഓടിക്കിതച്ചു വരുകയും ആ വിഷയം നിയമസഭയിൽ അവതരിപ്പിക്കുകയും ചെയ്തതിന്റെ ലക്ഷത്തിൽ ഒരംശം പോലും അപഹാസ്യത ഭർത്താവിന്റെ കൊലപാതകം രാജ്യത്തെ എറ്റവും പ്രധാനപ്പെട്ട അന്യേഷണ എജൻസിയെ കൊണ്ട്‌ അന്യേഷിപ്പിക്കാൻ ഭാര്യ നടത്തുന്ന ശ്രമങ്ങളിൽ ഇല്ല എന്ന വസ്തുത.

അബസ്വരം :
കൊലപാതകത്തേക്കാള്‍ അപഹാസ്യമാണോ എല്ലാ കൊലപാതകികളേയും നിയമത്തിനു മുന്നില്‍ കൊണ്ടുവരാനുള്ള പരിശ്രമം സഖാവേ ??


                                                                     245
                                                                     *****
07.02.2014
കോണ്‍ഗ്രസ്സിന്റെ തെരഞ്ഞെടുപ്പ് പ്രചാരണത്തിന്റെ ഭാഗമായി രാഹുല്‍ ഗാന്ധിയുടെ ചിത്രം വെച്ച് ഇറക്കിയ ഫ്ലെക്സിലെ വാചകം ഇതാ :

"രാഷ്ട്ര വ്യവഹാരമല്ല കാര്യവിചാരം."

ഈ വരി എത്ര വായിച്ചിട്ടും അതിന്റെ അര്‍ത്ഥമോ, ആ വരികളിലൂടെ കോണ്‍ഗ്രസ് പറയാന്‍ ഉദ്ദേശിച്ച കാര്യമോ എനിക്ക് മനസ്സിലായില്ല. ഇതിന്റെ അര്‍ത്ഥവും, ഈ വരികളിലൂടെ പറയാന്‍ ശ്രമിക്കുന്നതും മനസ്സിലായവരോട് അതൊന്നു പറഞ്ഞു തരുവാന്‍ വിനീത വിഗ്ല്യാന ബ്ലുടോകര്‍ഷനായി അഭ്യര്‍ത്ഥിക്കുന്നു.!!

അബസ്വരം :
"എന്ത് കൊണ്ട് വോട്ട് ഇരക്കുന്നു ?" എന്ന് സിമ്പിള്‍ ആയി പറഞ്ഞാല്‍ പോരായിരുന്നോ മക്കളേ ?


                                                                     246
                                                                     *****
10.02.2014

 സുധീരനു ഇതിലും വലിയൊരു ആപ്പ്‌ കിട്ടാനില്ല.

ഇനി കേരളത്തിലെ കോൺഗ്രസ്സിൽ ഉമ്മൻ ഗ്രൂപ്പും ചെന്നിത്തല ഗ്രൂപ്പും തമ്മിൽ ഒരു വിഷയത്തിനു വേണ്ടിയെങ്കിലും കണ്ണും മെയ്യും മറന്നു ഒറ്റക്കെട്ടായി പോരാടും - സുധീരനെ കുളിപ്പിച്ച്‌ കിടത്തി നാറ്റിക്കുക എന്ന വിഷയത്തിൽ.

അബസ്വരം :

അണ്ടിയോടടുക്കുമ്പോൾ പുളിക്കാത്ത മാങ്കോയുണ്ടോ ?


                                                                     247
                                                                     *****
11.02.2014
യുവന്‍ ശങ്കര്‍ രാജയും എ ആര്‍ റഹ്മാനും ഇസ്ലാം മതം സ്വീകരിച്ചതിന് "മ്യൂസിക്ക് ജിഹാദ്" എന്ന തലക്കെട്ട് നല്‍കി എന്‍ ഐ എ, സി ബി ഐ, ഇന്റര്‍ പോള്‍, മാധ്യമ പിണ്ടിക്കേറ്റ് തുടങ്ങിയ അന്യേഷണ ഏജന്‍സികള്‍ എന്താണാവോ അന്യേഷിക്കാന്‍ വൈകുന്നത് ??

അബസ്വരം :
പൊടിപ്പും തൊങ്ങലും വെച്ചാല്‍ കുഴിയാന മദയാന !!


                                                                     248
                                                                     *****
13.02.2014
രാഹുല്‍ ജിയുടെ ഫ്ലെക്സിലെ മറ്റൊരു മുദ്രാവാക്യം !!

"ഉപദേശമല്ല ഫലപ്രാപ്തി."

ഇത്തരം മുദ്രാവാക്യങ്ങളിലൂടെ എന്താണ് ലവന്‍ പറയാന്‍ ശ്രമിക്കുന്നത് എന്ന് മനസ്സിലായില്ല. ഒരു ഇലക്ഷന് തയ്യാറെടുക്കുമ്പോള്‍ "കോഴിക്കറിയല്ല പഴംപൊരി, കോടാലിയല്ല ഓട്ടോറിക്ഷ" തുടങ്ങിയ മുദ്രാവാക്യങ്ങള്‍ കൊണ്ട് എന്ത്‌ കോപ്പാണ് ജനങ്ങള്‍ക്ക് കിട്ടുക ?

ജനങ്ങളുടെ മുന്നില്‍ ഇതുവരെ ഭരണനേട്ടങ്ങള്‍ ഒന്നും വെച്ച് വോട്ടു ചോദിക്കാനുള്ള വകുപ്പ് ഇല്ലാത്തത് കൊണ്ടല്ലേ ഇത്തരം അഴകൊഴമ്പന്‍ മുദ്രാവാക്യങ്ങളുമായി വരാന്‍ കോണ്‍ഗ്രസ്സിനെ നിര്‍ബന്ധതിതമാക്കിയത് ??

അബസ്വരം :
അഴിമതി നടത്തലല്ല ഭരണം !


                                                                     249
                                                                     *****
16.02.2014
കുറച്ച്‌ ആനകളും അതിന്റെ പിന്നാലെ നടക്കാൻ മനുഷ്യരൂപമുള്ള കുറേ പോത്തുകളും ചെവി പൊട്ടിക്കാൻ പാകത്തിൽ ഒച്ചയുണ്ടാക്കാൻ ബാന്റ്‌ സെറ്റും അന്തോം കുന്തോം ഇല്ലാതെ തുള്ളിചാടേണ്ടവർക്ക്‌ 'അന്തം കലക്കി' മരുന്ന് വിൽക്കുന്ന വിദേശ മദ്യ ഷാപ്പും ഉണ്ടെങ്കിൽ നേർച്ച കെങ്കേമം ആവും. പുണ്യം മൊത്തമായി അക്കൗണ്ടിൽ വീഴും.

അബസ്വരം :
എന്നാലും എന്റെ കൗമേ !!!!


                                                                     250
                                                                     *****
18.02.2014

തട്ടിപ്പ് നടത്തുന്ന ക്രിമിനലുകള്‍ക്ക് 'അമ്മ' എന്ന പേര് നല്‍കി ആരാധിക്കാനും കുറേ ആളുകള്‍ !!

പീഡനം നടത്താനും ബലാല്‍സംഗം നടത്താനും കൂട്ട് നില്‍ക്കുന്നത് മുതല്‍ കള്ളപ്പണം ഉണ്ടാക്കി പൂഴ്ത്തുന്നത് വരെ ചെയ്യുന്ന ഒരു ക്രിമിനലിന്റെ കാല്‍ക്കല്‍ വീഴാനും, മുന്നില്‍ ഓച്ചാനിച്ച് നില്‍ക്കാനും നിങ്ങള്‍ക്കൊന്നും നാണവും, മാനവും, വിവേകവും ഇല്ലേ സുധാമണി ഭക്തരേ ???

പതിനായിരം കോടി കട്ടുണ്ടാക്കി ഒരു കോടി ദാനം ചെയ്‌താല്‍ അത് പുണ്യപ്രവര്‍ത്തി ആകുമോ മക്കളേ ??

ചെയ്യുന്ന ജോലിക്ക് മാന്യമായ ശമ്പളം ചോദിച്ചതിന് നഴ്സുമാരെ തല്ലിചതച്ചത് കണ്ടിട്ടും നിങ്ങള്‍ക്കൊന്നും നേരം വെളുത്തില്ലേ ??

നിങ്ങള്‍ടെ അമ്മ ദൈവം ആണെങ്കില്‍ എന്തിനാ മക്കളേ അമൃതാ ആശുപത്രിയില്‍ നിന്നും രോഗികള്‍ വടിയായി ആംബുലന്‍സില്‍ മടങ്ങുന്നത് ? അമ്മക്ക് കുട്ട്യോള്‍ടെ ആ ജീവന്‍ ഒന്ന് നിലനിര്‍ത്തിക്കൊടുത്തു കൂടേ ??

ബാക്ക് ഡോറിന്റെ കൊളുത്ത് പൊട്ടിയാല്‍ ഈ അമ്മ ദൈവവും മണ്ടുന്നത് കക്കൂസിലേക്ക് അല്ലേ ???

ദൈവമാണത്രേ ദൈവം !!

അബസ്വരം :
എന്ത് ? മലയാളികള്‍ പ്രബുദ്ധരാണ് എന്നോ ??
ഒലക്കേടെ മൂടാ !!


അബസ്വരസംഹിതയുടെ മുന്‍ഭാഗങ്ങള്‍ക്ക് ഇവിടെ ക്ലിക്കുക

10 comments:

  1. പക്ഷികള്‍ക്ക് അപ്പിയിടാനായി പൊതുഖജനാവില്‍ നിന്നും ലക്ഷങ്ങള്‍ ചിലവിട്ട് നിര്‍മ്മിച്ച കക്കൂസിന് കരുണാകരന്റെ മുഖച്ഛായയാണത്രേ !!

    അബസ്വരം :
    നാട്ടുകാരുടെ കായി, കരുണാകരന്റെ കോലം !!
    അപ്പിയിട്ട് അര്‍മ്മാദിക്കിം കിളികളേ !!

    ReplyDelete
  2. അബ്സാറിന്റെ സ്വരം അബസ്വരം ! കവിതകൾ ജനിക്കുന്നത് ഇത്തരം മൻഇലാണ് !!. ഒരുപാട് പ്രതീക്ഷിക്കുന്നു.

    ReplyDelete
  3. Name of the blog is nice, and also the blog..

    ReplyDelete
  4. വളരെ രസകരം..
    ഇനിയും തുടരട്ടെ..

    ReplyDelete
  5. ഇതില് ആദ്യത്തെയൊക്കെ സംഹിതകള് മുമ്പ് ഇവിടെ വായിച്ചോ അതോ ഫേസ് ബുക്കില് വായിച്ചോ? ഒരു ഓര്‍മ്മേം കിട്ടണില്യാലോ!!

    ReplyDelete
    Replies
    1. ഫേസ്ബുക്കില്‍ ഉള്ളതായിരുന്നു അജിത്തേട്ടാ...

      Delete
  6. അബസ്വരചരിതം ജോറായി.. ഞമ്മൾ പരപ്പനാടൻ മുറ പുറത്തെടുത്തിട്ടുണ്ട്

    ReplyDelete
  7. Good, keep writing!'
    Read my novelette here : www.theeyattam.blogspot.com

    ReplyDelete
  8. കുറച്ചെഴുതി കൂടുതല്‍ ചിന്തിപ്പിക്കാന്‍ കഴിവ് വേണം ....നന്നായിരിക്കുന്നു

    ReplyDelete

നിങ്ങളുടെ വിമര്‍ശനങ്ങളും അഭിപ്രായങ്ങളും നിര്‍ദ്ദേശങ്ങളും ഇവിടെ പങ്കുവെക്കാന്‍ മറക്കരുതേ....