Friday, December 06, 2013

അബസ്വര സംഹിത - മൂന്നാം ഖണ്ഡം


അബസ്വരങ്ങള്‍ ബൂലോകത്തേക്ക് കടന്നു വന്നിട്ട് ഇന്നേക്ക് മൂന്ന് വര്‍ഷം തികയുന്നു.

2010 ഡിസംബര്‍ ആറിന് ആയിരുന്നു ബ്ലോഗ്ഗര്‍ എന്ന നിലയില്‍ ആദ്യ പോസ്റ്റ്‌ ഇട്ടത്. യുക്തിവാദം എന്ന വാതരോഗം എന്ന ആദ്യ പോസ്റ്റ്‌ പബ്ലിഷ് ചെയ്യുമ്പോള്‍ ഈ ബ്ലോഗിന്റെ ഫോളോവര്‍ വിഡ്ജെറ്റും, സന്ദര്‍ശകരുടെ എണ്ണവും ശൂന്യമായിരുന്നു. 

വലിയ പ്രതീക്ഷകള്‍ ഒന്നുമില്ലാതെ തുടങ്ങിയ ഈ ബ്ലോഗ്‌ തുടര്‍ന്നുള്ള മൂന്ന് വര്‍ഷങ്ങള്‍ കൊണ്ട് മലയാളം പേഴ്സനല്‍ ബ്ലോഗുകളില്‍ ഏറ്റവും കൂടുതല്‍ സന്ദര്‍ശകര്‍ എത്തിയ മൂന്നാമത്തെ ബ്ലോഗ്‌ ആയി മാറിയതില്‍ വളരെയധികം സന്തോഷമുണ്ട്. ആയിരക്കണക്കിന് പോസ്റ്റുകളുടെ പിന്‍ബലം ഈ ബ്ലോഗിനില്ല. ഈ പോസ്റ്റ്‌ 158 മത്തെ പോസ്റ്റ്‌ ആണ്. കൂടുതല്‍ പോസ്റ്റുകള്‍ എഴുതുന്നതിനേക്കാള്‍, എഴുതിയ പോസ്റ്റുകള്‍ ആളുകളിലേക്ക് എത്തിക്കാന്‍ പരമാവധി ശ്രമിക്കുക എന്നതിനായിരുന്നു അബസ്വരന്‍ പ്രഥമ പരിഗണന നല്‍കിയത്. ആ ശ്രമം ഒരുപരിധി വരെ വിജയിച്ചു എന്നറിയുന്നതില്‍ സന്തോഷം തോന്നുക സ്വാഭാവികമാണല്ലോ.

സ്വന്തം നിലപാടുകളില്‍ ഉറച്ചു നിന്നു കൊണ്ട്, കൊണ്ടും കൊടുത്തും അബസ്വരന്‍ യാത്ര തുടരട്ടെ...

എല്ലാ പ്രിയ വായനക്കാര്‍ക്കും നന്ദി രേഖപ്പെടുത്തിക്കൊണ്ട്, മൂന്നാം വര്‍ഷം പൂര്‍ത്തിയാകുന്ന ഈ അവസരത്തില്‍ അബസ്വര സംഹിത മൂന്നാം ഖണ്ഡത്തിലേക്ക്....


                                                                     121
                                                                     *****
12.06.2013
വിചാരിച്ച പോലെ അധികാരം വരാതിരിക്കുമ്പോള്‍ രാജിവെക്കുകയും, ആര്‍ എസ് എസ് കണ്ണുരുട്ടുമ്പോള്‍ രാജി പിന്‍വലിക്കുകയും ചെയ്യുന്നത് പതിവാക്കിയ അദ്വാനിക്ക് അര്‍ഹിക്കുന്ന പുച്ഛം തന്നെയാണ് ജീവിതത്തിന്റെ അസ്തമയ സമയങ്ങളില്‍ ലഭിക്കുന്നത്. കര്‍സേവ നടത്തി ബാബറി മസ്ജിദ് തകര്‍ത്ത് ഇന്ത്യയില്‍ ഹിന്ദു - മുസ്ലീം വര്‍ഗ്ഗീയ കലാപങ്ങള്‍ക്ക് തുടക്കം കുറിച്ച് മതഭ്രാന്തിന് ചൂടും ചൂരും പകര്‍ന്നത് അദ്വാനിയാണ് എന്ന് നിസ്സംശയം പറയാം. പാര്‍ട്ടിയെ വര്‍ഗ്ഗീയ കാര്‍ഡ് ഇറക്കി അധികാരത്തില്‍ എത്തിക്കാന്‍ ശ്രമിച്ച അദ്വാനിക്ക് പാര്‍ട്ടിയില്‍ നിന്നുള്ള അവഗണയേക്കാള്‍ വലിയ മറ്റെന്ത് തിരിച്ചടി ചരിത്രത്തിനു നല്കാനുണ്ടാവുക ??

മോഡിയുടെ രക്ത രാഷ്ട്രീയത്തെ അദ്വാനി പല തവണ പിന്തുണക്കാനും, ന്യായീകരിക്കാനും ശ്രമിച്ചിട്ടുണ്ട്. ഗോധ്ര സംഭവം പാക്കിസ്ഥാന്‍ ഗൂഢാലോചനയാണെന്ന് ഉപപ്രധാനമന്ത്രിയായിരുന്ന എല്‍.കെ.അദ്വാനി അന്വേഷണം തുടങ്ങുന്നതിനു മുമ്പു തന്നെ പ്രഖ്യാപനം നടത്തിയതും വിസ്മരിക്കാതിരിക്കാം.

അബസ്വരം :
വര്‍ഗ്ഗീയതയില്‍ കവിഞ്ഞ ഒന്നും ആര്‍ എസ് എസ്സിനോ, ബി ജെ പി ക്കോ ജനങ്ങളുടെ മുന്നില്‍ അവതരിപ്പിക്കാനില്ല. ജനങ്ങളുടെ ചിന്താശേഷി പ്രവര്‍ത്തിക്കാത്തിടത്തോളം അദ്വാനി, മോഡി തുടങ്ങി വിവിധ പേരുകളില്‍ അസുരാവതാരന്മാര്‍ക്ക് ആര്‍ എസ് എസ് ജന്മം നല്‍കിക്കൊണ്ടേ ഇരിക്കും.

                                                                     122
                                                                     *****
13.06.13
ഇന്നത്തെ പത്രത്തിലെ രണ്ടു വാര്‍ത്തകള്‍...

01. കൂട്ടുകാരികളുടെ നഗ്ന ചിത്രങ്ങള്‍ ഒളിക്യാമറയില്‍ പകര്‍ത്തി ലണ്ടനിലുള്ള കാമുകന് നല്‍കിയ യുവതി അറസ്റ്റില്‍.

02. ട്രെയിനില്‍ വിദ്യാര്‍ഥിനിയുടെ ഫോട്ടോ എടുത്ത യുവാവ് കുടുങ്ങി.

ഈ രണ്ടു വാര്‍ത്തകളില്‍ ഏറ്റവും ഗുരുതരമായ തെറ്റ് ആദ്യത്തേത് ആണ് എന്ന് നിസ്സംശയം പറയാം. എന്നാല്‍ ഒന്നാമത്തെ വാര്‍ത്തയില്‍ കുറ്റം ചെയ്ത പെമ്പറന്നോളെ യുവതി എന്നും വിദ്യാര്‍ഥിനി എന്നും ഒക്കെയാണ് വിശേഷിപ്പിച്ചിരിക്കുന്നത്. അവളുടെ പേരോ, വിലാസമോ, ഫോട്ടോയോ ഇല്ല.

എന്നാല്‍ രണ്ടാമത്തെ വാര്‍ത്തയിലെ പുരുഷന്റെ പേരും, വിലാസവും, ഫോട്ടോയും ഉള്‍പ്പെടെയാണ് വാര്‍ത്ത വന്നിട്ടുള്ളത് !!!

ഇതെന്ത് നീതി ? ഇതെന്തു മാധ്യമ പ്രവര്‍ത്തനം ? കുറ്റം ചെയ്തവര്‍ ആണായാലും പെണ്ണായാലും പേരും, ഫോട്ടോയും എല്ലാം ഒരേ പോലെ കൊടുക്കേണ്ടേതല്ലേ ?

അബസ്വരം :
അനര്‍ഹമായ പരിഗണങ്ങള്‍ നേടാനുള്ളതായി മാറിയോ സ്ത്രീ എന്ന നാമം ???


                                                                     123
                                                                     *****
20.06.2013
"പ്രായപൂര്‍ത്തിയായ ആണും പെണ്ണും ലൈംഗികബന്ധത്തിലേര്‍പ്പെട്ടാല്‍ വിവാഹം നടന്നതായി കണക്കാക്കാമെന്നും അവര്‍ ഭാര്യാഭര്‍ത്താക്കന്മാരായിരിക്കുമെന്നും മദ്രാസ് ഹൈക്കോടതി."

അതായത് ഡ്രൈവിംഗ് ലൈസന്‍സ് ഇല്ലാത്തവന്‍ വണ്ടി ഓടിച്ചാല്‍ മറ്റൊരു ടെസ്റ്റും ഇല്ലാതെ, അങ്ങിനെ വണ്ടി ഓടിച്ചത് കുറ്റകൃത്യമായി കണക്കാക്കാതെ ലവന് ഡ്രൈവിംഗ് ലൈസന്‍സ് കൊടുക്കണം എന്ന് ചുരുക്കം.

അബസ്വരം :
അപ്പൊ ഇനി മുതല്‍ ഓരോ വ്യഭിചാരവും ഓരോ വിവാഹമാണ്. ഓരോ പൊലാട്ടും ഓരോ മംഗള കര്‍മ്മമാണ്‌ !!! അപ്പൊ വിവാഹവും, മംഗള കര്‍മ്മവും നടത്തുന്നവരെ റൈഡ് ചെയ്ത് കേസ് എടുക്കുന്നതും മഹാപാപം ആണ്.

ഇനി വ്യഭിചാരികള്‍ക്ക് സുരക്ഷിതമായി വ്യഭിചരിക്കാനുള്ള സംരക്ഷണം നല്‍കാന്‍ പ്രത്യേക വ്യഭിചാര പോലീസിനെ കൂടി രംഗത്തിറക്കിയാല്‍ സംഗതി ശുഭം !!!

ഇതാണു ഗാന്ധിജി സ്വപ്നം കണ്ട സ്വതന്ത്ര്യ ഇന്ത്യ !!!


                                                                     124
                                                                     *****
24.06.2013
പതിനാറു വയസ്സിലെ വിവാഹത്തെ കുറിച്ച് പറഞ്ഞപ്പോള്‍ പതിനെട്ട് തികഞ്ഞ് പക്വത ആവുന്നത് വരെ വിവാഹം കഴിപ്പിക്കരുത് എന്നാണല്ലോ ഫേസ് ബുക്ക് സാമൂഹിക പരിഷ്കര്‍ത്താക്കള്‍ മൊഴിഞ്ഞത്.

ഇന്നത്തെ വി എസ്സിന്റെ നിയമസഭാ പ്രസ്താവന കണ്ടാല്‍ മനസ്സിലാവും വയസ്സല്ല പക്വതയാവാനുള്ള മാനദണ്ഡം എന്ന്. പക്വതയാവത്ത വി എസ്സിനെ കൊണ്ട് പെണ്ണ് കെട്ടിച്ചെതിനെതിരെ വിമര്‍ശിക്കാന്‍ പതിനാറു വയസ്സിലെ വിവാഹത്തിനെതിരെ മുതലക്കണ്ണീര്‍ ഒഴുക്കിയവര്‍ വരും എന്ന് കരുതുന്നു. ആണായാലും പെണ്ണായാലും പക്വത ആയിട്ട് മതി കല്യാണം എന്നാണല്ലോ ഇക്കൂട്ടര്‍ വാദിച്ചിരുന്നത്.

പിന്നെ മദ്രാസ് ഹൈകോടതി വിധി പ്രകാരം വിവാഹിതനായ ജോസ് തെറ്റയിലിനും, ആ നവവധുവിനും മംഗളാശംസകള്‍ !!! കല്യാണ വീഡിയോ മനോഹരമായി എന്നറിഞ്ഞതില്‍ സന്തോഷം.

അബസ്വരം :
അല്ല ഇങ്ങനെ പൂര്‍ണ്ണ സമ്മതത്തോടെ ഉടുതുണി അഴിക്കുന്നത് എങ്ങിനെയാണ് കോയാ പീഡനം ആവുക ?
രണ്ടു പേരും സമ്മതിച്ചു നടത്തുന്ന കലാപരിപാടിയെ പീഡനം എന്നോ, ബലാല്‍സംഘം എന്നോ അല്ലല്ലോ വിളിക്കേണ്ടത്... വ്യഭിചാരം എന്നല്ലേ ???


                                                                     125
                                                                     *****
27.06.2013
പതിനാറു വയസ്സിലെ മുസ്ലിം പെണ്‍കുട്ടികളുടെ വിവാഹത്തെ എതിര്‍ത്തവര്‍ ഉന്നയിച്ച ഒരു മഹത്തായ ആരോപണം ആണല്ലോ "നേരത്തെ ഉള്ള വിവാഹം അവരുടെ ആരോഗ്യത്തെ ബാധിക്കും. അതുകൊണ്ട് യാതൊരു കാരണവശാലും അത് അംഗീകരിക്കരുത്" എന്നത്.

ആരോഗ്യത്തിന് ഹാനികരമാണ് എന്ന് നിസ്സംശയം എല്ലാവര്‍ക്കും അറിയാവുന്ന പുകവലിയും, മദ്യപാനവും പൂര്‍ണ്ണമായി നിരോധിക്കണം എന്ന് പറഞ്ഞു ഇതില്‍ എത്ര പേര്‍ സര്‍ക്കാരിനെ സമീപിച്ചിട്ടുണ്ട്. അതൊക്കെ വ്യക്തിപരമായ കാര്യം അല്ലേ എന്ന് പറഞ്ഞു അവരവരുടെ ഇഷ്ടത്തിനു വിടുകയല്ലേ സര്‍ക്കാരും, മഹാത്ത്മാക്കളും ചെയ്യുന്നത് !!!

അതോ ഇനി മദ്യക്കുപ്പിയിലും, സിഗരറ്റ് പാക്കറ്റിലും ഉള്ള പോലെ "നേരത്തെയുള്ള വിവാഹം ആരോഗ്യത്തിനു ഹാനികരമായേക്കാം" എന്ന ബോര്‍ഡ് പതിനാറിന് മുന്നേ നടക്കുന്ന വിവാഹങ്ങളുടെ കല്യാണ പന്തലില്‍ തൂക്കിയിട്ടാല്‍ എല്ലാ പ്രശ്നവും തീരുമോ ? പുകവലി കാര്യത്തില്‍ സര്‍ക്കാര്‍ നിലപാട് പ്രകാരം അങ്ങിനെ ചെയ്‌താല്‍ മതിയെങ്കില്‍ പിന്നെ പതിനാറിലെ വിവാഹ കാര്യത്തിനും ചെയ്യാന്‍ അനുവദിക്കണമല്ലോ !!!

അബസ്വരം :
രാഷ്ട്രപിതാവായ ഗാന്ധിജിക്ക് പതിമൂന്ന് വയസ്സില്‍ പതിമൂന്ന് വയസ്സുള്ള കസ്തൂര്‍ബായെ കെട്ടാമെങ്കില്‍ പിന്നെ അത് ഞങ്ങള്‍ക്കും ആയിക്കൂടേ സര്‍ക്കാരേ ????


                                                                     126
                                                                     *****
27.06.2013
തിരൂരങ്ങാടിയില്‍ പോലീസിനെ സാക്ഷി നിര്‍ത്തി ലീഗുകാര്‍ വി എസ്സിന് എതിരേ മുദ്രാവാക്യം വിളിക്കുകയാണ്‌ - "കയ്യും വെട്ടും, കാലും വെട്ടും, വേണമെങ്കില്‍ തലയും വെട്ടും."

ഈ മുദ്രാവാക്യം ഇന്ന് മനസ്സിനെ ആകെ അസ്വസ്ഥമാക്കിയിരിക്കുന്നു.

എല്ലാ രാഷ്ട്രീയ പാര്‍ട്ടികളും ഇത്തരം മുദ്രാവാക്യങ്ങള്‍ വിളിക്കാറുണ്ട് എന്നറിയാം. എങ്കിലും ഇത് നേരിട്ട് കേള്‍ക്കുമ്പോള്‍ മനസ്സിനാകെ അസ്വസ്ഥത അനുഭവപ്പെടുന്നു. ഇത്തരം പ്രകോപനപരമായ മുദ്രാവാക്യങ്ങള്‍ വിളിക്കുന്നവരെ ജയിലില്‍ ഇടാനുള്ള നിയമം കൊണ്ടു വരാന്‍ ചങ്കൂറ്റം ഉള്ള ഭരണാധികാരിയോ, കേസെടുക്കാന്‍ തന്റെടമുള്ള കോടതിയോ നമ്മുടെ നാട്ടില്‍ ഉണ്ടോ?

അബസ്വരം :

കയ്യും കാലും വെട്ടുമെന്ന് പറയാതേയും, വെട്ടാതേയും രാഷ്ട്രീയ പ്രവര്‍ത്തനം നടത്താന്‍ അറിയാത്ത നാറികള്‍ !!!


                                                                     127
                                                                     *****
05.07.2013
എല്‍ ഡി എഫുക്കാരുടെ പീഡനങ്ങള്‍ പുകമറയിലൂടേയും, യു ഡി എഫുക്കാരുടെ പീഡനങ്ങള്‍ പുകമറയില്ലാതെ വ്യക്തമായും കാണാന്‍ സഹായിക്കുന്ന പ്രത്യേക തരം കണ്ണടകള്‍ എ കെ ജി സെന്‍ററില്‍ വിതരണത്തിന് എത്തിയിരിക്കുന്നു. ആവശ്യമുള്ളവര്‍ സൗജന്യമായി സാധനം കൈപ്പറ്റേണ്ടതാണ്.

പിടിച്ചടക്കിയ ഏരിയ, ലോക്കല്‍ കമ്മറ്റികളിലും ഈ കുന്ത്രാണ്ടം ലഭ്യമാണ്.

പോസ്റ്റല്‍ വഴി ലഭിക്കാന്‍ ആവശ്യമുള്ളവര്‍ ബന്ധപ്പെടുക...

പിണറായീസ് ചെങ്കണ്ണട ഒപ്പിക്കല്‍സ് സോറി ഒപ്റ്റിക്കല്‍സ്,
എ കെ ജി സെന്‍റര്‍,
തിരോന്തരം.

അബസ്വരം :
മ്മള് എന്ത് കാട്ടിയാലും മഹാ മഹത്തരം... മറ്റോര് കാട്ടിയാല്‍ മഹാപാപം ...

ന്റെ കമ്മ്യൂണിസ്റ്റ് മാര്‍ക്സങ്കിളേ... ഗാത്തോളണേ !!!

                                                                     128
                                                                     *****
10.07.2013
ഗ്രനേഡ് പൊട്ടുന്ന ഒച്ച കേട്ട് ഏതോ വിപ്ലവകാരിക്ക് വയറിളക്കം പിടിച്ചു എന്ന് കേട്ടു... ശരിയാണോ ?

"അടിയുടെ ഇടിയുടെ വെടിയുടെ മുന്നില്‍ അടിപതറാത്ത...." എന്നൊക്കെ ഓരിയിടാന്‍ ഭയങ്കര ധൈര്യമാ പക്ഷേങ്കില് ബേജാറാവാന്‍ പടക്കത്തിന്റെ ഒച്ച കേട്ടാല്‍ മതി അല്ലേ കോയാ ??

അബസ്വരം‬ :
ഇത്രയും ഉസറ് ഇല്ലാത്തോര് ദയവായി ചെഗുവേരയേയും മറ്റും ഉദാഹരണമാക്കി കാണിച്ചു, അവരുടെ കൂടെ നില്‍ക്കുന്ന ഫ്ലെക്സ് അടിച്ചു ചെഗുവേരയെ നാറ്റിക്കരുത് എന്ന് അഭ്യര്‍ത്ഥിക്കുന്നു. !!!

വിപ്ലവം ജയിക്കട്ടെ !!!
മുദ്രാവാക്യങ്ങള്‍ തകര്‍ക്കട്ടെ !!!
ബേജാറായി മണ്ടട്ടെ !!!

                                                                     129
                                                                     *****
12.07.2013
പക്വതയില്ലായ്മയാണെന്റെ പക്വത !!!

അബസ്വരം‬ :
ഞാന്‍ ഞാന്‍ തന്നെ ആവേണ്ടേ ?
ഞാന്‍ ഞാനായില്ലെങ്കില്‍ പിന്നെ ആര് ഞാനാവും !!

                                                                     130
                                                                     *****
13.07.2013
സര്‍വ്വ ശക്തനായ അല്ലാഹുവേ, ഒരു പ്രത്യേക മതത്തില്‍ ജനിച്ചു പോയി എന്നത് കൊണ്ട് അവരെ ക്രൂരമായി കൊല ചെയ്യുകയും, പിന്നീട് അങ്ങിനെ മരണം വരിച്ചവരെ കാറിന്റെ മുന്നില്‍ ചാടിയ പട്ടികളോട് ഉപമിക്കുകയും ചെയ്യുന്നവര്‍ക്ക് അര്‍ഹമായ പ്രതിഫലം വരും തലമുറകള്‍ക്ക് പാഠമാകാന്‍ ഇഹലോകത്ത് വെച്ച് തന്നെ നല്‍കേണമേ...!!

അബസ്വരം‬ :
നിങ്ങളിലാരെങ്കിലും ഒരു തിന്മ കണ്ടാല്‍, അവന്‍ അതിനെ കൈകൊണ്ട് തടയട്ടെ. അതിന് കഴിയില്ലെങ്കില്‍ നാവുകൊണ്ട്, അതിനും കഴിയില്ലെങ്കില്‍ മനസ്സുകൊണ്ട്. - നബി വചനം.

                                                                     131
                                                                     *****
15.07.2013
വിദ്യാഭ്യാസം നേടാനുള്ള അവകാശത്തിന്റെ പേരില്‍ "രക്ഷപ്പെടുന്ന" തരത്തില്‍ തരത്തില്‍ വെടിയേറ്റ്‌ രക്ഷപ്പെട്ട മലാലയുടെ പേരിലുള്ള ദിനങ്ങള്‍ അല്ല യു എന്‍ ആദ്യം ഓര്‍ക്കേണ്ടതും, ആഘോഷിക്കേണ്ടതും.

മറിച്ച് ജീവിക്കാന്‍ പോലുമുള്ള അവകാശം നിഷേധിക്കപ്പെട്ട് രക്ഷപ്പെടാന്‍ കഴിയാത്ത തരത്തില്‍ ലോകത്തിലെ ഏറ്റവും വലിയ ഭീകരവാദികളായ അമേരിക്കയുടേയും, ഇസ്രായേലിന്റേയും അവരുടെ സഖ്യ ഭീകരന്മാരുടേയും വെടിയേറ്റ് വീണ പതിനായിരക്കണക്കിന് പിഞ്ചു കുഞ്ഞുങ്ങളുടേയും, ആ ഭീകരന്മാരുടെ വെടിയുണ്ടകള്‍ക്കും, ബോംബുകള്‍ക്കും ഇരയായി രക്ഷിതാക്കളെ നഷ്ടപ്പെട്ട് അനാഥരായി ജീവിതം ചോദ്യ ചിഹ്നമായ ലക്ഷകണക്കിന് കുട്ടികളുടേയും ദിനമാണ് ആദ്യം അമേരിക്കയും, അവരുടെ ഏറാന്‍ മൂളികളായ യു എന്നും ആദ്യം ഓര്‍മ്മിക്കേണ്ടതും ആഘോഷിക്കേണ്ടതും.

മലാലയുടെ മുഖംമൂടി അണിഞ്ഞത് കൊണ്ട് ചെന്നായകളുടെ ജനിതക ഘടനയില്‍ മാറ്റം വരില്ലല്ലോ !!!

അബസ്വരം‬ :
മലാലയുടെ തലയില്‍ നിന്ന് എടുത്തു എന്ന് പറയപ്പെടുന്ന ഒരു വെടിയുണ്ട കൊണ്ട് ലക്ഷകണക്കിന് കുട്ടികളുടെ തലയോടുകള്‍ ചിന്നഭിന്നമാക്കിയ വെടിയുണ്ടകളേയും, ബോംബുകളേയും, മിസ്സൈലുകളേയും മറച്ചു വെക്കാന്‍ കഴിയില്ല മക്കളേ കഴിയില്ല...!!

                                                                     132
                                                                     *****
18.07.2013
നല്ല പനി ഉണ്ടാകുമ്പോള്‍ ഉമ്മയെ കെട്ടിപ്പിടിച്ച് കിടക്കുന്നതിന്റെ ആശ്വാസം ഒന്ന് വേറെ തന്നെയാണ്.

‪‎അബസ്വരം‬ :
മാതൃത്വത്തേക്കാള്‍ വലിയൊരു മരുന്നുണ്ടോ ?

                                                                     133
                                                                     *****
19.07.2013
അങ്ങിനെ ബദര്‍ യുദ്ധത്തിന്റെ വീഡിയോ ക്ലിപ്പും കണ്ടു !!!
അത് കാണിച്ചു തന്ന മാതൃഭൂമി ചാനലിന് നല്ല നമസ്ക്കാരം !!!

ഇന്നത്തെ വാര്‍ത്തയില്‍ റംസാനിലെ രണ്ടാമത്തെ പത്തിന്റെ പ്രാധാന്യവും, അതിലാണ് ബദര്‍യുദ്ധം ഉണ്ടായത് എന്ന് പറഞ്ഞു കൊണ്ട് ഒരു യുദ്ധത്തിന്റെ ഗംഭീര ക്ലിപ്പ്. കുതിരയും, അമ്പും വില്ലും... ആകെ ജഗപൊക. ഡി ടി എസ് എഫക്ക്റ്റില്‍ തന്നെ യുദ്ധം ചിത്രീകരിച്ച ക്യാമറാമാനും, പ്രേക്ഷകരിലേക്ക് അതെത്തിക്കാന്‍ സന്മനസ്സ് കാണിച്ച എഡിറ്റോറിയലിനും അബസ്വരാഭിവാദ്യങ്ങള്‍ !!!

അബസ്വരം‬ :
ഇതാണ് മക്കളേ യഥാര്‍ത്ഥ ചാനലിന്റെ ശക്തി എന്നൊക്കെ പറയുന്ന ആ സാധനം.

                                                                     134
                                                                     *****
21.07.2013
എനിക്ക് വായിച്ചു രസിക്കാന്‍ ആവശ്യമായ സാഹിത്യ സൃഷ്ടികള്‍ ഞാന്‍ തന്നെ എഴുതുകയാണ് പതിവ്.

‪‎അബസ്വരം‬ :
ഇമ്മാ, ഇങ്ങനെ ഒക്കെ പറഞ്ഞാ ബുദ്ധിജന്തു ആവുമോ ?

                                                                     135
                                                                     *****
24.07.2013
സംരക്ഷിക്കേണ്ട കരങ്ങള്‍ ജീവനെടുക്കുമ്പോള്‍ ആ കരങ്ങളിലേക്കുള്ള ജീവന്‍ തൂക്കുമരത്തില്‍ കിടന്നാടുക തന്നെ വേണം.
"വധശിക്ഷ പാടില്ല" എന്ന് പറഞ്ഞ് മോങ്ങാന്‍ വരുന്ന മനുഷ്യാവകാശ പ്രവര്‍ത്തകര്‍ക്ക് സാബിറ,ഫിദ,ഫൈഹമാരുടെ നിശ്ചല ശരീരങ്ങളില്‍ കാണാത്ത എന്ത് മനുഷ്യത്വമാകും ഷരീഫിന്റെ മുഖത്ത് ദര്‍ശിക്കാന്‍ ആവുക ?

അബസ്വരം :
ആയിരം നരേന്ദ്രമോഡിമാര്‍ രക്ഷപ്പെട്ടാലും, ഒരു മദനി കൂടി ശിക്ഷിക്കപ്പെടാതിരിക്കരുത് എന്നതാണല്ലോ അഭിനവ നിയമ പുസ്തകത്തില്‍ മൊഴിയുന്നത് !!!

                                                                     136
                                                                     *****
09.08.2013
വൈദ്യുതി ക്ഷാമവും വെള്ളം കമ്മിയും
എന്ന് മൊഴിഞ്ഞ്‌ കറന്റ് ചാര്‍ജ്ജ് കൂട്ടിയ ആര്യാടാ,
വെള്ളം നിറഞ്ഞതറിഞ്ഞില്ലേ ?
വൈദ്യുതി വന്നതറിഞ്ഞില്ലേ ?
എന്നിട്ടെന്താ കുറക്കാത്തേ ?
കറന്റ് ചാര്‍ജ്ജ് കുറക്കാത്തേ ?
കേള്‍ക്കുന്നുണ്ടോ ആരാട്യാ ?
ബോധം പോയോ ആര്യാടാ ?
ഇങ്ങടെ മൂട്ടില്‍ ഷോക്കിനി നല്‍കണോ ആര്യാടാ ?

അബസ്വരം :
ഹലോ, മൈക്ക് ടെസ്റ്റിംഗ്...  മൈക്ക് ടെസ്റ്റിംഗ്...!!

കറന്റ് വകുപ്പ് കുണാഞ്ചന്‍ ആര്യാടന്‍ ഈ പരിസരത്ത് എവിടെയെങ്കിലും ഉണ്ടെങ്കില്‍ ഉടന്‍ വേദിയിലേക്ക് കടന്നു വരേണ്ടതാണ്.

                                                                     137
                                                                     *****
11.08.2013
തിങ്കള്‍ക്കൂറില്‍ ചെങ്കൊടിയും, പട്ടാളവും നേര്‍ക്കുനേര്‍ നില്‍ക്കുന്നതായി കാണുന്നു.
ചൊവ്വക്കൂറില്‍ ചെങ്കൊടിയുടെ ഇടയില്‍ നിന്ന് കല്ല്‌ പട്ടാളത്തിലേക്ക് പതിക്കുന്നതായും, പട്ടാളം, ചെങ്കൊടിയെ സവാരി ഗിരി ഗിരി ആക്കുന്നതായും കാണുന്നു.
ബുധന്‍ കൂറില്‍ സര്‍ക്കാര്‍ വാഹനങ്ങള്‍ക്ക് നേരെ കല്ലുകള്‍, തീ എന്നിവ വരാനുള്ള സാധ്യത കാണുന്നു.
വ്യാഴം കൂറ് മുതല്‍ ഹര്‍ത്താലുകള്‍ക്ക് ഉള്ള സാധ്യതയും കാണുന്നു.

തിരോന്തരം ഭാഗത്തേക്ക് ഉള്ള യാത്രകള്‍ നീട്ടി വെക്കുക.
ഇനി അങ്ങോട്ട്‌ പോയേ പറ്റൂ എന്നുള്ളവര്‍ ഇപ്പോള്‍ മരുന്നുകള്‍ വല്ലതും കഴിക്കുന്നുണ്ടെങ്കില്‍ അതിന്റെ ലിസ്റ്റ് പോക്കറ്റില്‍ ഇടുന്നത് നന്നായിരിക്കും.
ഇന്‍ഷൂറന്‍സ് പോളിസി എടുക്കുന്നത് ഗുണകരമാവും.

അബസ്വരം :
ഒരു കൂട്ടര്‍ക്ക് സമരം, ഒരു കൂട്ടര്‍ക്ക് വാര്‍ത്ത, ഒരു കൂട്ടര്‍ക്ക് അടിക്കാന്‍ കിട്ടിയ ഒഴിഞ്ഞ പുറങ്ങള്‍, പൊതുജനമായ കോരന്മാര്‍ക്ക് കഞ്ഞി കുമ്പിളില്‍ തന്നെ !!!

                                                                     138
                                                                     *****
12.08.2013
വിടുവായിത്തം പറയുന്നതാണ് ഉണ്ണിത്താനെ തല്ലാന്‍ ഉള്ള യോഗ്യതയായി സി പി എം സഖാക്കള്‍ കണക്കാക്കിയത് എങ്കില്‍ ആദ്യം അവര്‍ തല്ലേണ്ടത് വി എസ്സിനെയാണ്.

അധികാരത്തില്‍ വന്നാല്‍ സ്ത്രീ പീഡകരെ കയ്യാമം വെച്ച് നടത്തും എന്നും, മൂന്നാറിലെ എലികളെ പിടിക്കും എന്നും വിടുവായിത്തം അടിച്ച് ഒടുവില്‍ ശവമായ പവനാഴിയുടെ അവസ്ഥയില്‍ എത്തിയ വി എസ്സിനേക്കാള്‍ വലിയൊരു വിടുവായി കേരളത്തില്‍ ഉണ്ടോ ?

അഭിസാരിക, തള്ളച്ചി, വാണം വിടുന്നവന്‍ , മലപ്പുറം കോപ്പിയടിയാദി പദങ്ങള്‍ ഉരുവിട്ട വായയെ വിടുവായിത്ത വായ എന്നല്ലാതെ മറ്റെന്താണ് വിളിക്കുക ?

ആദ്യം സ്വന്തം പാര്‍ട്ടിയിലെ വിടുവായികളെ തച്ചു നന്നാക്കിയ ശേഷം പോരേ മറ്റുള്ള പാര്‍ട്ടികളിലെ വിടുവായികളെ തല്ലുന്നതിനു ന്യായീകരണം കണ്ടെത്തുന്നത് ??

ജയരാജ ശുംഭനാദികളും ഈ ലിസ്റ്റില്‍ ഉള്‍പ്പെട്ടവന്‍ തന്നെ അല്ലേ ?

അബസ്വരം‬ :
സ്വന്തം പറമ്പിലെ മാലിന്യങ്ങള്‍ ആദ്യം ശുദ്ധി ചെയ്ത ശേഷം അന്യന്റെ പറമ്പിലെ മാലിന്യങ്ങള്‍ ശുദ്ധി ചെയ്‌താല്‍ പോരേ കമ്പ്യൂട്ടറിന് ഗോ ബാക്ക് വിളിച്ചവരേയ് ???

                                                                     139
                                                                     *****
13.08.2013
എന്തൊക്കെ ആയിരുന്നു !!

വേലുത്തമ്പിയുടെ വാള്‍, മലപ്പുറം കത്തി, ഒലക്കേടെ മൂട്, ലുട്ടാപ്പീടെ കുന്തം, ശിക്കാരി ശംഭുവിന്റെ തൊപ്പി, മുഖ്യന്റെ രാജി, ജാംബവാന്റെ ജട്ടി, സഖാക്കളുടെ വീര്യം...
എല്ലാം കഴിഞ്ഞിട്ടും ഉമ്മന്‍ തന്നെ മുഖ്യനായി തുടരുന്നു... !!!

ചെയ്യാന്‍ പറ്റാത്ത കാര്യം വീമ്പിളക്കണോ അച്ചുമാമ പിണറായി ഭക്തരേയ് !!!

എന്തായാലും തിരയിളകുന്ന ബക്കറ്റിലെ വെള്ളം കളഞ്ഞ് കുറച്ച് പിരിവ് നടത്തി ആ ബക്കറ്റില്‍ നിറക്കാന്‍ കഴിഞ്ഞു എന്നത് ലാഭം അല്ലേ മുന്‍കാല കമ്പ്യൂട്ടര്‍ വിരോധികളേയ് !!!

അബസ്വരം‬ :
ഇത്തരം സന്ദര്‍ഭങ്ങളില്‍ ഉണ്ടാകുന്ന ചമ്മല്‍, നാണക്കേട്, ശോധനക്കുറവ് എന്നിവ മാറ്റാന്‍ അച്യുതാനന്ദ ഫാര്‍മസിയുടെ അഭിസാരികാരിഷ്ടത്തോടൊപ്പം, ജയരാജ് ഹെര്‍ബല്‍സിന്റെ ശുംഭാദി ലേഹ്യം കഴിക്കുക.

                                                                     140
                                                                     *****
14.08.2013
ദര്‍ശന ടി വിയിലെ ഇ ലോകം പരിപാടിയില്‍ അബസ്വരനും !!!

നാളെ സ്വാതന്ത്ര ദിനത്തില്‍ (ആഗസ്റ്റ്‌ പതിനഞ്ച്) ഭാരത സമയം രാത്രി ഏഴു മണിക്കും, പതിനൊന്നു മണിക്കും, മറ്റന്നാള്‍ രാവിലെ പത്തരക്കും ശ്രീ ശ്രീ ശ്രീ അബസ്വരാനന്ദ തിരുവടികളുടെ ഉപദേശ പ്രസംഗവും, ലിങ്കാനുഗ്രവും ദര്‍ശന ചാനലിലൂടെ നടത്തുന്നു.

കല്ലുകള്‍, കുന്തം, ചീഞ്ഞ കോഴിമുട്ട, തക്കാളി, ചെരിപ്പ് തുടങ്ങിയ പ്രതിഷേധ പ്രയോഗ വസ്തുകള്‍ കയ്യിലെടുത്ത് എന്റെ ഓരോ വാചകത്തിനും നിങ്ങള്‍ക്ക് തോന്നുന്ന കലിപ്പ് നിങ്ങള്‍ കാശ് മുടക്കി വാങ്ങിയ ടി വി സെറ്റില്‍ പ്രയോഗിച്ചു സമാധാനം കൊള്ളണം എന്ന് വിനീതമായി അഭ്യര്‍ത്ഥിക്കുന്നു.

അബസ്വരം‬ :
ഈ പരിപാടി കണ്ടു നിങ്ങള്‍ക്ക് ഉണ്ടാകുന്ന സമയ നഷ്ടം, മാനഹാനി, നട്ടപ്പിരാന്ത്‌, കാശ് നഷ്ടം എന്നിവ കണക്കാക്കാന്‍ തീരുമാനിച്ചിരിക്കുന്നു. ആയത് കൊണ്ട് നഷ്ടപരിഹാരം ആയി നിങ്ങള്‍ കണക്കാക്കിയ തുക ഞമ്മിന്റെ അക്കൌണ്ടിലേക്ക് അയച്ചു തരുവാന്‍ അപേക്ഷ !!!

                                                                     141
                                                                     *****
18.08.2013
"ദുബായിയും പരശുരാമന്റെ മഴുവിനാലോ?" എന്ന പുതിയ ബ്ലോഗ്‌ പോസ്റ്റിനെ തുടര്‍ന്ന് ഇന്‍ബോക്സിലേക്ക് നല്ല നല്ല മലയാള മെസേജുകള്‍ വരുന്നു.

ഈ പോസ്റ്റില്‍ ഒരു മതത്തേയും കളിയാക്കിയിട്ടില്ല. നമ്മള്‍ കേള്‍ക്കുന്ന ചില കഥകള്‍ക്ക് അല്‍പ്പം പൊടിപ്പും, തൊങ്ങലും വെച്ച് കൊടുത്തു എന്ന് മാത്രം. എന്നാല്‍ പലപ്പോഴും ചില മതങ്ങളെ പറ്റി മോശമായ സിനിമകളും, മറ്റു രചനകളും വരുമ്പോള്‍ അതിനെ ന്യായീകരിക്കാനായി "ആവിഷ്ക്കാര സ്വാതന്ത്ര്യം" എന്ന ബാന്നര്‍ പൊക്കി പിടിക്കുന്നവര്‍ക്ക്, ചാനലുകളില്‍ പരശുരാമനും, വിശ്വാമിത്രനും ഒക്കെ കോമാളിയായി അരങ്ങു തകര്‍ക്കുമ്പോള്‍ കയ്യടിക്കുന്നവര്‍ക്ക് ഇത്തരം ഒരു പോസ്റ്റ്‌ ഉള്‍ക്കൊള്ളാന്‍ കഴിയാതെ പോകുന്നതിന്റെ ഗുട്ടന്‍സ് രണ്ടുവട്ടം ചിന്തിക്കുന്നത് നന്നായിയിക്കും.

അബസ്വരം :
ആവിഷ്ക്കാര സ്വാന്തന്ത്ര്യം രാജ്യത്ത് ഉണ്ടെങ്കില്‍ എല്ലാവര്‍ക്കും വേണം. ഇല്ലെങ്കില്‍ ആര്‍ക്കും വേണ്ട. അല്ലാതെ ഒരേ പന്തിയില്‍ രണ്ട് ചോറ് വിളമ്പാനുള്ള ലൈസന്‍സ് അല്ലല്ലോ ആവിഷ്ക്കാര സ്വാതന്ത്ര്യം !!!

                                                                     142
                                                                     *****
21.08.2013 :
ഇന്ത്യയിലെ കായികരംഗത്തെ കോച്ചുമാര്‍ക്ക് നല്‍കുന്ന പരമോന്നത ബഹുമതിയാണല്ലോ ദ്രോണാചാര്യ അവാര്‍ഡ്.

വിദ്യ അഭ്യസിക്കാനായി തന്നെ തേടിവന്ന ഏകലവ്യനെ പരിശീലിപ്പിക്കാതിരിക്കുകയും, പിന്നീട് ദക്ഷിണയായി വലതുകയ്യിലെ അദ്ദേഹത്തിന്റെ പെരുവിരല്‍ മുറിച്ചു വാങ്ങുകയും ചെയ്ത ദ്രോണാചാര്യരുടെ പേരില്‍ ഉള്ള അവാര്‍ഡ് യഥാര്‍ത്ഥത്തില്‍ അത് നേടിയവരെ അപമാനിക്കുന്നതിന് തുല്യമല്ലേ ?
ഒരു മികച്ച കോച്ച് ഒരിക്കലും ഇങ്ങിനെയല്ലല്ലോ പെരുമാറേണ്ടത് !!!

ഇങ്ങിനെയുള്ള ഒരുത്തന്റെ പേരാണോ അവാര്‍ഡിന് ഇടേണ്ടത് ?

ഇന്ത്യയില്‍ എത്രയോ മികച്ച കോച്ചുമാര്‍ ഉണ്ടായിട്ടുണ്ട്. അവരുടെ പേരിലോ, അല്ലെങ്കില്‍ "ഖേല്‍ രത്ന", "ഭാരത് രത്ന" എന്നൊക്കെ പറയുമ്പോലെ "കോച്ച് രത്ന" എന്ന പേരിലോ ഈ അവാര്‍ഡ് പുനര്‍നാമകരണം ചെയ്യേണ്ടതല്ലേ ?

ഏത് വിഡ്ഢിയാണാവോ അവാര്‍ഡിന് ഈ പേര് നിര്‍ദ്ദേശിച്ചത് ?

അബസ്വരം :
സമാധാനത്തിനുള്ള അവാര്‍ഡിന്റെ പേര് "ബിന്‍ ലാദന്‍ അവാര്‍ഡ്" എന്നോ "നരേന്ദ്ര മോഡി  അവാര്‍ഡ്" എന്നോ കൂടി ആക്കിയാല്‍ എല്ലാം വൃത്തിയായി !!!

                                                                     143
                                                                     *****
22.08.2013
അയ്യോ രൂപേ താവല്ലേ
ഇനിയും മൂല്യം താവല്ലേ
ഇനിയും മൂല്യം താന്നാല്
മ്മടെ കറന്‍സിയെ ടിഷ്യൂ ആക്കും
സായിപ്പ് പിന്നെ കാഷ്ടിച്ചാല്‍
അന്നെ തൊടക്കാന്‍ എടുക്ക്വല്ലോ

അബസ്വരം :
കണക്കപ്പിള്ളയെ പിടിച്ച് പ്രധാനമന്ത്രിയാക്കിയപ്പോ കണക്കാകെ തെറ്റിയല്ലോ ഗാന്ധിപ്പാപ്പാ !!!

                                                                     144
                                                                     *****
24.08.2013
"ഇന്ത്യ ഒരു കംപ്യൂട്ടറാണെങ്കില്‍ കോണ്‍ഗ്രസ് ആ കംപ്യൂട്ടറിലെ ഡിഫാള്‍ട്ട് പ്രോഗ്രാമാണ്" - രാഹുല്‍ ഗാന്ധി.

മോനേ രാഹൂ, പറയുമ്പോ അച്ചരം തെറ്റാതെ പറയണം. "ഡിഫാള്‍ട്ട്" പ്രോഗ്രാം എന്നല്ല "ഫാള്‍ട്ട്" പ്രോഗ്രാം എന്ന് തന്നെ തെറ്റാതെ പറയ്‌ ചെക്കാ....

അബസ്വരം :
പ്രശ്നാക്കണ്ട മക്കളേ...
ഓന് ഒറക്കത്തില്‍ സ്വപ്നം കണ്ടതാ...
വയസ്സറീച്ചിട്ടും  പെണ്ണ് കേട്ടാതിരുന്നാ ഇങ്ങനെ പല സ്വപ്നവും കാണും. ക്ഷമിച്ചാളിം !!!

                                                                     145
                                                                     *****
25.08.2013
എന്റെ പോസ്റ്റുകളില്‍ ഉള്ള അസംപ്തൃപ്തി കാരണം ഇന്ന് ഒരു ചങ്ങായി എന്നെ ഫ്രണ്ട് ലിസ്റ്റില്‍ നിന്ന് തട്ടി.

ഞാന്‍ മത വിഷയങ്ങള്‍ ഇടുന്നത് ഒന്നും ചങ്ങായിക്ക് ദഹിക്കുന്നില്ലത്രേ !!! 

ആ വ്യക്തിക്ക് എന്നെ ഫ്രണ്ട് ലിസ്റ്റില്‍ നിന്ന് തട്ടാന്‍ ഉള്ള എല്ലാ സ്വാതന്ത്ര്യവും ഉണ്ട്. ഞാന്‍ എന്ത് എഴുതണം, എഴുതാതിരിക്കണം എന്നൊക്കെ തീരുമാനിക്കാനുള്ള സ്വാതന്ത്ര്യം എനിക്കുള്ള പോലെ തന്നെ.

തുമ്പിയാല്‍ തെറിക്കുന്ന സൌഹൃദത്തേക്കാള്‍ ഒരു വ്യക്തിക്ക് വലുത് ഉറച്ചു നില്‍ക്കാന്‍ കഴിയുന്ന സ്വന്തം നിലപാടുകളും, കാഴ്ചപ്പാടുകളും തന്നെയല്ലേ ??

അല്ല ഒരു കാര്യം ചോദിക്കട്ടെ ? ആശയങ്ങളോ, നിലപാടുകളോ വ്യത്യസ്തമായിരിക്കുമ്പോഴും രണ്ടു വ്യക്തികള്‍ തമ്മിലുള്ള സൌഹൃദം സാധ്യമല്ലേ ?

അബസ്വരം :
നിന്റെ ചെക്കനെ അവിടെ കിടത്തിയിട്ട് എന്റെ ചെക്കനെ എടുക്ക് !!!

                                                                     146
                                                                     *****
28.08.2013
"സാമ്പത്തിക നില ഭദ്രം" - കെ. എം. മാണി.

അബസ്വരം :
മാണിച്ചായന്‍ മാണിച്ചായന്റേയും കുടുംബത്തിന്റേയും കാര്യമാ പറഞ്ഞത്. തെറ്റിദ്ധരിക്കേണ്ട നാട്ടുകാരേ !!!

നാട്ടുകാരുടെ സ്ഥിതി കുമ്പിളിലെ കഞ്ഞി തന്നെയാ !!!

                                                                     147
                                                                     *****
28.08.2013
ഇന്ന് ശ്രീകൃഷ്ണ ജയന്തിയോട് അനുബന്ധിച്ച് കണ്ട ചില പോസ്റ്റുകള്‍ ആണ് ഇതിലേക്ക് നയിച്ചത്.
പ്രത്യേകിച്ച് മൂന്നു പരാമര്‍ശങ്ങള്‍ ആണ് ശ്രദ്ധയില്‍പ്പെട്ടത്.

അതില്‍ ആദ്യത്തേതിലെ വിമര്‍ശനം "ഒരു കഥയിലെ കഥാപാത്രത്തിനു ജന്മദിനം ആഘോഷിക്കുന്നു" എന്നതായിരുന്നു. കൂടെ കൃഷ്ണന്റെ ചില നെഗറ്റീവ് സ്വഭാവങ്ങളെ പറ്റിയുള്ള പരാമര്‍ശങ്ങളും !!! രണ്ടാമത്തേതില്‍ "ശോഭയാത്ര" എന്ന പേരില്‍ മൈക്ക് എടുത്ത് ശബ്ദ മലിനീകരണം ഉണ്ടാക്കുന്നതിനേയും, ആ ഘോഷയാത്രയില്‍ റോഡുകള്‍ ബ്ലോക്ക് ആക്കുന്നതിനേയും വിമര്‍ശിച്ചുള്ളതായിരുന്നു. വിമര്‍ശകരുടെ മൂന്നാമത്തെ വിഷയം കൃഷ്ണജയന്തിയുടെ പേരില്‍ പൊതു അവധി നല്‍കിയതിലുള്ള എതിര്‍പ്പും ആയിരുന്നു.

തന്റെ മതവിശ്വാസ പ്രകാരം ജീവിക്കാനും, പ്രവര്‍ത്തിക്കാനും ഉള്ള സ്വാന്തന്ത്ര്യം നല്‍കുന്ന മതേതരത്വം ആണല്ലോ ഇന്ത്യന്‍ ഭരണ ഘടന വിഭാവനം ചെയ്യുന്നത്. അതുകൊണ്ട് തന്നെ ഒരു കഥയിലെ കഥാപാത്രത്തിനു ജന്മദിനം ആഘോഷിക്കാന്‍ താല്പര്യമുള്ളവര്‍ക്കും, ശ്രീകൃഷ്ണന്‍ ജീവിച്ചിരുന്നു എന്ന് വിശ്വസിക്കുന്നവര്‍ക്കും, നെഗറ്റീവ് സ്വഭാവങ്ങള്‍ എന്ന് പറയപ്പെടുന്നവ അംഗീകരിച്ചു ശ്രീകൃഷ്ണനെ ആരാധിക്കാന്‍ താല്പര്യം ഉള്ളവര്‍ക്കും അത് ചെയ്യുന്നതിന് സ്വാതന്ത്ര്യം ഇല്ലേ ?

രണ്ടാമത്തെ വിഷയമായ ശബ്ദമലിനീകരണം എന്നിവ ഇന്ത്യയില്‍ കൃഷ്ണ ജയന്തിയുടെ അന്ന് മാത്രം പൊട്ടി മുളച്ച് വരുന്ന ഒരു സംഭവം ഒന്നും അല്ല. എല്ലാ മത വിഭാഗങ്ങള്‍ക്കും ഇതു പോലെ മൈക്ക എടുക്കേണ്ട അവസരങ്ങള്‍ വരാറുണ്ട്. രാഷ്ട്രീയ പാര്‍ട്ടികളും മൈക്കയെടുത്ത് ഒച്ചയും ബഹളവും റോഡ്‌ ബ്ലോക്ക് ആക്കലും എല്ലാം ചെയ്യാറുണ്ട്. ഇതിലൊന്നും ഉണ്ടാവാത്ത എന്ത് ശബ്ദമലിനീകരണം ആണ് ഈ ദിനത്തില്‍ ഉണ്ടാവുന്നത് ?

റോഡ്‌ ബ്ലോക്ക് ആക്കുന്നതിനു എതിരെ പ്രതികരിക്കണം എങ്കില്‍ ആദ്യം അത് രാഷ്ട്രീയ പാര്‍ട്ടികളുടെ പരിപാടികള്‍ക്ക് എതിരെയാണ് ചെയ്യേണ്ടത്. കാരണം മതപരമായ ചടങ്ങുകള്‍ക്ക് ഒരു വര്‍ഷം നമ്മുടെ നാട്ടില്‍ ഉണ്ടാവുന്നതിന്റെ എത്രയോ ഇരട്ടിയാണ് രാഷ്ട്രീയ വിഷയങ്ങളുടെ പേരില്‍ റോഡ്‌ ബ്ലോക്ക് ആകാറുള്ളത്. ശബ്ദ മലിനീകരണവും അങ്ങിനെ തന്നെ. ബ്ലോക്കുകള്‍ ഒഴിവാക്കാന്‍ റോഡില്‍ വെച്ചുള്ള എല്ലാ മത രാഷ്ട്രീയ ചടങ്ങുകളും നിരോധിക്കുകയാണെങ്കില്‍ തീര്‍ച്ചയായും അതിനെ സ്വാഗതം ചെയ്യും. അല്ലാതെ മത ചടങ്ങുകള്‍ക്ക് മാത്രം വിമര്‍ശനം ഉന്നയിക്കേണ്ടതില്ലല്ലോ !!!

പിന്നെ ഉള്ള വിഷയം പൊതു അവധിയാണ്. അത് കേട്ടാല്‍ തോന്നും ഈ വിമര്‍ശനം ഉഅന്നയിക്കുന്നവര്‍ എല്ലാം അവധി എടുക്കാതെ ജോലി ചെയ്യാന്‍ പോവുകയാണ് എന്ന് !!! പുട്ടില്‍ തേങ്ങ ഇടുമ്പോലെ, ജോലി ദിനങ്ങള്‍ക്ക് ഇടയില്‍ എന്തെങ്കിലും ഒക്കെ അവധി ദിനങ്ങള്‍ വേണ്ടേ ? അല്ലാതെ ഹര്‍ത്താല്‍ അവധികള്‍ മാത്രം പോരല്ലോ...

ഒരു കാര്യം കൂടി പറയാം...
മുകളില്‍ പറഞ്ഞ തരത്തില്‍ ഉള്ള വിമര്‍ശന പോസ്റ്റുകള്‍ പ്രധാനമായും രണ്ടു കൂട്ടരാണ്. ഒന്ന് യുക്തിവാദികളും, രണ്ടു മാര്‍ക്കിസ്റ്റ് ആരാധകരും. അവരുടെ പ്രൊഫൈലിലൂടെ കണ്ണോടിച്ചപ്പോള്‍ മനസ്സിലാക്കിയ കാര്യം...

അവരുടെ വിമര്‍ശനത്തിന്റെ ഗുട്ടന്‍സ് ഇപ്പൊ പുടി കിട്ടിയാ.... !!!

അബസ്വരം :
ഇഷ്ടമറ്റവന്‍ അഷ്ടമത്ത് ശനിയന്‍ !!!

                                                                     148
                                                                     *****
30.08.2013
അങ്ങിനെ ഒരു കൂത്തറ മത്സരത്തിലൂടെ ഒന്നാം നമ്പര്‍ കൂത്തറയെ സൂര്യാ ടി വി കണ്ടെത്തി !!!

അബസ്വരം :
ചീഞ്ഞ കോഴിമുട്ടക്ക് കള്ളുഷാപ്പില്‍ മോക്ഷം !

                                                                     149
                                                                     *****
03.09.2013
"പതിനാറുകാരിയെ പീഡിപ്പിച്ച കേസില്‍ പ്രമുഖ ആത്മീയ നേതാവ് ആശാറാം ബാപ്പു പോലീസ് പിടിയിലായതോടെ സ്ത്രീകളില്‍ നിന്നും അകന്നു നില്ക്കണമെന്ന് സന്യാസി സമൂഹത്തോട് യോഗ ആചാര്യന്‍ ബാബാ രാംദേവ്. അന്യ സ്ത്രീകളില്‍ നിന്നും മാത്രമല്ല, സ്വന്തം അമ്മ, പെണ്‍മക്കള്‍, ജാമാതാവ് ഉള്‍പ്പെടെയുള്ള സ്ത്രീകളോടും നിശ്ചിത അകലം പാലിക്കണമെന്നാണ് സന്യാസിമാരോടും ആത്മീയ ആചാര്യന്മാരോടും യോഗാ സ്വാമി നിദ്ദേശിക്കുന്നത്. " - വാര്‍ത്ത.

ഹഹഹ... ഇത് കൊള്ളാലോ സ്വാമിക്കാക്കാ...!!!

ഇത്രേം കണ്ട്രോള്‍ ഇല്ലാത്തവരേയാണോ "സന്യാസി"  എന്ന് വിളിക്കുന്നത് ???

അമ്മേം, പെങ്ങളേം  പോലും തിരിച്ചറിയാത്തവരെ എങ്ങിനെയാ കോയാ  "സന്യാസി" എന്ന് വിളിക്കുക ?

അങ്ങിനെ കണ്ട്രോള്‍ ഇല്ലാത്തവരെ "സന്യാസി" എന്നല്ല കോയാ വിളിക്കേണ്ടത്, മറിച്ച് "കാമാസി" എന്നാണ്. 

അബസ്വരം :
കാമാസി കാഷായ വസ്ത്രം ധരിച്ചാല്‍ സന്യാസിയാകില്ല !!

                                                                     150
                                                                     *****
06.09.2013
ഡല്‍ഹി: പോലീസ് കസ്റ്റഡിയില്‍ കഴിയുന്ന ആശാറാം ബാപു തന്റെ കാര്യങ്ങള്‍ നിറവേറ്റുന്നതിനായി നടത്തുന്ന ആവശ്യങ്ങളും ഇപ്പോള്‍ വാര്‍ത്തയാകുകയാണ്. പ്രായ പൂര്‍ത്തിയാകാത്ത പെണ്‍കുട്ടിയെ മാനഭംഗപ്പെടുത്തിയ കേസില്‍ ജോധ്പൂര്‍ ജയിലില്‍ കഴിയുന്ന ആള്‍ദൈവം ആശാറാം ബാപ്പു തന്റെ ചികിത്സയ്ക്കായി വനിതാ ഡോക്ടറെ ആവശ്യപ്പെട്ടു. തന്റെ പരിചരണത്തിനായി ലേഡി ആയൂര്‍വേദ ഡോക്‌ടറെ വേണമെന്ന് ജോധ്‌പൂര്‍ കോടതിയില്‍ നല്‍കിയ അപേക്ഷയിലൂടെ ബാപ്പു ആവശ്യപ്പെട്ടത്. - വാര്‍ത്ത

അബസ്വരം :
ഒരു പര്‍ദ്ദ ഇട്ട് മ്മള്‍ ഒന്ന് പോയി നോക്കിയാലോ...
മൂപ്പരുടെ സുനാപ്ലി മര്‍മ്മത്തിനിട്ട് ഒരു പണി കൊടുത്ത് വരാം !!!

                                                                     151
                                                                     *****
08.09.2013
"താന്‍ മദ്യപിക്കാറുണ്ടെങ്കിലും മദ്യപിച്ചു ലക്കുകെടാറില്ലെന്ന് ടെലിവിഷന്‍ അവതാരക രഞ്ജിനി ഹരിദാസ്." - വാര്‍ത്ത.

അബസ്വരം :
ജന്മനാ ഇല്ലാത്ത ഒന്നും കെടുത്താന്‍ മദ്യത്തിനാവില്ലല്ലോ !!!

                                                                     152
                                                                     *****
11.09.2013
ടി പി വധക്കേസിലെ ചിലരെ തെളിവില്ലാതെ വെറുതെ വിട്ടു എന്ന് കേട്ടപ്പോഴേക്കും ആഘോഷം തുടങ്ങിയ സഖാക്കള്‍ മനസ്സിലാക്കേണ്ട ഒരു കാര്യം ഉണ്ട്.

"ടി പി യെ ഇവര്‍ കൊന്നിട്ടില്ല" എന്ന് കോടതിക്ക് നിസ്സംശയം ബോധ്യപ്പെട്ടതിന്റെ പേരില്‍ അല്ല ഇവരെ വെറുതെ വിട്ടിരിക്കുന്നത്. മറിച്ച് "ഇവര്‍ ടി പി യെ കൊന്നതിന്റെ എല്ലാ തെളിവുകളും കോടതിക്ക് മുന്നില്‍ ഹാജരാക്കാന്‍ കഴിഞ്ഞിട്ടില്ല" എന്നതാണ് ഇവരെ വെറുതെ വിടാന്‍ കാരണം.

ടി പി സ്വയം കഴുത്തില്‍ വെട്ടി ആത്മഹത്യ ചെയ്തതാണ് എന്നും കോടതി കണ്ടെത്തിയിട്ടില്ല !!!

ആയിരം കുറ്റവാളികള്‍ രക്ഷപ്പെട്ടാലും, ഒരു നിരപരാധി കൂടി ശിക്ഷിക്കപ്പെടരുത് എന്നതാണല്ലോ നമ്മുടെ നിയമത്തിന്റെ ആപ്തവാക്യം.
നിരപരാധികള്‍ ശിക്ഷിക്കപ്പെടുന്നുണ്ടെങ്കില്‍ കൂടി !!!

രാഷ്ട്രീയത്തില്‍ അവരവരുടെ കാര്യം വരുമ്പോള്‍ ഇടതനും, വലതനും, നടുക്കഷ്ണവും എല്ലാം ഒറ്റക്കെട്ട് ആണ്. അവരുടെ കാര്യ ലാഭത്തിനായി തെളിവുകള്‍ പലതും അവര്‍ മുക്കും. പരസ്പരം സഹായിക്കും. പൊതുജനം കഴുതയാവുകയും ചെയ്യും !!!

ടി പി യെ ആര് കൊന്നു എന്നും എന്തിനു കൊല്ലിച്ചു എന്നും മനസ്സിലാക്കാന്‍ സാമാന്യ ബോധം മതി. അന്ധമായ പാര്‍ട്ടി വിശ്വാസമുള്ള, പാര്‍ട്ടി എന്ത് അമേധ്യം വിസര്‍ജ്ജിച്ചാലും അത് വിഴുങ്ങാന്‍ തയ്യാറായ മനസ്സുമുള്ള സി പി എം കാര്‍ക്ക് ഒഴികെ ബാക്കി എല്ലാവര്‍ക്കും ഇത് തിരിച്ചറിയാന്‍ കഴിയുകയും ചെയ്യും.

അബസ്വരം :
മുറി പൊറുത്താലും കല കിടക്കും !!
                                                                     153
                                                                     *****
13.09.2013
ടി പി വധക്കേസിന്റെ അന്തിമ വിധി :

വീട്ടിലെ മാവ് മുറിക്കാനായി തന്നെ കൊണ്ട് വരുകയും, എന്നാല്‍ തന്നെ ഉപയോഗിക്കാതെ മെഷീന്‍ കട്ടര്‍ ഉപയോഗിച്ച് മാവ് മുറിക്കുകയും ചെയ്ത് തന്നെ അപമാനിച്ചതില്‍ ഒന്നാം പ്രതിയായ കോടാലിക്ക് ടി പി യോടുണ്ടായ വ്യക്തി വൈര്യാഗ്യമാണ് ഈ കൊലക്ക് പിന്നില്‍ എന്ന് സംശയാതീതമായി കോടതിക്ക് ബോധ്യപ്പെട്ടിരിക്കുന്നു. രാത്രി ടി പി ബൈക്കില്‍ സഞ്ചരിക്കുന്നത് വഴിവക്കില്‍ കിടന്ന കോടാലി കാണുകയും, കണ്ണിലേക്ക് ബൈക്കിന്റെ ഹെഡ് ലൈറ്റ് വന്നപ്പോള്‍ പ്രതി പ്രോകോപിതനാവുകയും ചെയ്തു. ഉള്ളില്‍ കിടന്നിരുന്ന മുന്‍കാല വൈരാഗ്യം കൂടി ആളിക്കത്തിയതോടെ പ്രതി കോടാലി ടി പിയുടെ കഴുത്തിലും, മുഖത്തുമായി 51 വെട്ടുകള്‍ വെട്ടി പക തീര്‍ക്കുകയായിരുന്നു.
പ്രതിക്കെതിരെ ചുമത്തിയ കുറ്റം സംശയാതീതമായി തെളിഞ്ഞതിനാല്‍ ഒന്നാം പ്രതി കോടാലിയെ മരണം വരെ തൂക്കിക്കൊല്ലാന്‍ ഈ കോടതി ഉത്തരവിടുന്നു. മറ്റാര്‍ക്കും ഈ കൊലപാതകത്തില്‍ ഒരു പങ്കും ഇല്ല എന്നുകൂടി കോടതിക്ക് ബോധ്യമായതിനാല്‍ ബാക്കി കുറ്റാരോപിതരെ വെറുതെ വിടാനും ഈ ബഹുമാനപ്പെട്ട കോടതി ഉത്തരവിടുന്നു.

അബസ്വരം :
ആയിരം കുറ്റവാളികളെ രക്ഷപ്പെടുത്തിയാലും ഒരു നിരപരാധിയെ രക്ഷപ്പെടുത്തരുത് !!!

                                                                     154
                                                                     *****
14.09.2013
മലയാളിയുടെ പ്രതീക്ഷയുടെ പ്രതീകമാണ് ഓണം.

കേരള ഭരണം കള്ളന്മാരുടേയും, അഴിമതിക്കാരുടേയും കയ്യില്‍ എത്തുമെന്നും. അപ്പോള്‍ കേരള ജനതക്ക് മഹാനായ ഭരണാധികാരി എന്താണ് എന്ന് മനസ്സിലാക്കാനും, പ്രത്യാശയുടെ ഒരു കിരണം ലഭിക്കാനും ആയിരിക്കുമോ നമ്മുടെ മുന്‍ഗാമികള്‍ ദീര്‍ഘദൃഷ്ടിയോടെ ഓണം എന്ന ആഘോഷം ജീവിതചര്യയുടെ ഭാഗം ആക്കിയത് ??

'കേരളത്തില്‍ നന്മയെ തിന്മ ചവിട്ടി താഴ്ത്തും" എന്നൊരു ദീര്‍ഘ വീക്ഷണം കൂടി ഓണത്തിനു ആരംഭം കുറിച്ചവരുടെ മനസ്സില്‍ ഉണ്ടായിരുന്നുവോ ?

വരില്ല എന്ന് അറിഞ്ഞിട്ടും, മഹാബലിയെ കാത്തിരിക്കുന്ന പോലെ നീതിമാനായ ഒരു ഭരണാധികാരി കേരളത്തില്‍ ഇനിയും ഉണ്ടാവും എന്ന അതിമോഹത്തോടെ, മലയാളത്തെ കൊല്ലാതെ മലയാളം സംസാരിക്കുന്ന എല്ലാ മലയാളികള്‍ക്കും ഓണാശംസകള്‍ !!! 

അബസ്വരം :
ആഘോഷം എന്തായാലും അടിച്ചു പൂസാവാന്‍ അവധി കിട്ടിയാല്‍ മതി.

                                                                     155
                                                                     *****
15.09.2013
രണ്ടു ദിവസങ്ങള്‍ക്ക് മുന്‍പ് ടി പി വധക്കേസുമായി ബന്ധപ്പെട്ട് ഒന്നാം പ്രതിയും, ഏക പ്രതിയുമായ കോടാലിയെ തൂക്കിക്കൊല്ലും എന്ന ഒരു പോസ്റ്റ്‌ ഇട്ടിരുന്നല്ലോ. ആ പോസ്റ്റില്‍ ഒരു രാഷ്ട്രീയ പാര്‍ട്ടിയുടേയോ, നേതാവിന്റെയോ പേര് പറഞ്ഞിട്ടുണ്ടായിരുന്നില്ല. എന്നിട്ടും പല ഗ്രൂപ്പുകളിലും വെച്ച് പല സിപിഎംകാരും ആ പോസ്റ്റിനു നേരെ വിമര്‍ശനങ്ങള്‍ ഉന്നയിക്കുകയും, പോസ്റ്റ്‌ ഇട്ട എന്നെ ലീഗുക്കാരന്‍ ആക്കുകയും ചെയ്തു.

സി പി എം പാര്‍ട്ടിയുടെ പേര് പോലും പറയാത്ത സ്ഥിതിക്ക് ടി പി എന്ന് കേള്‍ക്കുമ്പോഴേക്കും സിപിഎം ക്കാര്‍ എന്തിനാണ് പ്രകോപിതര്‍ ആകുന്നത് ? ടി പി യെ കൊന്നത് തങ്ങള്‍ തന്നെയാണ് എന്ന വസ്തുത മനസ്സിലാക്കിയത് കൊണ്ട് തന്നെയല്ലേ ഇത്തരം പോസ്റ്റുകള്‍ കാണുമ്പോഴേക്കും സഖാക്കളുടെ നിയന്ത്രണം വിടുന്നത് ?

സി പി എമ്മിന് എതിരേ പോസ്റ്റ്‌ ഇടുന്നവര്‍ എല്ലാം ലീഗുക്കാര്‍ ആവും എന്ന് മൂലധനത്തിലൂടെ മാര്‍ക്ക്സ് അണികളെ പഠിപ്പിച്ചിട്ടുണ്ടോ ?

സി പി എമ്മുക്കാരേ,
നിങ്ങളുടെ പാര്‍ട്ടിക്ക് നേരെ വിമര്‍ശനങ്ങള്‍ ഉന്നയിക്കുന്നവരെ എല്ലാം ലീഗുക്കാരോ, എതിര്‍ പാര്‍ട്ടിക്കാരോ ആക്കി ആ പാര്‍ട്ടികള്‍ ചെയ്ത തെറ്റുകള്‍ വിളിച്ചു പറഞ്ഞാല്‍ നിങ്ങളുടെ പാര്‍ട്ടി ചെയ്ത തെറ്റുകള്‍ ഇല്ലാതാവുകയോ, ലഘൂകരിക്കപ്പെടുകയോ ചെയ്യില്ല എന്ന് ഇനിയെങ്കിലും മനസ്സിലാക്കുക. ബാല്യാവസ്ഥയിലുള്ള ആ ചിന്ത ഇനിയെങ്കിലും മാറ്റി വെക്കുക. മിനിമം പക്വതയെങ്കിലും കാണിക്കുക !!

മറ്റൊരു പാര്‍ട്ടി ചെയ്ത തെറ്റുകള്‍ തങ്ങളുടെ പാര്‍ട്ടിക്ക് തെറ്റുകള്‍ ചെയ്യാന്‍ ഉള്ള ലൈസന്‍സ് അല്ല എന്നും തിരിച്ചറിയുക. ഇത്തരം പോഴത്തര നിലപാടുകള്‍ എന്ന് നിങ്ങള്‍ തിരുത്തുന്നുവോ അതുവരെ നിങ്ങള്‍ സമൂഹത്തിന്റെ മുന്നില്‍ അപഹാസ്യരായി തുടരുക തന്നെ ചെയ്യും. നേതാക്കള്‍ എന്ത് മണ്ടത്തരം വിളമ്പിയാലും അത് മൂക്ക് മുട്ടെ തിന്നു ഏമ്പക്കം വിടുവാന്‍ തയ്യാറായ പൊട്ടക്കിണറ്റിലെ അന്തേവാസികള്‍ ഒഴികെ ബാക്കി എല്ലാവര്‍ക്കും കാര്യങ്ങള്‍ തിരിയും എന്ന് തിരിച്ചറിയുമല്ലോ !!!

അബസ്വരം :
ഞങ്ങളെ കണ്ടാല്‍ ടി പിയെ കൊന്നവരാണെന്ന് തോന്നുമോ ?? !!

                                                                     156
                                                                     *****
22.09.2013
മുസ്ലിം പെണ്‍കുട്ടികളുടെ വിവാഹപ്രായം സംബന്ധിച്ചുള്ള ബ്ലോഗ്‌ പോസ്റ്റില്‍ ഒരു ചെങ്ങായി ഇട്ട കമന്റ് :

"ഇതൊരു സാമുദായിക വിഷയമാണെങ്കിൽ, മറ്റ് മതക്കാർക്ക് ഇതിൽ കാര്യം ഇല്ലെങ്കിൽ , അനുകൂലിക്കുന്ന സമുദായത്തിനു മാത്രമായി എല്ലാ ശരിയത്ത് നിയമങ്ങളും കൂടി ബാധകമാക്കട്ടെ...ഉദാ വ്യഭിചാരത്തിനു തലവെട്ട്, മോഷണത്തിനു കൈവെട്ട് ...അപ്പോളിതിനു വേണ്ടി നടക്കുന്ന മിക്കവാറും എല്ലാ കിളവന്മാർക്കും പരലോകം പൂകാം... സുഹിക്കാനുള്ള വിശ്വാസം മാത്രം നടപ്പിലാക്കിയാൽ പോരല്ലോ .."

ഈ കമന്റ് ഇട്ടത് ഒരു വ്യാജ പ്രൊഫൈലില്‍ നിന്നാണ്. പക്ഷേ ഇഷ്ടന്റെ കമന്റ് എനിക്ക് പെരുത്ത് ഇഷ്ടമായി.

വ്യഭിചാരത്തിനു തലവെട്ട്, മോഷണത്തിനു കൈവെട്ട് തുടങ്ങിയ ശരീഅത്ത് നിയമങ്ങള്‍ മുസ്ലിങ്ങള്‍ക്ക് ഇടയില്‍ നടപ്പിലാക്കുന്നതിനെ ഞാന്‍ സ്വാഗതം ചെയ്യുന്നു.

അതോടൊപ്പം തന്നെ മറ്റൊരു കാര്യം കൂടി ചെയ്യാന്‍ സര്‍ക്കാര്‍ തയ്യാറാവണം. അതായത് ഈ നിയമം മുസ്ലിങ്ങള്‍ക്ക് ഇടയില്‍ നടപ്പിലാക്കി അഞ്ചു വര്‍ഷങ്ങള്‍ക്ക് ശേഷം ഈ നിയമങ്ങള്‍ മുസ്ലിങ്ങളുടെ ഇടയിലുള്ള കുറ്റകൃത്യങ്ങള്‍ക്ക് ഗണ്യമായ കുറവ് വരുത്തിയിട്ടുണ്ടോ എന്ന് പരിശോധിക്കുക. അങ്ങിനെ കുറവ് വരുത്താന്‍ കഴിഞ്ഞിട്ടുണ്ട് എങ്കില്‍ ഈ ശിക്ഷാ വിധികള്‍ ഇന്ത്യന്‍ നിയമവ്യവസ്ഥയുടെ ഭാഗം ആക്കുക.

നിയമം ഏതു മതത്തിന്റേത് ആയാലും കുറ്റകൃത്യങ്ങള്‍ കുറക്കുക എന്നത് തന്നെയാണല്ലോ ഒരു രാജ്യത്തിന്റെ വളര്‍ച്ചക്ക് ഏറ്റവും നിര്‍ണ്ണായകമായിട്ടുള്ളത്.

അബസ്വരം :
പിന്തുണക്കാന്‍ ചങ്കൂറ്റം ഉണ്ടോ ?

                                                                     157
                                                                     *****
25.09.2013
സോഷ്യല്‍ മീഡിയകളില്‍ ഒരു മുസ്ലിം അവന്റെ മതമായ ഇസ്ലാമിന്റെ കാഴ്ചപ്പാടുകളോട് ചേര്‍ന്ന് നിന്ന് സംസാരിച്ചാല്‍ അവന്‍ വര്‍ഗ്ഗീയവാദിയും, തീവ്രവാദിയും, താലിബാനിസ്റ്റും ആയി. എന്നാല്‍ മതവിശ്വാസം ഇല്ല എന്ന് പറഞ്ഞു യുക്തിവാദിയും, നിരീശ്വര വാദിയും ചമഞ്ഞ് മതങ്ങളുടെ മേല്‍ അമേദ്യം വിസര്‍ജ്ജിച്ചാല്‍ അവന്‍ സാമൂഹിക പരിഷ്ക്കര്‍ത്താവും, പുണ്യ പുരുഷനും, മഹാത്മാവും ആയി.

അതായത് മൂത്രമൊഴിച്ചാല്‍ കഴുകാത്ത ശുനകന്മാര്‍, കുളിച്ച ശേഷം അത്തറ് പൂശാത്തവരെ കളിയാക്കുന്ന പരിപാടി. നടക്കട്ടെ മക്കളേ നടക്കട്ടെ...!!! ഇത്തരം ചൊറിച്ചിലുകള്‍ കൊണ്ടൊന്നും നിങ്ങള്‍ക്ക് ഒരു കുന്തവും ചെയ്യാന്‍ കഴിയില്ല.

അബസ്വരം :
കുശവനുണ്ടോ നല്ല കലത്തില്‍ കഞ്ഞിവെച്ച് കുടിക്കുന്നു ?

                                                                     158
                                                                     *****
25.09.2013
ഇന്ന് രാവിലെ ഞാന്‍ ഇട്ട സ്റ്റാറ്റസ്സിലെ "മൂത്രമൊഴിച്ചാല്‍ കഴുകാത്ത ശുനകന്‍മാര്‍, കുളിച്ച ശേഷം അത്തറ് പൂശാത്തവരെ കളിയാക്കുന്ന പരിപാടി. നടക്കട്ടെ മക്കളേ നടക്കട്ടെ...!!! ഇത്തരം ചൊറിച്ചിലുകള്‍ കൊണ്ടൊന്നും നിങ്ങള്‍ക്ക് ഒരു കുന്തവും ചെയ്യാന്‍ കഴിയില്ല." എന്ന വരിക്ക് ഒരു പണ്ഡിതന്‍ നല്‍കിയ വാഖ്യാനം താഴെ !!!

#"ഡൊക്ടർ അബ്സർ മുഹമ്മദ് തന്റെ ഒരേ പ്രസ്താവനയിലൂടെ ആവർത്തിച്ചു പറയുന്നത് എന്തെന്നാൽ മൂത്രമൊഴിച്ച് കഴുകാത്ത അന്യമതസ്തരും സ്വമതസ്തരുമായവരെല്ലാം ശുനകന്മാരാണ്. താൻ മാത്രം വളരെ വൃത്തിയുള്ളവനും പരോപകാരിയുമായ നല്ലൊരു മുസ്ലീമാണ്.!!!!!"#

മേല്‍ പറഞ്ഞ വ്യക്തി ഒരു വലിയ പണ്ഡിതന്‍ ആണ് എന്ന് ഒരിക്കല്‍ കൂടി പറയട്ടെ. സ്വന്തം പോസ്റ്റുകള്‍ക്കും കമന്റുകള്‍ക്കും ലൈക് ആവശ്യപ്പെട്ടു മെസേജ് അയക്കുന്ന കൂട്ടത്തിലുള്ള ആളും അല്ല എന്ന് കൂടി പറയട്ടെ !!!

ഒരു ശുനകനെ ശുനകന്‍ എന്നല്ലാതെ മനുഷ്യന്‍ എന്നാണോ വിളിക്കുക ? ഒരു ശുനകനെ ഉദാഹരണം ആക്കി പറഞ്ഞാല്‍ അത് അതേ രീതിയില്‍ മനസ്സിലാക്കാന്‍ ഉള്ള സാമാന്യ ബോധം ഇല്ലേ ? ഇനി അഥവാ മനസ്സിലായില്ലെങ്കില്‍ എന്താണ് നിങ്ങള്‍ പറഞ്ഞത് / ഉദ്ദേശിച്ചത് എന്ന് ചോദിക്കാന്‍ ഉള്ള മാന്യത പ്രകടിപ്പിച്ചു കൂടേ ??

ഇതൊന്നും ചെയ്യാതെ സ്വന്തം മനസ്സിന്റെ വികല ചിന്തകള്‍ അന്യരില്‍ കണ്ടെത്തി അവരുടെ വാക്കുകളെ വളച്ച് ഒടിക്കുന്നവരെ എന്താണ് വിളിക്കുക ?

എഴുതാപ്പുറങ്ങള്‍ വായിക്കുന്നവര്‍ക്ക് എന്താണ് വിശേഷണം നല്‍കുക ?

മൂപ്പര്‍ക്ക് കഴുകുന്ന പരിപാടി ഇല്ല എന്ന് കരുതി ബാക്കി എല്ലാവരും തന്നെ പോലെ ആണ് എന്ന് ആ മഹാന്‍ ചിന്തിച്ച് പോയിട്ടുണ്ടാവും അല്ലേ ??

മാത്രമല്ല പോസ്റ്റില്‍ പറഞ്ഞിട്ടുള്ളത്
"എന്നാല്‍ മതവിശ്വാസം ഇല്ല എന്ന് പറഞ്ഞു യുക്തിവാദിയും, നിരീശ്വര വാദിയും ചമഞ്ഞ് മതങ്ങളുടെ മേല്‍ അമേദ്യം വിസര്‍ജ്ജിച്ചാല്‍ അവന്‍ സാമൂഹിക പരിഷ്ക്കര്‍ത്താവും, പുണ്യ പുരുഷനും, മഹാത്മാവും ആയി" എന്നാണ്. ഇതില്‍ 'മതങ്ങളുടെ' എന്ന വാക്കിന്റെ അര്‍ത്ഥം ഇസ്ലാം എന്നാണോ ? ഇസ്ലാം മാത്രമാണോ ലോകത്ത് മതമായിട്ടുള്ളത് ?

മൂത്രമൊഴിച്ചാല്‍ കഴുകുന്നത് സ്വ മതസ്ഥര്‍ മാത്രമാണ് എന്ന ഇദ്ദേഹത്തിന്റെ അറിവ് അപാരം തന്നെയാണ്. ശിഷ്യപ്പെടാന്‍ കൊതിയാവുന്നു !!!

അബസ്വരം :
മണ്ടനായി ജനിക്കുന്നത് ആരുടേയും കുറ്റമല്ല. എന്നാല്‍ മരമണ്ടനായി മാറുന്നത് അയാളുടെ മാത്രം കുറ്റമാണ്.


അബസ്വരസംഹിതയുടെ മുന്‍ഭാഗങ്ങള്‍ക്ക് ഇവിടെ ക്ലിക്കുക

19 comments:

  1. "താന്‍ മദ്യപിക്കാറുണ്ടെങ്കിലും മദ്യപിച്ചു ലക്കുകെടാറില്ലെന്ന് ടെലിവിഷന്‍ അവതാരക രഞ്ജിനി ഹരിദാസ്." - വാര്‍ത്ത.

    അബസ്വരം :
    ജന്മനാ ഇല്ലാത്ത ഒന്നും കെടുത്താന്‍ മദ്യത്തിനാവില്ലല്ലോ !!!

    ReplyDelete
  2. abhindanangal aashamsakal

    ReplyDelete
  3. ആശംസകള്‍ ..... ഇനിയും ഒരുപാടു വളരാന്‍ ഈശ്വരന്‍ സഹായിക്കട്ടെ....



    ഇനി മലയാളിയുടെ പതിവു ചോദ്യം "ചെലവു എപ്പഴാഴാഴാഴാഴാ...". :)

    ReplyDelete
    Replies
    1. ലിങ്ക് ബിരിയാണി നല്‍കാം ;) എപ്പോ വേണമെങ്കിലും

      Delete
  4. "എനിക്കു വായിച്ചു രസിക്കാൻ ആവശ്യമായ സാഹിത്യ സൃഷ്ടികൾ ഞാൻ തന്നെ എഴുതുകയാണ് പതിവ്" - ലത് കലക്കി.. എഴുതുമ്പോൾ തന്നെ അതൊന്നു വായിച്ചു നോക്കാത്തതുകൊണ്ടായിരിക്കും സ്വയം വായിച്ചു രസിക്കേണ്ടി വരുന്നത്....

    ReplyDelete
  5. ഇനിയും മുന്നോട്ട്

    ReplyDelete
  6. പേര് വെക്കാതെ ചോദ്യം ഇടുന്നത് പേടിച്ചിട്ടു തന്നെ ആണ്. ശോഭായാത്രെയേ ശബ്ദമലിനീകരണം എന്ന് വിശേഷിപ്പിക്കുന്ന അബസ്വരാൻ ബാങ്ക് വിളിയെ ശബ്ദമലിനീകരണം എന്ന് വിളിക്കുമോ? മറ്റു ബ്ലോഗ്ഗർമാരിൽ നിന്നും അബസ്വരൻ വ്യത്യസ്തൻ ആകുന്നത് ഈ ചങ്കൂറ്റം ഇല്ലായ്മ കൊണ്ടും കൂടി ആണ്.

    ReplyDelete
    Replies
    1. ഹഹ... നിങ്ങളെ മരമണ്ടാ എന്ന് വിളിക്കുന്നതില്‍ ഒന്നും തോന്നരുത്. കാരണം അതില്‍ കുറഞ്ഞൊരു വിളി നിങ്ങള്‍ അര്‍ഹിക്കുന്നില്ല. ശോഭായാത്രയെ അബസ്വരന്‍ എവിടെയാണ് ശബ്ദമലിനീകരണം എന്ന് വിശേഷിപ്പിച്ചത് എന്ന് ഒന്ന് കാണിച്ചു തരുമോ ? ശോഭായാത്ര പാടില്ല എന്ന് പറഞ്ഞത് കാണിച്ചു തരുമോ ??

      വായിച്ചതിന്റെ അര്‍ഥം മനസ്സിലായില്ല എങ്കില്‍ അത് പറയുക.

      ഒരു മതേതര രാജ്യത്തില്‍ ഓരോ മത വിശ്വാസിക്കും അവരുടെ ആചാരങ്ങള്‍ നടത്താനുള്ള സ്വാതന്ത്ര്യം ഉണ്ട്. അത് ശോഭായാത്രയായാലും, ബാങ്ക് വിളി ആയാലും. അത് പാടില്ല എന്ന് ഞാന്‍ പറഞ്ഞിട്ടുണ്ട് എങ്കില്‍ അത് കാണിച്ചു തരുക. ശോഭായാത്ര ശബ്ദ മലിനീനകരണം ഉണ്ടാക്കുന്നു എന്ന് ഞാനല്ല പറഞ്ഞത്. ശോഭയാത്രയെ വിമര്‍ശിക്കുന്നവര്‍ ആണ്. വിമര്‍ശകര്‍ക്കുള്ള മറുപടി പറയാന്‍ വിമര്‍ശകര്‍ ഉന്നയിച്ച ആരോപണം ഞാന്‍ പകര്‍ത്തുകയാണ് ചെയ്തത് എന്ന് തിരിച്ചറിയാന്‍ ഉള്ള സാമാന്യ വിവേകം നിങ്ങള്‍ക്ക് ഇല്ല എങ്കില്‍ പിന്നെ അതിനു എന്നെ കുറ്റം പറഞ്ഞിട്ട് കാര്യമില്ല.

      ചങ്കൂറ്റം ഇല്ലായ്മ കൊണ്ട് ആരാണ് അനോണി വേഷം കെട്ടുന്നത് എന്നറിയാന്‍ കണ്ണാടിയിലേക്ക് നോക്കിയാല്‍ മതി.
      സ്വന്തം ചങ്കൂറ്റം തെളിയിച്ച ശേഷം പോരെ അന്യന്റെ ചങ്കൂറ്റം അളക്കാന്‍ നടക്കുന്നത് !!

      Delete
  7. 125: neratheyulla vivaham aarogyathinu hanikaram enna board thookkal...:D (Y)

    ReplyDelete
  8. സംഗതി കലക്കി

    അപസ്വരം : എല്ലാത്തിലും തലയിട്ടിട്ടുണ്ടല്ലോ ....

    ReplyDelete
  9. എല്ലാ പഴയ പോസ്റ്റുകളും ഒന്ന് കാണാന്‍ ആയി,,, അബസ്വരന്‍ മുന്‍പോട്ടു കുതിക്കട്ടെ

    ReplyDelete
  10. 16 വയസ്സിലെ വിവാഹം, സുഹ്രുത്തെ താങ്കള്‍ക്കെങ്ങനെ ആ സാമൂഹ്യ അനീതിയെ ന്യായീകരിക്കാന്‍ കഴിയുന്നു. മലപ്പുറത്തു ചെന്ന് നോക്കൂ, സ്ത്രീധനം കൊടുക്കാന്‍ കാശില്ലാത്തതു കാരണം 16 കഴിഞ്ഞ് പതിറ്റാണ്ടുകള്‍ പിന്നിട്ട സ്ത്രീകളെ അവിടെ കാണാന്‍ കഴിയും.അതൊക്കെ കഴിഞ്ഞിട്ടു പോരെ 16 വയസ്സുള്ള ബാലികമാരെ ആക്രമിക്കല്‍, നിങ്ങളുടെ ഒക്കെ സംസാരം കേട്ടാല്‍ തോന്നും ഈ നാട്ടിലൊന്നും സ്ത്രീകളില്ലെന്ന്.ഒരു വിവാഹം കൊണ്ട് എന്തൊക്കെ ഉത്തരവാദിത്തങ്ങളാണ്‍ സ്ത്രീകള്‍ക്ക് വന്നു ചേരുന്നത്.ആദ്യത്തേത് സ്വന്തം വീട്ടില്‍ നിന്നുള്ള പറിച്ചു നടല്‍ തന്നെ, നിങ്ങള്‍ക്കു ഒരു മകളുണ്ടെങ്കിലറിയാം നിങ്ങള്‍ എത്ര ഓമനിച്ചുകൊണ്ടായിരിക്കും ആ കുഞ്ഞിനെ വളര്‍ത്തുന്നതെന്നു,ആ ചെറുപ്രായത്തില്‍ ഒരു കുഞ്ഞിന്‍ ജന്മം കൊടുത്താല്‍ മാത്രം പോരാ, അവളോട്/അവനോട് ഉള്ള ഉത്തരാവാദിത്തങ്ങള്‍ പൂര്‍ണ്ണമായുംനിറവേറ്റുക തന്നെ വേണം, അതിനു ഒരു പെണ്‍കുട്ടി ബലി കഴിക്കേണ്ടത് തന്‍റെ ജീവിതത്തിലെ കൌമാരമാണ്, ബാല്യമാണ്.ഗാന്ധിജി 13 കാരിയെ വിവാഹം കഴിക്കുമ്പോള്‍ നാമറിയുന്ന ഗാന്ധിജി ആയിരുന്നില്ല. അദ്ദേഹവും ഒരു ബാലനായിരുന്നു. അനുഭവങ്ങളുടെ തീചൂളയില്‍ നിന്നാണ്‍ അദ്ദേഹം നാമറിയുന്ന ഗാന്ധിജി ആയത്. ബാലിശമായ അത്തരം പ്രയോഗങ്ങള്‍ ഒഴിവാക്കുക.സമൂഹത്തിലെ പല അനാചാരങ്ങളും നിയമം മൂലം നിരോധിച്ചിട്ടുണ്ട്, സതി , അയിത്തം, .എന്നാല്‍ പിന്നെ അതൊക്കെ ഇന്നും തുടര്‍ന്നു കൂടെ.നമ്മുടെ മതത്തില്‍തന്നെ accurate ആയിട്ടുള്ള ഒരു പ്രായം വിവാഹത്തിനു പറഞ്ഞിട്ടില്ല. മതപ്രകാരം ഒരു രാഷ്ട്രത്തിനു ഗുണകരമാണെങ്കില്‍ അതാത് ഭരണാധികളെ അനുസരിക്കാന്‍ പ്രജകള്‍ ബാധ്യസ്തരമാണ്.ഹിന്ദു നിയമങ്ങള്‍ ഭരണഘടന ഭേദഗതി ചെയ്യുന്നുണ്ടല്ലോ, ആ ഒരു സഹിഷ്ണുത നമുക്കും കാണിച്ചുകൂടെ.മതപരമായ വിഷയത്തേക്കാളുപരി ഇതൊരു സാമൂഹ്യ വിഷയമാണ്. പഠിപ്പും വിവരവുമുള്ള താങ്കളെപ്പോലുള്ളവര്‍ സാമൂഹ്യ പരിഷ്കര്‍ത്താക്കളാകുന്നതിനു പകരം ഇത്തരം വിവരക്കേടുകള്‍ പറയാതിരിക്കു. ലിംഗവും മതവും അഭിപ്രായങ്ങള്‍ക്ക് നിറം കൊടുക്കുന്ന ഒരു കാലഘട്ടമാണിത്. അതായത് മുസ്ളിങ്ങള്‍ക്ക് നേരെയുള്ള അതിക്റമങ്ങളെ ഞാന്‍ എതിര്‍ത്താല്‍ ജനം എന്നെ വര്‍ഗ്ഗീയവാദി ആയി കാണും. ഞാന്‍ തന്നെ കരുതാറുന്ട്‌ ഞാന്‍ ഒരു ഹിന്ദു ആയിരുന്നെങ്കില്‍ എനിക്ക് കുറച്ചു കൂടി പ്രതികരിക്കമായിരുനു എന്ന്. അതുപോലെ ഞാന്‍ ഒരു സ്ത്രീ ആയി എന്ന കാരണം കൊണ്ട് ഈ അഭിപ്രായത്തെ തരം താഴ്ത്തി കാണാതിരിക്കുക.ഇതു വായിച്ചപ്പോള്‍ ഒരു blogger ആയതില്‍പോലും എനിക്ക് വിഷമം തോന്നി.

    ReplyDelete
    Replies
    1. ഈ വിഷയത്തില്‍ ഉള്ള വിശദമായ പോസ്റ്റും ചര്‍ച്ചകളും ഇവിടെ ഉണ്ട്

      01. പതിനെട്ടിന്റെ പോത്തുകള്‍
      02. പതിനാറിലെ നിക്കാഹും, സാമൂഹിക പരിഷ്കര്‍ത്താക്കളും

      മുകളില്‍ ഉള്ള ലിങ്കുകളിലെ പോസ്റ്റുകളും കമന്റുകളും വായിച്ചാല്‍ എന്താണ് പറഞ്ഞിട്ടുള്ളത് എന്ന് മനസ്സിലാവും. മനസ്സിലാവുന്നവര്‍ക്ക് !!

      എനിക്ക് മലപ്പുറത്തെ വിശേഷങ്ങള്‍ അറിയാന്‍ മലപ്പുറത്തേക്ക് ചെന്ന് നോക്കേണ്ട ആവശ്യം ഇല്ല. കാരണം ഞാന്‍ ജീവിക്കുന്നത് മലപ്പുറത്ത് ആണ്. പതിനാറു കഴിഞ്ഞു പതിറ്റാണ്ടുകള്‍ പിന്നിട്ട സ്ത്രീകളുടെ എല്ലാം കല്യാണം കഴിഞ്ഞാല്‍ മാത്രമേ മറ്റുള്ളവരുടെ വിവാഹം നടക്കാന്‍ പാടുള്ളൂ എന്നതാണോ നിങ്ങളുടെ നിലപാട്. അതോ പതിനെട്ടു ആയാല്‍ പിന്നെ പതിനാറു കഴിഞ്ഞ് പതിറ്റാണ്ടുകള്‍ പിന്നിട്ട സ്ത്രീകള്‍ ഉണ്ടെങ്കിലും അവരെ കല്യാണം കഴിപ്പിച്ചാല്‍ എല്ലാ പ്രശ്നവും തീരും എന്നോ ??

      വിവാഹം എന്നത് അക്രമം ആണ് എന്നത് പുതിയ അറിവാണ്. ഒരു അക്രമം രണ്ടു വര്‍ഷം കൊണ്ട് എങ്ങിനെയാണ് പുണ്യപ്രവര്‍ത്തി ആകുക എന്നും നിങ്ങള്‍ ഒന്ന് വിശദീകരിക്കുമല്ലോ ? വിവാഹം അക്രമം ആണെങ്കില്‍ അത് പതിനെട്ടിലും പതിനാറിലും അക്രമം തന്നെയല്ലേ ?

      നാട്ടിലെ സ്ത്രീകള്‍ ഇല്ലാത്തത് കൊണ്ടാണ് ഇങ്ങനെ കഴിക്കാം എന്ന് പറഞ്ഞത് എന്ന് നിങ്ങളെ ആരാണ് പഠിപ്പിച്ചത് ?

      പതിനാറില്‍ പറിച്ചു നടല്‍ ആണെങ്കില്‍ പതിനെട്ടില്‍ പിന്നെ പറിക്കാതെ ഉള്ള നടല്‍ ആണോ നടക്കുന്നത് ??

      സ്വന്തം മകളെ അനുയോജ്യനായ ഒരുത്തന് വിവാഹം ചെയ്തു കൊടുക്കുക എന്നത് ഒരു രക്ഷിതാവിനെ സംബന്ധിച്ചിടത്തോളം പ്രധാനപ്പെട്ട ഉത്തരവാദിത്വം അല്ലേ ? നിങ്ങള്‍ക്ക് നിങ്ങളുടെ മകളെ മുപ്പതില്‍ കെട്ടിക്കാന്‍ ആണ് താല്പര്യം എങ്കില്‍ അങ്ങിനെ ചെയ്തോളൂ. വേണ്ട എന്ന് ആരെങ്കിലും പറഞ്ഞുവോ ? അതുപോലെ പതിനാറില്‍ കെട്ടിക്കാന്‍ ഒരു രക്ഷിതാവിനും അതിനു ആ പെണ്‍കുട്ടിക്കും സമ്മതം ആണ് എങ്കില്‍ പിന്നെ നിങ്ങള്‍ക്ക് എന്തിനാ ഇത്ര അസഹിഷ്ണുത ? നിങ്ങളുടെ വീട്ടില്‍ വന്നു ആരും നേരത്തെ കെട്ടിച്ചു വിട്ടേ പറ്റൂ എന്ന് ആരെങ്കിലും പറഞ്ഞുവോ ?

      പതിനാറില്‍ കെട്ടിയാല്‍ കൌമാരവും, ഇരുപതില്‍ കെട്ടിയാല്‍ യൌവനവും അന്‍പതില്‍ കെട്ടിയാല്‍ വാര്‍ദ്ധക്യവും ബലി കഴിക്കും എന്ന് പറയാന്‍ വിവാഹം എന്നത് എന്താ ഒരു മോശം സംഭവം ആണോ ? ഈ പ്രായത്തില്‍ ഒന്നും വിവാഹം കഴിച്ചവര്‍ സന്തോഷത്തോടെ ജീവിക്കാറില്ലേ ?

      ഗാന്ധിജി പതിമൂന്നില്‍ കെട്ടിയ ശേഷം അല്ലേ ഗാന്ധിജി ആയത് ? :P

      സതി, അയിത്തം തുടങ്ങിയവ ഏതെങ്കിലും മതത്തിന്റെ അടിസ്ഥാന ഗ്രന്ഥങ്ങളില്‍ പറഞ്ഞിട്ടുള്ള കാര്യം ആണെങ്കില്‍ അതിനെ കുറിച്ച് സംസാരിക്കേണ്ടത് ആ മതവുമായി ബന്ധപ്പെട്ടവര്‍ ആണ്.

      മതത്തില്‍ പ്രായ പൂര്‍ത്തി ആയാല്‍ വിവാഹം കഴിക്കാം എന്നാണു പഠിപ്പിച്ചിട്ടുള്ളത്‌. ഇസ്ലാം നിയമപ്രകാരം മുസ്ലിം പെണ്‍കുട്ടിക്ക് പ്രായ പൂര്‍ത്തി എപ്പോഴാണ് ആവുക എന്ന് അറിയില്ല എങ്കില്‍ മുകളില്‍ നല്‍കിയ രണ്ടു ലിങ്കുകളില്‍ ഉള്ള പോസ്റ്റുകളും ഒന്ന് വായിക്കുക.

      ഭരണഘടന അനുസരിക്കാന്‍ ബാധ്യസ്ഥരാണ് എന്നത് പോലെ ഭരണഘടനയില്‍ വിയോജിപ്പ്‌ ഉണ്ടെങ്കില്‍ അത് പ്രകടിപ്പിക്കാനും അതിനെതിരെ നിയമപരമായി ചെയ്യാന്‍ കഴിയുന്ന കാര്യങ്ങള്‍ ചെയ്യാനും ജനങ്ങള്‍ക്ക് അവകാശം ഇല്ലേ ? അതില്‍ എന്തിനു നിങ്ങളെ പോലെ അസഹിഷ്ണുത കാണിക്കണം ?

      മുകള്‍ ലിങ്കുകളില്‍ ഉള്ള പോസ്റ്റുകള്‍ ശരിക്ക് ഒന്ന് വായിക്കാന്‍ മറക്കരുതേ !!

      ഒരു മതത്തിലെ വിശ്വാസികളെ മാത്രം ബാധിക്കുന്ന വിഷയം എങ്ങിനെയാണ് സാമൂഹ്യ വിഷയം ആയി മാറുക എന്ന് പറഞ്ഞു തരുമോ ? അതും മതത്തില്‍ വിശ്വസിക്കുന്നവര്‍ക്ക് താല്പര്യം ഉള്ളവര്‍ മാത്രം ചെയ്യേണ്ട കാര്യം കൂടി ആകുമ്പോള്‍ ?? നിങ്ങള്‍ പറയുന്നതിലെ വിവരക്കേടുകള്‍ ആദ്യം നിങ്ങള്‍ തിരിച്ചറിയുമല്ലോ !!

      എനിക്ക് പറയാന്‍ ഉള്ളത് ഞാന്‍ പറയുക തന്നെ ചെയ്യും. അതെന്റെ സ്വാതന്ത്ര്യം. നിങ്ങളുടെ വിവരത്തിനു അനുസരിച്ച് അത് എന്തായാലും വ്യാഖ്യാനിക്കാം. അത് നിങ്ങളുടെ സ്വാതന്ത്ര്യം. എപ്പോള്‍ വിവാഹം നടത്തണം എന്ന് തീരുമാനിക്കാന്‍ ഉള്ള സ്വാതന്ത്ര്യം പോലെ തന്നെ.

      വര്‍ഗ്ഗീയ വാദിയായി കാണും എന്ന് ഭയന്ന് പറയാനുള്ളത് പറയാതിരിക്കാനും, എതിര്‍ക്കേണ്ടത് എതിര്‍ക്കാതിരിക്കാനും ഞാന്‍ പഠിച്ചിട്ടില്ല. നാട്ടുകാരുടെ സര്‍ട്ടിഫിക്കറ്റ് അല്ല എനിക്ക് ആവശ്യം !!

      നിങ്ങള്‍ക്ക് നിങ്ങളുടെ ഇഷ്ടത്തിനു അനുസരിച്ച് എന്തും ആയ ശേഷം പ്രതികരിക്കാം. അതൊക്കെ നിങ്ങളുടെ സ്വാതന്ത്ര്യം.

      നിങ്ങള്‍ സ്ത്രീ ആണോ പുരുഷന്‍ ആണോ എന്ന് നോക്കിയല്ല മറുപടി എഴുതുന്നത്. നിങ്ങളുടെ വരികള്‍ നോക്കിയാണ്. നിങ്ങളുടെ വരിക്കള്‍ക്കുള്ള എന്റെ മറുപടി. ഞാന്‍ മനപ്പൂര്‍വ്വം തരം താഴ്ത്താനോ തരം ഉയര്‍ത്താനോ ശ്രമിക്കാറില്ല. ഉള്ളത് പറയും. അത് എങ്ങിനെയും എടുക്കാം.

      ഹഹ.. അവസാന വാചകം വായിച്ചപ്പോള്‍ ചിരിക്കാതിരിക്കാന്‍ കഴിഞ്ഞില്ല. നിങ്ങളുടെ ഇത്തരം വിഷമങ്ങള്‍ നിങ്ങള്‍ വിചാരിച്ചാലേ മാറ്റാന്‍ പറ്റൂ. എന്തായാലും വിഷമം വേഗം മാറട്ടെ. :)




      Delete
  11. ഇത് മുഴുവൻ വയിച്ച് തീരണമെങ്കിൽ പിന്നോട്ട് പോണം അല്ലേ ഭായ്

    ReplyDelete

നിങ്ങളുടെ വിമര്‍ശനങ്ങളും അഭിപ്രായങ്ങളും നിര്‍ദ്ദേശങ്ങളും ഇവിടെ പങ്കുവെക്കാന്‍ മറക്കരുതേ....